ខេត្តបន្ទាយមានជ័យ
សព្វថ្ងៃគ្រឿងញៀនកំពុងតែហូរចូលមកស្រុកខ្មែរយ៉ាងគគ្រឹកគគ្រេងឲ្យកូនខ្មែរជក់ពិសេសក្មេងៗដើម្បីពង្វក់ស្មា រតីធ្វើ ឲ្យភ្លេចភ្លាំងគ្មានដឹងខុសត្រូវក្មេងខ្លះជក់ហ៊ានសម្លាប់ឪពុកម្តាយក្មេងខ្លះទៀតហ៊ានលួច ឆក់ ប្លន់ ដើម្បីយកលុយទៅទិញគ្រឿងញឿនជក់មិនថាតែក្មេង ចាស់ ស្រីប្រុសឲ្យតែបានជក់គ្រឿងញៀនហើរជក់មានរយះពេលខ្លីអាចព្យាបាលបានតែបើជក់មានរយះពេលវែងវិញមិនអាចព្យាបាលបានឡើយដូច្នេះជាសវាងគ្រឿងញៀននេះឲ្យផុតទើបក្រសួងមហាផ្ទៃចេញបញ្ជាឲ្យបង្រា្កបគ្រឿងញៀននេះឲ្យខានពីបាន។ទើបថ្មីនេះកម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាន នគរបាលខេត្តបន្ទាយមានជ័យសហការជាមួយកម្លាំងនគរបាលក្រុងសិរីសោភ័ណកាលពីរសៀលថ្ងៃទី១៥ខែមិថុនា ឆ្នាំ២០១៥ បានចុះបង្ក្រាបករណីចែកចាយគ្រឿងញៀនដោយ ឃាត់ខ្លួនជនសង្ស័យបានចំនួន៥នាក់ព្រមទាំងវត្ថុតាំងនិងសម្ភារមួយចំនួនផងដែរ នៅចំណុចភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។យោងតាមរបាយការណ៍របស់លោកធិនស៊ិនដេតនាយការិយាល័យ ប្រឆាំងគ្រឿងញៀននៃស្នងការដ្ឋាននគរបាលខេត្តបន្ទាយមានជ័យ បានឲ្យដឹងថានៅក្នុងប្រតិបត្តិការចុះបង្ក្រាបករណីចែកចាយគ្រឿងញៀនខាងលើនេះកម្លាំងនគរបាលបានដកហូតថ្នាំញៀនចំនួន៣ថង់តូចនិងទូរស័ព្ទចំនួន៣គ្រឿងផងដែរ។បើតាមរបាយការណ៍ក្រោយទទួលបានព័ត៌មានស្តីអំពីសកម្មភាពចែកចាយគ្រឿងញៀនរួចមកកម្លាំងនគរបាល ការិយាល័យប្រឆាំងគ្រឿងញៀននិងនគរបាលក្រុងសិរីសោភ័ណក្រោមការបញ្ជាផ្ទាល់ពីសំណាក់លោកឧត្តមសេនីយ៍ ត្រី អាត់ខែមស្នងការនគបាលខេត្តបន្ទាយមានជ័យ និងមានការឯកភាពពីលោកផាន់វណ្ណរ័ត្ន តំណាងអយ្យការអមសាលាដំបូងខេត្តបានចុះទៅបង្ក្រាបជាក់ស្តែងនិងចាប់ខ្លួនជនសង្ស័យចំនួន៥នាក់នៅពេលនោះតែម្តង។នៅថ្ងៃទី១៦ ខែមិថុនា ឆ្នាំ
២០១៥នេះ ជនសង្ស័យទាំង៥នាក់ និងវត្ថុតាងជាគ្រឿងញៀនត្រូវបានបញ្ជូនទៅកាន់ តុលាការដើម្បីចាត់ការតាមផ្លូវច្បាប់។លោកឧត្តមសេនីយ៍ត្រីអាត់ ខែមបានបញ្ជាក់ថាលោកបានដាក់ផែនការយ៉ាងម៉ឺងម៉ាត់ ដល់កម្លាំងនគរបាលរបស់ខ្លួនទាំងការិយាល័យជំនាញនិង នគរបាលតាមបណ្តាស្រុកក្រុងត្រូវប្រើវិធានការណ៍ជំនាញ របស់ខ្លួនលើការបង្ក្រាបមុខសញ្ញាចែកចាយគ្រឿងញៀន កាន់តែខ្លាំងឡើងពីព្រោះបញ្ហានេះធ្វើឲ្យមានការប៉ះពាល់ដល់សង្គមជាតិយ៉ាងធ្ងន់ធ្ងរជាពិសេសប្រជាពលរដ្ឋតែម្តង៕
