ខេត្តស្ទឹងត្រែង៖ ស្ត្រីរងគ្រោះបូមយកកូននៅមន្ទីពេទ្យឯកជន ដែលមានយីហោស្ទឹងត្រែងសេកុងរបស់ជនជាតិចិនម្នាក់ ដែលគ្មានឯកទេសត្រឹមត្រូវ និងមានអ្នកឈឈ្មោះជា មន្ត្រីមន្ទីរសុខាភិបាលខេត្តស្ទឹងត្រែង ក្រោយពីបានបញ្ជូនយកទៅសង្ក្រោះបន្ទាន់ នៅមន្ទីរពេទ្យមិត្តភាព
ខ្មែរសូវៀត រាជាធានីភ្នំពេញបានបាត់បងជីវិ ត ហើយ។
យោងតាមប្រភពព័ត៍មានពីក្រុមគ្រួសារជនរងគ្រោះបានអោយដឹងនៅរសៀលថ្ងៃទី១៣ខែមិថុនានេះថាក្រោយពីក្រុមគ្រូពេទ្យគ្មានឯកទេសជនជាតិចិន និងឈ្មោះឈដោយលោក រិន រ៉ាវុឌ្ឍន៍ ប្រធានផ្នែកបច្ចេកទេសមន្ទីរសុខាភិបាលខេត្ត ជាអ្នកទទួលខុសត្រូវ ពេលស្ត្រីរងគ្រោះមានសភាពធ្ងន់ធ្ងរ បងប្អូនជនរងគ្រោះបានដាក់ពាក្យបណ្តឹង ក្រោយមកពេទ្យជនជាតិចិនបានរត់គេចបាត់ ហើយឈ្មោះរិន រ៉ាវុឌ្ឍន៍ បានធានាមើល ហើយរហូតមកដល់ពេនេះ ស្ត្រីរងគ្រោះបានបាត់បង់ជីវិត ដោយទទួលបានប្រាក់សំណងចំនួន៦០០០ដុល្លា។
ក្រុមគ្រួសារស្ត្រីរងគ្រោះបានបន្តអោយដឹងថាប្អូនស្រីរបស់គាត់មានឈ្មោះសៅ ផល្លី អាយុ៣០ឆ្នាំមានទីលំនៅភូមិភ្នំខៀវ ឃុំអូរកណ្តៀរ ស្រុកសំបូរ ខេត្តក្រចេះ។ក្រោយពីបាននាំប្អូនមកកាន់មន្ទីពេទ្យឯកជនមួយឈ្មោះស្ទឹងត្រែងសេកុង ស្តិតនៅក្នុងភូមិព្រែក សង្កាត់ ក្រុងស្ទឹងត្រែង។បងស្រីស្ត្រីរងគ្រោះបន្តថាក្រោយពីបានពិគ្រោះ ជាមួយគ្រូពេទ្យជនជាតិចិនថាមានឯកទេសត្រឹមត្រូវ និងបានព្រមព្រៀងគ្នាក្នុងតម្លៃសេវាចំនួន២២ម៉ីនរៀល ដើម្បីបូមយកទារកចេញពីក្នុងផ្ទៃ តែបូមរហូត៤ដង នៅតែមិនបានសម្រេច បានបង្កអោយប៉ះពាល់សុខភាពស្ត្រីជាម្តាយយ៉ាងធ្ងន់ធ្ងរ ដោយឃើញសភាពមិនប្រក្រតី ជនជាតិចិននោះបានអោយ កូនចៅរបស់គេបណ្តេញចេញពីបន្ទប់រំលូតដោយគ្មានភាពទទួលខុសត្រូវ។
ដោយឃើញសភាពប្អូនកាន់តែធ្ងន់ធ្ងរទៅៗ ក្រុមគ្រួសារស្ត្រីរងគ្រោះបានបញ្ជូនយ៉ាងរុះរាន់ទៅកាន់មន្ទីរពេទ្យបង្អែកខេត្ត ដើម្បីរកអ្នកជំនាញជួយសង្គ្រោះបន្ទាន់។តែក្នុងរយះពេល៣ថ្ងៃរហូតមកដល់ថ្ងៃទី១មិថុនា កូនក្នុងផ្ទៃមានបាត់បង់ជីវិតហើយ ត្រូវបានក្រុមគ្រូពេទ្យ បានយកចេញ ស្ត្រីរងគ្រោះស្ថិតក្នុងកម្រិតអាសន្នដែលអាចប្រឈមនិងបញ្ហាខ្លះដែលមិនអាចសនិដ្ឋានបាន។
