ខេត្តសៀមរាបៈ កងរាជអាវុធហត្ថប្រឆាំងគ្រឿងញៀនខេត្តបានធ្វើការចាប់ខ្លួនបានជាបន្តបន្ទាប់នៅ ក្នុងក្រុងសៀមរាបដូចភ្លៀងរលឹម បានចំនួន៨នាក់នៅកន្លែងផ្សេងគ្នាក្នុងសង្កាត់ស្លក្រាមពីបទជួញដូរ និងប្រើប្រាស់គ្រឿងញៀន ដែលដឹកនាំផ្ទាល់ដោយលោកវរសេនីយឯកស្រីយូរ៉ា និងដឹកនាំសម្របសម្រួលនីតិវិធីដោយលោក សំ រិទ្ធសុខុន ព្រះរាជអាជ្ញារងអមសាលាដំបូងខេត្ត បានអនុវត្តវិធានការញុះញង់ធ្វើការបង្ក្រាបបទល្មើសជាង់ស្តែង ។
ហេតុការចុះប្រតិបត្តិការចាប់ខ្លួនជនសង្ស័យចំនួន៨នាក់នេះធ្វើឡើងនៅថ្ងៃទី១៦ខែមិថុនា ឆ្នាំ២០១៥ នៅចំណុចក្នុងវត្តពោធិលង្កា ក្នុងភូមិបឹងដូនប៉ា និងភូមិមណ្ឌល៣ សង្កាត់ស្លក្រាម ក្រុងសៀមរាប ខណៈពួកគេកំពុងចែកចាយ។
លោកវរសេនីយឯក ស្រី យូរ៉ា មេបញ្ជាការរងកងរាជអាវុធហត្ថខេត្តបានប្រាប់ថា ជនសង្ស័យ៨នាក់មានៈទី១/ឈ្មោះ ធឿន សឺន ភេទប្រុសអាយុ១៨ឆ្នាំជនជាតិខ្មែរមុខរបរ សិស្សវិទ្យាល័យ១០មករា(ជួញដូរ)ភូមិទ្រាំងស្លក្រាម សង្កាត់ស្លក្រាមទី២/ឈ្មោះសូត្រ រ៉ូឃី ភេទប្រុសអាយុ១៩ឆ្នាំមុខរបរមិនពិត(ជួញដូរ)ភូមិទ្រាំង សង្កាត់ស្លក្រាមនិងទី៣/ឈ្មោះ គង់ សុធា ភេទប្រុសអាយុ១៩ឆ្នាំមុខរបរវិទ្យាល័យ១០មករា (ប្រើប្រាស់)ភូមិទ្រាំង សង្កាត់ស្លក្រាម ទី៤/ឈ្មោះ តុប ប៊ុនធឿន ភេទប្រុសអាយុ២៣ឆ្នាំ ជនជាតិខ្មែរមុខរបរមិនពិត(ជួញដូរ)រស់នៅភូមិកន្ទ្រាំង ឃុំ
កន្ទ្រាំង ស្រុកប្រាសាទបាគង ខេត្តសៀមរាប ទី៥/ឈ្មោះ លាង ប៊ុនពាវ ភេទ ប្រុសអាយុ១៥ឆ្នាំមុខរបរវិទ្យាល័យ១០មករា (ប្រើប្រាស់) រស់នៅភូមិបន្ទាយចាស់ សង្កាត់ស្លក្រាម ក្រុងសៀមរាប ទី៦/ឈ្មោះ បួន សុវណ្ណបូរី ភេទប្រុសអាយុ១៦ឆ្នាំមុខរបររត់តុគុយទាវ រស់នៅភូមិទ្រាំង សង្ក្រាត់ស្លក្រាម ទី៧/ឈ្មោះ ឆើត ឆាយ ភេទប្រុសអាយុ២២ឆ្នាំមុខរបរចុងភៅភោជនីយដ្ឋានផាអង្គរ(ជួញដូរ)រស់នៅភូមិព្រះដាក់ ឃុំព្រះដាក់ ស្រុកបន្ទាយស្រី ខេត្តសៀមរាប និងទី៨/ឈ្មោះ ម៉ៅ សុភា ភេទប្រុសអាយុ១៧ឆ្នាំមុខរបររៀបបន្ទប់តាមសណ្ឋាគារឌីណា ស្នាក់នៅភូមិតាភុល សង្កាត់ស្វាយដង្គំ ក្រុងសៀមរាប។លោកបន្តថា ក្រោយពីចុះបង្ក្រាបរួចមក កម្លាំងជំនាញបានធ្វើការដកហូតវត្ថុតាងរួមមានៈ ម្ស៉ៅគ្រើមពណ៏សថ្លាចំនួន៩កញ្ចប់ទម្ងន់១,៤០ក្រាម ទូរសព្ទ័ដៃ៦គ្រឿង ,បង់កាំភ្លើងA.K 47ចំនួនមួយ ,ស្លាកលេខម៉ូតូ សៀមរាប ១.G.៥៩២៥ចំនួន១ និងឧបករណ៏ប្រើប្រាស់គ្រឿងញៀនមួយចំនួនធំ។បច្ចុប្បន្ន ជនសង្ស័យចំនួន៨នាក់រួមនឹងវត្ថុតាងសមត្ថកិច្ចកងរាជអាវុធហត្ថខេត្ត កសាងសំណុំរឿនបញ្ជូនទៅតុលាការ នៅរសៀលថ្ងៃទី១៧ខែមិថុនាឆ្នាំ២០១៥ដើម្បីចាត់ការតាមនិតិវិធីច្បាប់ ៕ដោយ គឿនវ៉េត
