ការបំផ្ទុះគ្រាប់បែក ក្នុងរថយន្តក្នុងពេលថ្មីៗ កន្លងទៅនេះ បានកើតមានឡើងនៅក្នុងស្រុកមួយ ក្នុងខេត្ត Homs ដែលជាទីតាំង របស់ក្រុមគាំទ្ររដ្ឋាភិបាល ក្នុងពេលវាយប្រឆាំង កងកម្លាំងរដ្ឋាភិបាល។ ការបំផ្ទុះគ្រាប់បែកកាលពីពេលកន្លងមកនៅក្បែរតំបន់ Al-Jandali ជាប់ខេត្ត Homs ដែល
បានបង្កឲ្យមានជនរងគ្រោះ មួយចំនួន។
ប្រភពពីភ្នាក់ងារសារព័ត៌មាន SANA បានឲ្យដឹងថា មនុស្សម្នាក់ស្លាប់ និង១០នាក់ផ្សេងទៀតរងរបួស បន្ទាប់ពី ក្រុមបះបោរ បានបាញ់កាំភ្លើងធំចូលទៅកាន់មន្ទីរពេទ្យមួយ ក្បែរទីក្រុង Homs។ គួរបញ្ជាក់ថា កាលពីថ្ងៃ ព្រហស្បតិ៍កន្លងទៅនេះ ភ្នាក់ងារសារព័ត៌មានក្នុងស្រុក បានចេញសេចក្តីរាយការណ៍ថា ការបោះឆ្នោតជ្រើស រើសប្រធានាធិបតី នឹងចាប់ផ្តើមឡើងនៅថ្ងៃទី២១ ខែមេសា ឆ្នាំ២០១៤ខាងមុខ ដោយនេះជាការអនុញ្ញាតឲ្យបេក្ខភាពប្រធានាធិបតី អាចឈរឈ្មោះក្នុងការបោះឆ្នោតបាន។
ស្របនឹងស្ថានភាពនេះ មន្ត្រីរដ្ឋាភិបាល បានបង្ហាញគំនិតសុទិដ្ឋិនិយមថា លោកប្រធានាធិបតី បាស្សាអាល់អាស្សាដ នៅដែលមានប្រជាប្រិយភាពក្នុងការទទួលបានការគាំទ្រ បើទោះបីជាជម្លោះក្នុងប្រទេស បានអូសបន្លាយអស់រយៈពេលបីឆ្នាំកន្លងទៅនេះក្តី។
ដោយឡែកក្រុមប្រឆាំង បានរិះគន់ចំពោះគំរោង នៃការរៀបចំការបោះឆ្នោតថា ដំណើរការនៃការរៀបចំការ បោះឆ្នោត ស្ថិតនៅក្រោមស្ថានភាពក្នុងពេលបច្ចុប្បន្ន ហេតុនេះវានឹងបង្កភាពចលាចលក្នុងនយោបាយនៅស៊ីរី ជាបន្តទៀត៕
