រដ្ឋមន្ដ្រីក្រសួងមហាផ្ទៃរបស់អាល់ហ្សេរី លោកTayeb Belaiz បានប្រកាស កាលពីថ្ងៃសុក្រថា ប្រធានាធិបតី Abde- laziz Bouteflika បានទទួលជ័យជម្នះ នៅក្នុងការបោះឆ្នោតប្រធានាធិបតី អាល់ហ្សេរីអាណត្ដិទី៤ក្នុងសំឡេងគាំទ្រ ជាង៨០ភាគរយ ។
លោក Abdelaziz Bouteflikaអាយុ៧៧ឆ្នាំ ដែលកម្របង្ហាញវត្ដមាននៅ តាមទីសាធារណៈអស់រយៈពេលជាង មួយឆ្នាំកន្លងមកហើយនោះដោយសារ តែជំងឺដាច់សរសៃឈាមក្នុងខួរក្បាល ត្រូវចាត់ទុកថា ជាអ្នកទទួលជោគជ័យ នៅក្នុងការបោះឆ្នោតឡើងវិញ ដោយ មានការគាំទ្រពីកម្លាំងយោធា និងគណបក្សរណសិរ្សរំដោះជាតិ ដែលជាគណ បក្សកាន់អំណាច ។
លទ្ធផល ផ្លូវការបានបង្ហាញឱ្យឃើញថា លោក Bouteflika ទទួលបានការ គាំទ្ររហូតដល់៨១.៥៣ភាគរយនៃ សន្លឹកឆ្នោតសរុប ខណៈដៃគូប្រជែងដ៏ ស្រួចស្រាល់របស់លោក គឺAli Benflis ទទួលបានសំឡេងគាំទ្រ១២.១៨ភាគរយ ឈរនៅលំដាប់លេខរៀងទី២ប៉ុណ្ណោះ ។
ចំណែក បេក្ខភាពក្មេងបំផុតនៅ អាល់ហ្សេរីដែលឈរឈ្មោះក្នុងការបោះ ឆ្នោតនេះគឺលោកAbdelaziz Belaid ទទួល បានសំឡេងគាំទ្រ៣.៣៦ភាគរយ ឈរ ក្នុងលំដាប់លេខ៣ ។ បន្ទាប់មកទៀត គឺ លោកស្រី Louiza Hanoune ដែលជា មេដឹកនាំគណបក្សពលករ ទទួលបាន សំឡេងគាំទ្រ១.៣៧ភាគរយ ឈរនៅ លំដាប់លេខ៤ ហើយបេក្ខជនចុងក្រោយ ពីររូបទៀតគឺ Fawzi Rebaine មេដឹកនាំ គណបក្ស AHD45 និងមេដឹកនាំរណសិរ្ស ជាតិអាល់ហ្សេរី Moussa Touati ទទួល សំឡេងគាំទ្របានតិចជាងមួយភាគរយ។
លោក Belaiz បានបញ្ជាក់ថា លទ្ធផលដែលបានផ្ដល់ជូនខាងលើគ្រាន់តែ ជាតួលេខបណ្ដោះអាសន្នប៉ុណ្ណោះ ហើយ លទ្ធផលជាក់ស្ដែងនឹងប្រកាសជូនដោយ ក្រុមប្រឹក្សារដ្ឋធម្មនុញ្ញ ។
លោកបន្ដ ទៀតថា ការចេញទៅបោះ ឆ្នោតរបស់ពលរដ្ឋដែលបានចុះបញ្ជី មានការធ្លាក់ចុះយ៉ាងគំហុក បើប្រៀប ធៀបនឹងការបោះឆ្នោតលើកមុនៗ ។ លោកថា ពលរដ្ឋចេញបោះឆ្នោតបាន ត្រឹមតែ១០.២២០.០២៩នាក់ប៉ុណ្ណោះ ស្មើ៥១.៧ភាគរយ ក្នុងចំណោមពលរដ្ឋ មានសិទ្ធិបោះឆ្នោត២២.៨៨០.៦៧៨ នាក់ទូទាំងប្រទេស ។
អ្នកបោះឆ្នោតនៅក្នុងខេត្ដភាគខាង លិច រួមមាន Relizane ជាដើមបាន ចេញទៅចូលរួមគូសសន្លឹកឆ្នោត៨២ ភាគរយ ខណៈដែលនៅខេត្ដ Berber ឬ Tizi Ouzou ពលរដ្ឋចូលរួមបោះឆ្នោត មានតែ២០.០១ភាគរយ និងនៅតំបន់ Bejaia វិញ អ្នកចូលរួមមាន២៣.៥៨ភាគរយ ៕
