ខេត្តបន្ទាយមានជ័យ
ឆ្នោតថៃគឺជាល្បែង១ដែលប្រជាពលរដ្ឋមួយចំនួននិយមចូលចិត្តលេងល្បែងឆ្នោតនេះណាស់ឲ្យតែថ្ងៃទី១និងថ្ងៃទី១៦ឆ្នោតថៃចេញប្រជាពលរដ្ឋនិងមន្ត្រីរាជការមួយចំនួនតូចបាននាំគ្នាចាក់ឆ្នោតថៃនេះយ៉ាងគគ្រឹកគគ្រេងមានអ្នកខ្លះចាក់ចាញ់វាល់លានរៀលនិងអ្នកខ្លះវិញក៏ឈ្នះវាល់លានរៀលដែរធ្វើឲ្យអ្នកចាក់ចាញ់មួយចំនួនឈានដល់ការលួចឆក់ប្លន់ជាដើមទើបក្រសួងមហាផ្ទៃចេញច្បាប់ហាមឃាត់មិនឲ្យលេងល្បែងឆ្នោតនេះជាដាច់ខាត។ជាក់ស្តែងថ្មីៗនេះកម្លាំងនគរបាលនៃអធិការដ្ឋាននគរបាលក្រុងសិរីសោភ័ណខេត្តបន្ទាយមានជ័យ បានចុះប្រតិបត្តិការបង្ក្រាប ទីតាំងលេងល្បែងស៊ីសងចាក់កន្ទុយលេខឆ្នោតថៃមួយកន្លែងកាលពីវេលាម៉ោង២រសៀលថ្ងៃទី១៦ ខែមិថុនា ឆ្នាំ២០១៥ ស្ថិតនៅភូមិ២ សង្កាត់ កំពង់ស្វាយ ក្រុងសិរីសោភ័ណខេត្តបន្ទាយមានជ័យដោយឃាត់ខ្លួនអ្នកកត់កន្ទុយលេខបានចំនួន២នាក់។ លោកសីុវសុជាតិអធិការនគបាលក្រុងសិរីសោភ័ណបានឲ្យដឹងថាជនសង្ស័យទាំង២នាក់មានទី១ឈ្មោះ ឡោ ប៉ូច ភេទប្រុស អាយុ៤២ឆ្នាំ មានទីលំនៅ ភូមិ២សង្កាត់កំពង់ស្វាយ និងទី២ឈ្មោះ ឆេង ពៅ ភេទស្រី អាយុ៤១ឆ្នាំ មានទីលំនៅភូមិ២ សង្កាត់កំពង់ស្វាយ ។លោកជាតិបានបញ្ជាក់ថាក្រោយពីទទួលបានព័ត៌មានស្តីអំពីសកម្មភាពលួចបើកទីតាំងលេងឆ្នោតថៃរួចមក
នោះអធិការនគរបាលក្រុងសិរីសោភ័ណលោកស៊ីវសុជាតិបានសុំគោលការណ៍ណែនាំពីសំណាក់ស្នងការនគរបាលខេត្តបន្ទាយមានជ័យនិងមានការឯកភាពពីតំណាងអយ្យការផងនោះកម្លាំងនគរបាលបានចុះទៅបង្ក្រាបទីតាំងជាក់ស្តែងរហូតមានការឃាត់ខ្លួនជនអ្នកលក់ឆ្នោតទាំង២នាក់និងសម្ភារមួយចំនួនសម្រាប់កត់ឆ្នោត ។ក្រោយការចុះបង្ក្រាបនិងចាប់ខ្លួនជនសង្ស័យទាំង២នាក់ត្រូវបានយកមកសួរនាំនៅអធិការដ្ឋាននគរបាលក្រុងសិរីសោភ័ណ ដើម្បីចាត់ការតាមផ្លូវច្បាប់៕