ក្រោយមានហេតុការក្រុមគ្រួសារជនរងគ្រោះបានដាក់ពាក្យបណ្តឹងទៅស្នកាដ្ឋាននគរបាលខេត្តដើម្បីរកយុត្តិដល់ជនរងគ្រោះដែលកំពុងមានសភាពធ្ងន់ធ្ងរ។តែក្រោយពីមានពាក្យបណ្តឹង សមត្ថកិច្ចមិនបានឃាត់ខ្លួននោះទេ ដោយហេតុថាមិនទាន់បានសួរនាំនៅឡើយ ក្រោយមកត្រូវបានគេប្រាប់ថាគ្រូពេទ្យចិននោះ បានរត់គេចខ្លួនបាត់ទៅហើយ ដោយមិនបានទទួលខុសត្រូវ ហើយត្រូវបានឈ្មោះរិន រ៉ាវុឌ្ឍន៍អោយក្រុមគ្រួសារជនរងគ្រោះដកពាក្យបណ្តឹង ថាខ្លួនជាអ្នកទទួលខុសត្រូវមើល ក្នុងរណីដែលបានកើតឡើងមកលើស្ត្រីរងគ្រោះនោះ។
ស្ត្រីរងគ្រោះក្រោយពីមានសភាពធ្ងន់ធ្ងរ ត្រូវបានមន្ទីពេទ្យបង្អែកខេត្ត បញ្ជូនទៅសង្គ្រោះបន្ទាន់នៅមន្ទីរពេទ្យមិត្តភាពខ្មែរសូវៀត រាជធានីភ្នំពេញ។ទោះជាមានការជួយសង្គ្រោះយ៉ាងណានោះ ក៏មិនអាចជួយសង្គ្រោះបានដែរដោយសារតែពេទ្យ គ្មានជំនាញធ្វើអោយស្បួនបានធ្លុះធាយ បង្កអោយមានសភាពធ្ងន់ធ្ងរហូតដល់បាត់បង់ជីវិត។
ពាក់ព័ន្ធនិងបញ្ហាខាងលើនេះ ត្រូវបានមហាជនក្នុងខេត្តស្ទឹងត្រែង ធ្វើការរិះគន់ដល់លោកប្រធានមន្ទីរសុខាភិបាល ដែលមិនបានពិនិត្យទៅលើឯកទេសរបស់ពេទ្យចិន ថាមានឯកទេសត្រឹមត្រូវដែរឬអត់? និងបានអោយកូនចៅជាមន្ត្រីសុខាភិបាល ឈឈ្មោះបង្កអោយមានមនុស្សស្លាប់ក្នុងករណីខាងលើនេះ។
ទាក់ទិននិងករណីខាលើនេះលោក អ៊ុង សូវៀត ប្រធានមន្ទីរសុខាភិបាលខេត្តស្ទឹងត្រែងបានប្រាប់អ្នកយកព័ត៍មានថាបន្ទប់ពិនិត្យព្យាលខាងលើបានចុះកិច្ចសន្យានៅមន្ទីរសុខាភិបាលរយៈពេល៣ឆ្នាំ កាលពីប្រធានមន្ទីរចាស់គ្របគ្រង់រហូតមកទល់និងពេលនេះ នៅមិនទាន់ផុតកំណត់នៅឡើយទេ ពាក់ព័ន្ធនិងករណីខាងលើនេះ មន្ទីរសុខាភិបាលសម្រេចឲ្យឈប់ ធ្វើអាជីវកម្មពីពេលនេះតទៅ។ចំណែកស្ត្រីរងគ្រោះ ក្រុមគ្រូពេទ្យបានខំជួយសង្គ្រោះនិងបញ្ជូនទៅមន្ទីរពេទ្យភ្នំពេញទៀត ហើយរឿងនេះខាងលោកបានដោះស្រាយចាប់អស់ហើយ។រីឯពេទ្យឯជនជាច្រើនលោកនិងចុះពិនិត្យ បើសិនគ្មានច្បាប់ត្រឹមត្រូវលោកនិងបិទតែម្តង ហើយគ្រូពេទ្យចិនដែលរត់គេចខ្លួនគេនិងតាមរក ដើម្បីចាត់ការតាមផ្លូវច្បាប់៕
