កំពង់ឆ្នាំង៖ស្ត្រីមេម៉ាយក្រីក្រម្នាក់មានជម្ងឺរលាកផ្លោកនោមនិងពោះវៀនធ្ងន់ធ្ងរ ត្រូវបានគ្រូពេទ្យវះកាត់ដាក់ពោះវៀនអោយនៅក្រៅពោះ និងបានប្រាប់រូបនាងថា៖នាងអាចរស់នៅបានតែ២ខែទៀតតែប៉ុណ្ណោះគិតចាប់ពីថ្ងៃនេះទៅ ដំណឹងនេះបានធ្វើអោយ ក្រុមគ្រួសារនិងអ្នកស្រុកក្នុងភូមិខ្លោចចិត្តអាណិតអាសូររូបនាង និងកូននៅតូចៗយ៉ា ងក្រៃលែង។នៅព្រឹកថ្ងៃទី១៨ ខែមិថុនា ឆ្នាំ២០១៥ លោកអនុភូមិកំពង់រាំង ឃុំស្វាយជ្រុំ ស្រុករលា
ប្អៀរ ក្រុមគ្រួសារ និងអ្នកស្រុកក្នុងភូមិ បានស្នើសុំអោយអ្នកយកព័ត៌មានយើងជួយផ្សាយរឿងនេះ សំណូមពរដល់សម្តេចឯកឧត្តម លោកជំទាវ ជួយសង្គ្រោះជីវិត ភាពស្រេកឃ្លាន និងការខ្វះខាតដល់ស្ត្រីមេម៉ាយក្រីក្រ និងកូនៗរបស់នាងដោយសេចក្តីអនុគ្រោះផង។
លោក សេង ប៊ុនថុង អនុប្រធានភូមិកំពង់រាំង និងអ្នកស្រុកនៅក្នុងភូមិបាននិយាយអោយយកព័ត៌មានយើងដឹងថា៖ស្ត្រីក្រីក្រដែលមានជំងឺធ្ងន់ធ្ងរខាងលើនេះមានឈ្មោះ តុល ចាន់ធី អាយុ៤៧ឆ្នាំ មានកូន៣នាក់ កូនប្រុសបងមានអាយុ១៧ឆ្នាំ ពីរបីថ្ងៃនេះរូបគេបានចេញទៅរកការងារធ្វើនៅក្រៅខេត្តដើម្បីរកប្រាក់ចិញ្ចឹមម្តាយនិងបងប្អូន កូនស្រីទី២អាយុ១១ឆ្នាំ និងកូនស្រីពៅ អាយុ៨ឆ្នាំ កំពុងរស់នៅថែទាំម្តាយ។ដោយឡែកប្តីរបស់នាងឈ្មោះ វ៉ាន់ ចំរើន អាយុ៤៩ឆ្នាំ បានចាកចេញចោលប្រពន្ធកូនរយះ៨ឆ្នាំមកហើយ ទៅរស់នៅជាមួយប្រពន្ធក្រោយនៅក្នុងខេត្តកំពង់ធំ។
លោក សេង ប៊ុនថុង បានអោយដឹងទៀតថា៖ស្ត្រីមេម៉ាយក្រីក្រខាងលើនេះ គ្មានផ្ទះសម្បែងឬដីធ្លីអីទេ សព្វថ្ងៃរស់នៅបានអ្នកស្រុកក្នុងភូមិហុចអង្ករ បាយសម្ល អោយព្រោះតែក្តីអាណិតអាសូរ ហើយនាងបានរស់ក្នុងផ្ទះរបស់ម្តាយ ឈ្មោះ ប្រាក់ ហួយ អាយុ៨៣ឆ្នាំ គាត់ក៏កំពុងមានជម្ងឺធ្ងន់ធ្ងរ ដេកនៅនឹងកន្ទេលរាប់ឆ្នាំមកហើយ ពេលនេះកំពុងមានសភាពធ្ងន់ធ្ងរទៅហើយ ដែលពេលនេះអ្នកស្រុកជិតខាងបានកំពុងជួយធ្វើម្ឈូសទុកសំរាប់ធ្វើបុណ្យគាត់ទៅហើយ។
ស្ត្រីឈ្មោះតុល ចាន់ធី នេះរូបនាងមានជម្ងឺបែបនេះរយះពេល៣ឆ្នាំមកហើយ កាលពីរថ្ងៃទី០២ ខែកុម្ភះ ឆ្នាំ២០១៥ គ្រូពេទ្យនៃមន្ទីរពេទ្យសម្តេចឪក្រុងភ្នំពេញ បានវះកាត់ដាក់ពោះវៀនរបស់នាងដាក់នៅក្រៅខ្លួន ហើយប្រាប់នាងថា នាងមានជម្ងឺមហារីកផ្លោកនោម និងពោះវៀនស្អិត ហើយសភាពជម្ងឺធ្ងន់ធ្ងរទៅហើយមិនអាចព្យាបាលជាឡើយ ហើយនាងអាចរស់បានក្នុងរយះតែ៦ខែទៀតប៉ុណ្ណោះ។ក្រោយពីរូបនាងបានសំរាកនៅក្នុងមន្ទីរពេទ្យសម្តេចឪបានរយះពេល១០ថ្ងៃ ក្រុមគ្រួរពេទ្យបានអនុញាតអោយរូបនាងវិលត្រលប់មកផ្ទះវិញ ព្រោះតែមិនអាចជួយព្យាបាលជម្ងឺដ៏ធ្ងន់ធ្ងររបស់នាងបាន គិតមកដល់នេះនាងអាចរស់បានក្នុងរយះពេលតែ២ខែទៀតតែប៉ុណ្ណោះ។
ស្ត្រី តុល ចាន់ធី បាននិយាយទាំងបង្ហូរទឹកភ្នែកក្នុងក្តីរន្ធត់តក់ស្លុតថា៖សភាពជម្ងឺប៉ុន្មានថ្ងៃនេះរបស់គាត់
១យប់ៗដេកមិនបានទេ គឺឈឺចុកចាប់ខ្លាំងណាស់ពេលនោមចេញម្តងៗរាប់ម៉ោង ហើយគាត់ដឹងខ្លួនថា គាត់ប្រ
ហែលជាមិនអាចរស់នៅបានយូរទេ ពេលគាត់ស្លាប់ទៅមិនដឹងថាកូនៗរបស់គាត់ទីពឹងអ្នកណាឡើយ គាត់មា
នការព្រួយបារម្មណ៍ណាស់ ពេលនោះគាត់ស្នើសុំ សម្តេច ឯកឧត្តម លោកជំទាវ និងសប្បុរសជនទាំងអស់
មេត្តាជួយសង្គ្រោះជីវិគាត់និងកូនៗគាត់ផង។
លោក អនុប្រធានភូមិ អ្នកស្រុកជិតខាងក្នុងភូមិ ដោយក្តីអាណិតអាសូរ បានលើកដៃសំពះស្នើសុំសប្បុ រសជនជិតឆ្ងាយ មេត្តាជួយសង្គ្រោះជីវិតស្ត្រីក្រីក្រនិងកូនៗរបស់នាងដោយសេចក្តីអនុគ្រោះផងចុះ៕
