ខេត្តស្វាយរៀង៖ ស្ត្រីម្នាក់ត្រូវបានកំលាំងអាវុធហត្ថ ខេត្តស្វាយរៀង ធ្វើការចាប់តាមដីកា បង្គាប់លេខ៧៦(គ) ចុះថ្ងៃទី១១ ខែមិថុនា ឆ្នាំ២០១៥ របស់សាលាដំបូង ខេត្តស្វាយរៀងដែល ចុះហត្ថលេខាដោយលោក សួន សំណាង ចៅក្រមស៊ើបសួរ នៃសាលាដំបូងខេត្ត ។
យោងតាមមន្ត្រីកងរាជអាវុធហត្ថ ខេត្តស្វាយរៀង បានឲ្យដឹងថា ដោយមានការសម្របសម្រួល ពីលោក ហ៊ឹង ប៊ុនជា ព្រះរាជអាជ្ញាអមសាលាដំបូង ខេត្តស្វាយរៀង និងលោក មាស ចាន់ពិសិដ្ឋ ព្រះរាជអាជ្ញារងអមសាលាដំបូងរាជធានីភ្នំពេញ និងកំលាំងជំនាញ កងរាជអាវុធហត្ថ ខេត្តស្វាយរៀងបាន សហការជាមួយកំលាំងកងរាជអាវុធហត្ថខណ្ឌឫស្សីកែវ រាជធានីភ្នំពេញ បានធ្វើការស្រាវជាវ ស្វែងរកចាប់ខ្លួនជនត្រូវចោទឈ្មោះ ចាន់ សុជា តាមដីការបង្គាប់ឲ្យចាប់ខ្លួន កាលពីវរលាម៉ោង១៣និ៣០នាទីរសៀល ថ្ងៃទី១ ១ខែមិថុនា ឆ្នាំ២០១៥ នៅក្នុងផ្ទះមួយកន្លែង នៅក្នុងខណ្ឌឫស្សីកែវ រាជធានីភ្នំពេញ ។
សូមបញ្ជាក់ផងដែរថា បើតាមជនរងគ្រោះ ដែលចាញ់បោកជនឆបោកខាងលើ បានប្រាប់ឲ្យដឹងថា មាន ចំនួន៣នាក់ដែលចាញ់បោក ជនឆបោកចំនួន២នាក់:ជនឆបោកទី១នោះមានឈ្មោះ ចាន់ សុជា ភេទស្រី អាយុ២៤ឆ្នាំ មានទីលំនៅភូមិធ្លក សង្កាត់ច្រកម្ទស ក្រុងបាវិត (ជាជនឆបោក) ឆបោកប្រាក់ពីជនរងគ្រោះទាំង៣នាក់កាលពីថ្ងៃទី៥ ខែឧសភា ឆ្នាំ២០១៥ លុះដល់ថ្ងៃទី១០ ខែឧសភា ឆ្នាំ២០១៥ ក៏រត់ទៅរាជធានីភ្នំពេញបាត់រហូតដល់ថ្ងៃទី១១ ខែមិថុនា ឆ្នាំ២០១៥ ទើបចាប់ខ្លួនបាន ទី២មានឈ្មោះ ជា សំអាត ភេទស្រី អាយុ៣១ឆ្នាំ មានទីលំជាមួយនិងឈ្មោះ ចាន់ សុជា បច្ចប្បន្នជាប់ពន្ធធាគារហើយ ។
ចំណែកជនរងគ្រោះទាំង៣នាក់នោះ ទី១មានឈ្មោះ សំ វណ្ណះ ភេទស្រី អាយុ៤៣ឆ្នាំ រស់នៅភូមិព្រៃផ្តៅ សង្កាត់ច្រកម្ទេស ក្រុងបាវិត ខេត្តស្វាយរៀង បាញ់បោកអស់ប្រាក់ចំនួន៥៤៦០០ដុល្លា ទី២មានឈ្មោះ ចៅ គឹមលីន ភេទស្រី អាយុ៥១ឆ្នាំ ចាញ់បោកអស់ប្រាក់ចំនួន ៦៧០០០ដុល្លា និងទី៣មានឈ្មោះ ចាន់ ធូ ភេទស្រី អាយុ៣១ឆ្នាំ ចាញ់បោកប្រាក់ចំនួន២២០០០ដុល្លា អ្នកទាំង៣រស់នៅភូមិ សង្កាត់ ក្រុង ជាមួយ សំ វណ្ណះ ។
ការចាញ់បោកនោះ មូលហេតុដោយសារចងការប្រាក់ បច្ចុប្បន្នជនត្រូវចោទ បានអាវុធហត្ថខេត្តស្វាយរៀង បញ្ជូនទៅសាលាដំបូង ខេត្តស្វាយរៀង កាលពីវេលាម៉ោង៩និង៣០នាទីព្រឹក ថ្ងៃទី១២ខែមិថុនា ឆ្នាំ២០១៥ ដើម្បីចាត់ការតាមនីតិវិធី ៕
