សៀមរាប : លោក វរសេនីយ៍ឯក ថង សាគុណ ស្នងការរង និង ជាប្រធានការិយាល័យកណ្តាលព្រហ្មទណ្ឌនៃស្នងការដ្ឋាននគរបាលខេត្តសៀមរាបបានមានប្រសាសន៍ក្រើនរំលឹកដល់មន្ត្រីនគរបាលក្រោមឱវាទរបស់លោកអោយខិតខំប្រឹងប្រែងរិះរកអោយឃើញនូវចំណុះ
ខ្លាំងនិងចំណុះខ្សោយក្នុងការបំពេញនូវតួនាទីភារះកិច្ចស្នូលរបស់ខ្លួនលើការ ការពារ និងស៊ើបអង្កេតកន្លែងកើតហេតុបទល្មើសព្រហ្មទណ្ឌ ។ ការមានប្រសាសន៍បែបនេះខណះពេលដែលលោក វរសេនីយ៍ឯក ថង សាគុណ បានអញ្ជើញជាអធិបតី ក្នុងពិធីបើកវគ្គបំប៉នការ ការពារ និងស៊ើបអង្កេតកន្លែងកើតហេតុបទល្មើសព្រហ្មទណ្ឌ ដែលបានធ្វើឡើងកាលពីពេលថ្មី ៗ កន្លងទៅ នៅសាលប្រជុំស្នងការដ្ឋាននគរបាលខេត្តសៀមរាប ។ លោក វរសេនីយ៍ឯក ថង សាគុណ ស្នងការរង និង ជាប្រធានការិយាល័យកណ្តាលព្រហ្មទណ្ឌនៃស្នងការដ្ឋាននគរបាលខេត្តសៀមរាបបានមានប្រសាសន៍បន្តថាវគ្គបំប៉នការ ការពារ និងស៊ើបអង្កេតកន្លែងកើតហេតុបទល្មើសព្រហ្មទណ្ឌដែលបានរៀបចំឡើងនាពេលនេះគឺក្នុងគោលបំណងដើម្បីយើងរៀបចំ
ផែនការនិងយុទ្ធសាស្ត្រថ្មីៗបន្ថែមក្នុងកិច្ចចុះប្រតិបត្តិការណ៍លើ ការងារជំនាញរបស់ខ្លួនអោយកាន់តែមានប្រសិទ្ធភាពខ្ពស់ ។ ជាចុងក្រោយលោក ស្នងការរង បានធ្វើការផ្តាំផ្ញើដល់មន្ត្រីនគរបាលក្រោមឱវាទចំណុះអោយទាំងអស់ដែលបានចូលរៀនសូត្រលើវគ្គបំប៉ននេះត្រូវធ្វើយ៉ាងណាខិតខំយកចិត្តទុកដាក់រៀនសូត្រស្តាប់គ្រូបង្គោលដើម្បីយកចំណេះដឹងពេលរៀនចប់យកទៅអនុវត្តបន្តនៅតាមបណ្តាគោលដៅរៀងៗខ្លួនប្រកបដោយតម្លាភាព ពិសេសគឺត្រូវ ចេះសហការណ៍គ្នារក្សាសាមគ្គីភាពផ្ទៃក្នុងអោយបានល្អដោយមិនត្រូវមើលបំណាំគ្នានិងត្រូវតែអនុវត្តអោយខានតែបាននូវរាល់ភារះកិច្ចដែលថ្នាក់លើប្រគល់ជូន ៕
លោក ខេង ខេមរា
