ខេត្តព្រះសីហនុ ៖ស្ត្រីចំណាស់ជាអាជីវករលក់មាសនៅផ្សារចិនម្នាក់ត្រូវក្រុមចោរមានគ្នាប្រមាណ៥នាក់ធ្វើសកម្មភាពបាញ់គំរាមចំនួន២គ្រាប់និងវាយក្បាលប្លន់យកទ្រព្យសម្បត្តិកាលពីម៉ោងប្រមាណ៦និង៣០នាទីព្រឹកថ្ងៃទី១៤មិថុនានៅមុខតូបលក់ដូរក្នុងផ្សារចិនខាង
កើតផ្សារលើខេក្នុងសង្កាត់លេខ៤ក្រុងព្រះសីហនុខេត្តព្រះសីហនុ។សមត្ថកិច្ចបានឲ្យដឹងថាជនរងគ្រោះមានឈ្មោះហេងឈុនតេងភេទស្រីអាយុប្រមាណ៦០ឆ្នាំ។ជនរងគ្រោះត្រូវក្រុមចោរវាយក្បាលនិងវត្ថុរិងរងរបួសរយះធ្ងន់ជាច្រើនកន្លែង។ពេលនេះស្ត្រីរងគ្រោះត្រូវបានក្រុមគ្រួសារបញ្ជូនបន្តទៅសង្គ្រោះបន្ទាន់នៅភ្នំពេញ។សមត្ថកិច្ចបានឲ្យដឹងថាចំពោះទ្រព្យសម្បត្តិដែលបាត់បងមិនទាន់ដឹងថាមានចំនួនប៉ុន្មាននោះទេព្រោះពេលនេះជនរងគ្រោះនិងក្រុមគ្រួសារកំពុងភិតភ័យនិយាយមិនកើត។ប៉ុន្តែប្រភពក្រៅផ្លូវការបាននិយាយទ្រព្យសម្បត្តិដែរបាត់បង់មានទំហ៊ំប្រហែល៤០តំលឹងនិងលុយកាក់ជាច្រើនផ្សេងទៀត៕
