កំពង់ឆ្នាំង៖ តាមសំណើររបស់ជនរងគ្រោះចំនួន៣គ្រួសារ ដែលបានរងគ្រោះដោយភ្លើងឆេះផ្ទះកាលពីយប់ថ្ងៃទី៣១ ខែឧសភា ឆ្នាំ២០១៥ នៅក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំ ង និងដោយមានការឯកភាពពីអាជ្ញាធរមូលដ្នានផងនោះ នៅព្រឹកថ្ងៃទី១២ ខែមិថុនា
ឆ្នាំ២០ ១៥ តំណាងអង្គការមូលនិធិអភិវឌ្ឍន៍អាស៊ីអគ្នេយ៍ បាននាំយកអំណោយមនុស្សធម៌ របស់សមាជិកគាំទ្រខ្លួនមកជួយឧបត្ថម្ភដល់ក្រុមគ្រួសារជនរងគ្រោះ។
អ្នកស្រី កែវ សុផាត ចៅសង្កាត់កំពង់ឆ្នាំង ក្រុងកំពង់ឆ្នាំង បានថ្លែងអោយដឹងថា៖ គ្រោះ
អគ្គីភ័យនៅយប់ថ្ងៃទី៣១ ខែឧសភា ឆ្នាំ២០១៥ បានធ្វើអោយប្រជាពលរដ្ឋ ២គ្រួសារឆេះផ្ទះអស់ទាំងស្រុងដែលមានទំហំខូចខាតជាង១៨ម៉ឺនដុល្លា និងប្រជាពលរដ្ឋ១គ្រួសារទៀតឆេះ
អស់ជញ្ជាំងផ្ទះ១ជំហៀង។ដោយមានសេចក្តីខ្វះខាតយ៉ាងខ្លាំងដោយសារគ្រោះអគ្គីភ័យនេះ ប្រជាពលរដ្ឋរងគ្រោះ ក៏បានធ្វើលិខិតស្នើសុំ ទៅលោកប្រធានអង្គការមូលនិធិអភិវឌ្ឍន៍អាស៊ីអាគ្នេយ៍ ជួយផ្តល់អំណោយសង្គ្រោះ ហើយអាជ្ញាធរភូមិ សង្កាត់ក៏បានឯកភាពផងដែរ ដើម្បីជួយដោះស្រាយការលំបាកជូនជនរងគ្រោះ។
លោក ម៉ាត់ សារី តំណាងអោយប្រធានអង្គការមូលនិធិអភិវឌ្ឍន៍អាស៊ីអគ្នេយ៍បានអោយដឹងថា៖ដើម្បីមនុស្សធម៌ សប្បុរសជនដែលទ្រទ្រង់ដោយសមាជិកវិនិយោគរបស់ EBC នៅខេ ត្តកំពង់ឆ្នាំង កំពង់ចាម បាត់ដំបង បានធ្វើការរ៉ៃអង្កាសគ្នាជាថវិការ និងគ្រឿងឧបភោគ បរិភោ គមួយចំនួន យកមកផ្តល់ជូនជនរងគ្រោះតាមសំណើររបស់ពួកគាត់ និងអាជ្ញាធរមូលដ្ឋាន ដើ ម្បីរួមចំណែកជាមួយកាកបាទក្រហមកម្ពុជា និងប្រមុខរាជរដ្ឋាភិបាល ក្នុងការជួយសង្គ្រោះជនរងគ្រោះដោយគ្រោះភ័យផ្សេងៗ ដោយមិនប្រកាន់ការរើសអើងអ្វីឡើយ។
ចំណែកអំណោយដែលបានយកមកផ្តល់ជូនក្នុងពេលនេះរួមមាន៖ គ្រួសារស្ត្រីឈ្មោះ ហ៊ួយ សុវី អាយុ៥៧ឆ្នាំ និងគ្រួសារ ស្ត្រីឈ្មោះ ណុប ចិន្តា អាយុ៥៧ឆ្នាំ (មន្ត្រីមន្ទីរកិច្ចការនារីខេត្ត ) ជាជនរងគ្រោះ ត្រូវភ្លើងឆេះផ្ទះទាំងស្រុង បានទទួលអំណោយថវិការក្នុង១គ្រួសារៗ ២លានរៀល ចំណែកគ្រួសារបុរសឈ្មោះ កេត សុធីដឺ អាយុ៣៦ឆ្នាំ ដែលផ្ទះត្រូវបានភ្លើងឆេះអស់ជញ្ជាំងមួយជំហៀង បានទទួលអំណោយថវិការចំនួន៨០ម៉ឺនរៀល ដោយឡែកជនរងគ្រោះទាំង៣គ្រួសារក៏បានផ្តល់ អំណោយអង្ករ ទឹកស្អីវ ត្រីខ ចានឆ្នាំង និងមុងភួយ មួយចំនួនទៀត។
លោកស្រីចៅសង្កាត់កំពង់ឆ្នាំង និងជនរងគ្រោះទាំង៣គ្រួសារ បានថ្លែងអំណរគុណយ៉ាង
ជ្រាវជ្រៅដល់សប្បុរសជនរបស់អង្គការមូលនិធិអភិវឌ្ឍន៍អាស៊ីអគ្នេយ៍ទាំងអស់ សូមអស់លោកជួបប្រទះតែសេចក្តីសុខ និងជោគជ័យគ្រប់ភារកិច្ច និងសូមអោយការងារបានរីកចំរើនរហូតតទៅ ដើម្បីរួមចំណែកក្នុងការងារមនុស្សធម៌ បន្តទៀតជាមួយប្រមុខរាជរដ្ឋាភិបាលកម្ពុជា៕
