ភ្នំពេញ៖ ម៉ូតូរ៉ឺម៉កកង់៣មួយគ្រឿងបើកបរដោយបុរសម្នាក់បានបួងចង្កូតទៅបុកនិងរថយន្តតាកូម៉ាមួយបាំងកន្លះដែលចតស្ងៀមនៅមុខផ្ទះបណ្ដាលអោយគាបជាប់រងការខូចខាត កាលពីវេលាម៉ោង១០និង១០នាទីយប់ថ្ងៃទី១៧ខែមេសាឆ្នាំ២០១៤ តាមបណ្ដោយផ្លូវលេខ១៩៣កែង៣៧៤ ក្នុង
សង្កាត់ទួលស្វាយព្រៃ១ ខណ្ឌចំការមន ។
តាមប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុគេឃើញបុរសម្នាក់បើកបរម៉ូតូរ៉ឺម៉កកង់៣មួយគ្រឿង ពណ៌ក្រហម ពាក់ស្លាកលេខ តាកែវ 1A-3758 ធ្វើដំណើរតាមបណ្ដោយផ្លូវលេខ៣៧៤ ទិសដៅពីលិចទៅកើតខណៈមកដល់កែងផ្លូវ១៩៣ក៏ម៉ូតូកង់៣នេះជ្រុលបួងចង្កូតទៅបុករថយន្តមួយគ្រឿងម៉ាកតូយ៉ូតា តាកូម៉ា មួយបាំងកន្លះ ពណ៌ទឹកប្រាក់ ពាក់ស្លាកលេខ ភ្នំពេញ 2Z-6772 ដែលកំពុងចតនៅចិញ្ចើមផ្លូវមុខផ្ទះបណ្ដាលអោយម៉ូតូរ៉ឺម៉កកង់៣និងរថយន្តគាបជាប់គ្នារងការខូចខាតទាំងសងខាង។បន្ទាប់ពីកើតហេតុម្ចាស់ម៉ូតូរ៉ឺម៉កកង់៣បានសុំអោយម្ចាស់រថយន្តធ្វើការសម្របសម្រួលក៏ប៉ុន្តែមិនអាចដោះស្រាយគ្នាបានក៏សមត្ថកិច្ចមូលដ្ឋានចុះអន្តរាគមន៍ និងទំនាក់ទំនងទៅសមត្ថកិច្ចជំនាញផ្នែកចរាចរមកធ្វើការវាស់វែងយកម៉ូតូរ៉ឺម៉កកង់៣និងរថយន្តយកទៅរក្សាទុកនៅអធិការដ្ឋានខណ្ឌចំការមនរង់ចាំដោះស្រាយគ្នាទៅតាមផ្លូវច្បាប់៕
