កំពង់ឆ្នាំង៖ការកាប់បំផ្លាញព្រៃលិចទឹកតំបន់៣ក្នុងស្រុកកំពង់លែងមួយរយះនេះបានកំរើកឡើងវិញដែលគួរអោយព្រួយបារម្មណ៏ ក្រោយពីមានការទប់ស្កាត់របស់មន្ត្រីជលផលសហការណ៏ជាមួយសមត្ថកិច្ច និងអាជ្ងាធរមូលដ្ឋានក្នុងតំបន់មួយចំនួនក្នុងស្រុកកំពង់លែងកន្លងមក។
ប្រភព័ត៌មានពីប្រជាពលរដ្ឋនៅក្នុងឃុំផ្លូវទូកបានអោយដឹងថា៖នៅព្រលប់ថ្ងៃទី០៩និង១០ ខែមិថុនា ឆ្នាំ២០១៥នេះគេឃើញជនល្មើស បាននិងកំពុងតែកាប់ឆ្ការព្រៃលិចទឹកនិងដុតបំផ្លាញយ៉ាងសន្ធោរសន្ធៅ នៅក្នុងព្រៃស្បាតដំបន់៣ចំណុចព្រែកសាច់ស្ពៃតូច បឹងឈើទាល បឹងសាច់តាសូរ ស្ថិតក្នុងភូមិថ្នល់ឈើទាល ឃុំផ្លូវទូក វាតទីយកដីធ្វើចំការយ៉ាងអានាធិប្បតេយ្យ ដោយមិនទាន់មានការទប់ស្កាត់ពីអាជ្ញាធរ ឬសមត្ថកិច្ចពាក់ពន្ធ័នៅឡើយទេ រីឯផ្លាកហាមមិនអោយមានការកាប់បំផ្លាញព្រៃលិចទឹករបស់រដ្ឋបាលជលផល ក៏មិនទាន់ឃើញមានយកទៅ
បោះដាក់នៅតំបន់នោះនៅឡើយដែរ។ប្រជាពលរដ្ឋសុំសំណូមសារជាថ្មីម្តងទៀតដល់អាជ្ញាធរភូមិឃុំ ពិសេសលោកប្រធានសហគមន៏មេត្តាជួយមើលផង តែគេដឹងថាការកាប់ព្រៃលិចទឹកខាងលើនេះបាន គឺមានការឃុបឃិតពីអាជ្ញាធរ និងសហគមន៍មួយចំនួន។ ជុំវិញការរិះគន់ពីប្រជាពលរដ្ឋ ដែលបានថាអាជ្ញាធរនិងសគមន៏ថាបានបើកដៃអោយជនខិលខូចកាប់រុករាននិងដុតបំផ្លា្ញញព្រៃលិចទឹកខាងលើនេះ លោក អៀង កៀន មេភូមិថ្នល់ឈើទាលបានប្រាប់អ្នកយកព័ត៏មានយើងតាមទូរសព្ទ័អោយដឹងនៅព្រឹកថ្ងៃទី១១ ខែមិថុនា ឆ្នាំ២០១៥នេះថា៖ព្រៃទាំង៣ចំណុចខាងលើនេះមានការកាប់និងដុតពិតមែន តែដីមួយចំនួនគឺធ្លាប់ជាកម្មសិទ្ធរបស់ប្រជាពលរដ្ឋ ធ្វើចំការតាំងពីសង្គមមកម្លេះ មិនមែនទើបតែកាប់ថ្មីៗនោះទេ។តែការលើកឡើងបែបនេះរបស់លោកមេភូមិមិនសមស្របទេ តើអ្នកណាគេទទួលស្គាល់ដីធ្លីកម្មសិទ្ធពីសង្គមចាស់ជាង៤០ឆ្នាំមកហើយនោះ។
ទាក់ទងក្នងរឿងនេះដែរលោក ពុំ សុផល នាយសង្កាត់នេសាទកំពង់លែង បាននិយាយអោយដឹងនៅព្រឹកថ្ងៃទី១៣ ខែមិថុនា ឆ្នាំ២០១៥នេះថា៖លោកក៏ទើបតែបានដឹងរឿងខាងលើនេះដែរ ប៉ុន្តែនៅក្នុងចំណុចខាងលើនេះ ពេលនេះតាមព្រែកចូលទៅសុទ្ធតែកំប៉ោងមិនអាចបើកកាណូតចូលទៅបានទេ តែថ្ងៃណាមួយលោកនិងហៅអាជ្ញាធរឃុំចុះទៅពិនិត្យស្រាវជ្រាវរកមុខសញ្ញាជនល្មើស ដើម្បីកសាងសំណុំរឿងបញ្ជូនទៅតុលាការខេត្តចាត់ការតាមផ្លូវច្បាប់។ដោយឡែកការរិះគន់ថា មានការឃុំបឃិតពីអាជ្ញាធរនិងសហគមន៍លោក មិនបានដឹងទេ ប៉ុន្តែប្រហែលជាមិនពិតដូចការរិះគន់ឡើយ ព្រោះអាជ្ញាធរនិងសហគមន៍ តែងតែសហការជាមួយសមត្ថកិច្ចជានិច្ច ក្នុងការបង្ក្រាបបទល្មើសខាងលើនេះ។ លោកបាននិយាយអោយដឹងទៀតថា៖នៅក្នុងខែ៥ និងខែ៦នេះ លោកបានរកឃើញមុខសញ្ញាជនល្មើសកាប់ព្រៃលិចទឹកចំនួន២៨នាក់ និងបានកសាងសំណុំរឿងទៅតុលាការរួចហើយ។ករណីនេះលោក
ក៏ស្នើសុំដល់ស្ថាបន័តុលាការខេត្ត ជួយចាត់វិធានការណ៍អោយបានជាបន្ទាន់ផងដែរ ក្នុងការកោះហៅជនល្មើសមកសួរចម្លើយ និងផ្តន្ទាទោសតាមបញ្ញត្តិច្បាប់ ដើម្បីជាគំរូកុំអោយប្រជាពលរដ្ឋផ្សេងទៀតយកតម្រាប់តាម និងទើបអាចទប់ស្កាត់ការកាប់បំផ្លាញព្រៃលិចទឹកមានប្រសិទ្ធភាព៕ 
