ខេត្តក្រចេះ៖ ក្រុមចោរកាច់ក ម៉ូតូឆ្លងដែន ស្ទើរភ្លើង២នាក់ ត្រូវបានប្រជាពលរដ្ឋ បាននាំគ្នាប្រដេញស្ទាក់ចាប់បានម្នាក់ ក្រោយពី បានធ្វើសកម្មភាព កាច់សោរក ម៉ូតូ១គ្រឿង ម៉ាកវ៉េវអាល់ហ្វា នៅក្នុងពហុកីឡាដ្ឋានខេត្តក្រចេះ កាលពីល្ងាចថ្ងៃទី១៤ ខែមិថុនា ចំណែកបក្សពួកគេម្នាក់ទៀត បានផ្តួលម៉ូតូរត់គេចខ្លួនបាត់។
ប្រជាពលរដ្ឋម្នាក់ក្នុងចំណោមពលរដ្ឋច្រើននាក់ទៀត ដែលបានជិះម៉ូតូ ប្រដេញស្ទាក់ចាប់ចោរ លួចកាច់ ក ម៉ូតូ បាននិយាយថា ក្រោយពីដឹងថា ចោរមានគ្នាចំនួននាក់បានធ្វើសកម្មភាព លួចកាច់ក ម៉ូតូ រួចជិះចេញពីក្នុងពហុកីឡាដ្ឋានខេត្តក្រចេះ បន្ទាប់ពីមានកាសង្ស័យពួកគេក៏បានស្រែកផ្អើលឆោឡោ ហើយអ្នកខ្លះទៀតក៍បានជិះម៉ូតូប្រដេញក្រុមចោរពីក្រោយ រហូតដល់ខាងក្រោយផ្សារ សាមគ្គីក្រុងក្រចេះ ទើបស្ទាក់ចាប់បានម្នាក់ ចំណែកម្នាក់ទៀតបានផ្តួលម៉ូតូរត់គេចខ្លួនបាត់ ។
ពលរដ្ឋបានបន្តថា ក្រោយពីប្រដេញស្ទាក់ចាប់បានក្រុមចោរបានម្នាក់ហើយនោះ ត្រូវបានប្រជាពលរដ្ឋ នាំគ្នាស្វគមន៍ម្នាក់១ដៃ ១ជើង ឡើងទ្រមខ្លួន ទើបកម្លាំង នគរបាលក្រុងក្រចេះ ចុះទៅធ្វើអន្តរាគមន៍ នាំយកមកអធិការក្រុងដើម្បីធ្វើការសាកសួរ។
មន្ត្រីនគរបាលក្រុងក្រចេះ បានឱ្យដឹងថា ជនសង្ស័យក្នុងករណីលួចកាច់ក ម៉ូតូ មានឈ្មោះ ម៉ាត់ រ៉ូនី អាយុ១៨ឆ្នាំ ជនជាតិខ្មែរឥស្លាម រស់នៅភូមិរំចេក ឃុំរំចេក ស្រុកមេម៉ត់ ខេត្តត្បូងឃ្មុំ។ ចំណែកបក្សពួកគេម្នាក់ទៀតដែលកុំពង់រត់គេចខ្លួននោះឈ្មោះ សីហា ហើយកម្លាំងនគរបាលកំពុងស្វែងរកចាប់ខ្លួន។
រីឯម៉ូតូម៉ាកវ៉េវអាល់ហ្វា ត្រូវបានប្រគល់ទៅឱ្យម្ចាស់ដើមវិញ ចំណែកជនសង្ស័យ ត្រូវបានកម្លាំងជំនាញ បានកសាងសំណុំរឿងបញ្ជូនទៅកាន់សាលាដំបូងខេត្តនៅរសៀលថ្ងៃទី១៥ខែមិថុនានេះ ៕
