ខេត្តបន្ទាយមានជ័យ
កម្លាំងនគរបាលចរាចរផ្លូវគោកនៃស្នងការដ្ឋាននគរបាលខេត្តបន្ទាយមានជ័យ បានចុះធ្វើកឃាត់រថយន្តដែលចូលចិត្តដឹកសំពីងសំពោងនិងខុសលក្ខណៈបច្ចេកទេសនៅតាមដងផ្លូវ សាធារណៈដើម្បីធ្វើការផាកពិន័យនិងអប់រំនិងណែនាំពួកគាត់ដែលជាអ្នកបើករថយន្តដឹកសំពីងសំពោងត្រូវចូលរួមគោរពច្បាប់ចរាចរឲ្យបានគ្រប់ៗគ្នា។លោកសនគីមសួគ៍នាការិយាល័យចរារចណ៍បានឲ្យដឹងថាការចុះចាប់រថយន្តដែលដឹកសំពីងសំពោងធ្វើឡើងនៅថ្ងៃទី១៥ ខែមិថុនា ឆ្នាំ២០១៥ តាមបណ្តោយផ្លូវជាតិលេខ៥និងលេខ៦ក្នុងទឹកដីខេត្តបន្ទាយ មានជ័យ ក្រោមការណែនាំដោយផ្ទាល់ពីសំណាក់លោកឧត្តមសេនីយ៏ ត្រី អាត់ខែមស្នងការនគរបាលខេត្តបន្ទាយមានជ័យ ។លោកសួគ៍បាននិយាយបន្តថាពាក់ព័ន្ធទៅនឹងការងារនេះ លោកឧត្តមសេនីយ៍ត្រីអាត់ខែមស្នងការនគបានខេត្តបានដាក់ផែនការឲ្យកម្លាំងនគរបាលចរារចរណ៍ទាំងអស់បន្តយុទ្ធនាការ ឃាត់រថយន្តដឹកសំពីងសំពោងដែលភាគច្រើនគឺរថយន្តរត់ឈ្នួលមិនត្រូវដឹកសំពីងសំពោង អីវ៉ាន់ដែលតកន្ទុយឬហៀដំបូលនោះទេ គឺត្រូវឃាត់រថយន្តទាំងនោះដើម្បីឲ្យម្ចាស់ រថយន្តរើឥវ៉ាន់ចេញនិងណែនាំពួកគាត់ឲ្យយល់ពីច្បាប់ចរាចរផ្លូវគោកដែលវិធានការនេះធ្វើឡើងដើម្បីចូលរួមកាត់បន្ថយអាត្រាគ្រោះថ្នាក់ចរាចរដែលតែងតែកើតមានឡើង ។
លោកសួគ៍បានបញ្ជាក់ទៀតថា ចំពោះយុទ្ធនាការមួយនេះលោកនឹងដាក់ផែនការឲ្យធ្វើឡើងជាបន្តបន្ទាប់មិនរាថយនោះទេពោលគឺឲ្យអ្នកបើករថយន្តអ្នករត់តាកស៊ី ឬរថយន្តឈ្នួល ទាំងឡាយដែលស្ថិតនៅទឹកដីខេត្តបន្ទាយមានជ័យត្រូវចូលរួមអនុវត្តនិងគោរពច្បាប់ចរារចរណ៍ឲ្យបានគ្រប់ៗគ្នា។ ជាក់ស្តែងនៅថ្ងៃទី១៥ ខែមិថុនា នេះ គេសង្កេតឃើញកម្លាំងនគរបាលចរាចរណ៍បានឃាត់រថយន្តរត់ឈ្នួលប្រភេទ តូចៗមួយចំនួន ដើម្បីឲ្យម្ចាស់រថយន្តរើទំនិញចេញពីរថយន្តទើបអាចបន្តឲ្យធ្វើដំណើរទៅមុខទៀត ។ជាមួយគ្នានេះក៏បានណែនាំឲ្យមានការត្រួតពិនិត្យរថយន្ត គ្រប់លក្ខណៈបច្ចេកទេស ដូចជាមើលកង់ ត្រូវមានប័ណ្ណបើកបរ ឆៀក និងឯកសារឲ្យបានគ្រប់គ្រាន់ ពុំនោះនឹងត្រូវឃាត់ទុកដើម្បី ចាត់វិធានការ ទៅតាមផ្លូវច្បាបផងដែរ៕
