សៀមរាប : ក្នុងសកម្មភាពចុះប្រតិបត្តិការណ៍ធ្វើការរឹតបណ្តឹងនិងផ្សព្វផ្សាយច្បាប់ចរាចរណ៍ផ្លូវគោកក្នុងខេត្តសៀមរាបដែលជាតំបន់ទេសចរណ៍នេះត្រូវបានកម្លាំងនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាបធ្វើឡើងជាប្រចាំ ទាំងថ្ងៃ ទាំងយប់ ។ លោក វរសេនីយ៍ទោ ជឹម សុវណ្ណ នាយការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាបបានអោយដឹងថាលោកបានដឹកនាំកម្លាំងនគរបាលក្នុងការិយាល័យជំនាញចុះអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបធ្វើការរឹតបណ្តឹងនិងផ្សព្វផ្សាយច្បាប់ចរាចរណ៍ផ្លូវគោកក្នុងខេត្តសៀមរាបទាំងពេលថ្ងៃនិងពេលយប់ដោយមានការចូលរួមយ៉ាងសកម្មពីក្រុមយុវជនកាកបាទក្រហមកម្ពុជាខេត្តសៀមរាបផងដែរ ។ លោក វរសេនីយ៍ទោ ជឹម សុវណ្ណ បានបន្តអោយដឹងទៀតថាក្នុងសកម្មភាពចុះប្រតិបត្តិការណ៍ធ្វើការរឹតបណ្តឹងនិងផ្សព្វផ្សាយច្បាប់ចរាចរណ៍ផ្លូវគោកក្នុងខេត្តសៀមរាបដែលបានធ្វើឡើងនៅព្រឹកថ្ងៃទី ១៦ មិថុនា នេះនៅតាមបណ្តាផ្លូវជាតិសំខាន់ៗ និង នៅតាមបណ្តាភ្លើងស្តុប ក្នុង ក្រុងសៀមរាប គឺក្នុងគោលបំណងដើម្បីដាស់តើនក្រើនរំលឹកដល់អ្នកបើបរគ្រប់រូបអោយមានការប្រុងប្រយ័ត្នជានិច្ចក្នុងការ
បើកបរ ដោយខេត្តសៀមរាបជាតំបន់ទេសចរណ៍ផងនោះ ។ លោក វរសេនីយ៍ទោ ជឹម សុវណ្ណ បន្តទៀតថាជាលិទ្ធផលបន្ទាប់ពីសមត្ថកិច្ចជំនាញបានចុះធ្វើការផ្សព្វផ្សាយអប់រំតាមគ្រប់រូបភាពក៏ដូចជាបន្ទាប់ពីបានធ្វើការរឹតបណ្តឹងច្បាប់ចរាចរណ៍ផ្លូវគោកទាំងពេលថ្ងៃនិងពេលយប់រួចមកសមត្ថកិច្ចបានសង្កេតឃើញថាអ្នកបើកបរភាគច្រើនបានចូលរួមគោរពច្បាប់ចរាចរណ៍តែនៅសេសសល់មួយភាគតូចតែប៉ុណ្ណោះដែលមិនព្រមចូលរួមគោរពច្បាប់ចរាចរណ៍តែទោះបីជាយ៉ាងណាក៏ដោយក៏ក្នុងនាមការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាបនៅតែបន្តការងារជំនាញរបស់ខ្លួនអោយបានជាប្រចាំដើម្បីធានាអោយបាននូវសុវត្ថិភាពចរាចរណ៍អោយកាន់តែមានភាពល្អប្រសើរអោយស្របទៅនិងពាក្យស្លោក ថ្ងៃនេះ ថ្ងៃស្អែក កុំអោយមានគ្រោះថ្នាក់ចរាចរណ៍ ៕
លោក ព្រិន្ទបាលទោ ខេង ខេមរា
