យ៉ាងហោចណាស់ក៏មានបុរស២នាក់ បានស្លាប់ភ្លាមនៅកន្លែងកើតហេតុ និងម្នាក់ទៀតបានរងរបួសធ្ងន់ធ្ងរដោយសារតែពួកគេ ជិះម៉ូតូសេ១២៥មួយគ្រឿង ក្នុងល្បឿនលឿន ជ្រុលបុកផ្លាកប៉ាន់ណូពេញទំហឹង កាលពីវេលាម៉ោង៣និង៣០នាទីទាបភ្លឺ ថ្ងៃទី១៣ ខែមិថុនា ឆ្នាំ២០១៥ នៅចំណុចខាងលិចជញ្ជីងថ្លឹងឡាន តាមបណ្តោយផ្លូវលេខ២០០៤ ស្ថិតក្នុងសង្កាត់ទឹកថ្លា ខណ្ឌសែនសុខ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរស៣នាក់ បានជិះម៉ូតូម៉ាកសង់១២៥មួយគ្រឿង បិទស្កុតពណ៌ខៀវ ពាក់ស្លាកលេខ កណ្ដាល 1E-7239 ធ្វើដំណើរតាមបណ្តោយផ្លូវ លេខ២០០៤ ក្នុងទិសដៅពីលិចទៅកើត ក្នុងល្បឿនលឿន ខណៈមកដល់ចំណុចកើតហេតុ ស្រាប់តែរ៉េចង្កូត ទៅបុកនិងផ្លាកប៉ាន់ណូពេញទំហឹង បណ្តាលឲ្យស្លាប់២នាក់ នៅកន្លែងកើតហេតុ និងម្នាក់ទៀតបានរងរបួសធ្ងន់ធ្ងរ ត្រូវបានរថយន្តសង្គ្រោះ ដឹកទៅសង្គ្រោះ នៅមន្ទីរពេទ្យភ្លាមៗ ។
ក្រោយពេលកើតហេតុ សមត្ថកិច្ចបានចុះមកដល់ចំណុចកើតហេតុ និងទំនាក់ទំនងហៅក្រុមគ្រួសារ មកទទួលយកទៅធ្វើបុណ្យតាមប្រពៃណីនៅស្រុកកំណើត ចំណែកម៉ូតូសមត្ថកិច្ចមូលដ្ឋាន បានសហកាជាមួយជំនាញយកទៅរក្សាទុក នៅការិយាល័យចរាចរណ៍ជើងគោក រាជធានីភ្នំពេញ រងចាំដោះស្រាយ នៅពេលក្រោយ ៕
