ខេត្តបន្ទាយមានជ័យ ៖ ម៉ូតូសេរីទំនើបគេចពន្ធត្រូវបានឈ្មួញដឹកពីព្រំដែនថៃចូលមកទីរួមខេត្តបន្ទាយមានជ័យទាំងកណ្តាលថ្ងៃត្រងមិនដឹងថាម៉ូតូសេរីទំនើបទាំងនោះបង់ពន្ធជូនរដ្ឋតាមរបៀបណានោះទេទើបឲ្យឈ្មួញនាំចូលយកមកលក់ក្នុងស្រុកខ្មែរបានយ៉ាងរលូនដូច្នេះ។
ជាក់ស្តែងកាលពីថ្ងៃទី១៦មិថុនា២០១៥ឃើញមានរថយន្តនីសាន់មួយគ្រឿងបានដឹកម៉ូតូសេរីទំនើបគេចពន្ធចំនួន៦គ្រឿងដែលដឹកចេញតាមផ្លូវពីច្រករបៀងអូរបីជាន់ស្រុកអូរជ្រៅដឹកចូលមកខេត្តបន្ទាយមានជ័យបានយ៉ាងត្រជាក់ចិត្ត។ ការនាំចូលម៉ូតូអត់ពន្ធនេះគឺនាំចូលយ៉ាងរលូនដឹកចូលមកទីរួមខេត្តបន្ទាយមានជ័យដែលមិនឃើញមានស្ថាប័នសមត្តកិច្ចណាមួយមានវិធានទប់ស្កាត់និងបង្ក្រាបឡើង។បើតាមការអះអាងរបស់ម្ចាស់ម៉ូតូគេចពន្ធជាឈ្មួញនោះបាននិយាយថាការនាំចូលម៉ូតូគេចពន្ធដោយរលូនបែបនេះព្រោះឈ្មួញបានបង់លុយឲ្យគ្រប់ស្ថាប័នពាក់ដែលមានមន្ត្រីគយខេត្ត និងមន្ត្រីគយក្រសួង មន្ត្រីនគរបាលសេដ្ឋកិច្ចខេត្ត មន្ត្រីនគរបាលសេដ្ឋក្រសួងក្នុងម៉ូតូ១គ្រឿងបង់លុយឲ្យមួយស្ថាប័ន៥០ដុល្លារ។ ពាក់ព័ន្ធឈ្មួញលួចនាំចូលម៉ូតូសេរីទំនើបចូលមកខេត្តបន្ទាយមានជ័យនេះគឺមានសកម្មភាពគគ្រឹកគគ្រេងមានដូចជាក្បែរច្រកតំបន់បឹងត្រកួនមាន៣ទៅ៤ច្រករបៀង និងស្រុកម៉ាឡៃមានច្រករបៀង២ទៅ៣កន្លែង ។ ច្រករបៀងខុសច្បាប់អូរបីជាន់ស្រុកអូរបីជាន់ស្រុកអូរជ្រៅ។ហើយច្រករបៀងដែលលួចនាំចួលម៉ូតូគេចពន្ធសេរីទំនើបនេះគឺឈ្មួញឃុបឃិតជាមួយកម្លាំងនគបាលការពារព្រំដែននិងកម្លាំងយោធាប្រចាំការទីនោះទើបអាចដឹកម៉ូតូគេចពន្ធនាំចូលមកខេត្តបន្ទាយមានជ័យបានយ៉ាងរលូនដូច្នេះធ្វើឲ្យមានការបាត់បង់ចំណូលជាតិយ៉ាងសន្ធឹកសន្ធាប់ព្រោះសមិត្តកិច្ចទាំងអស់នោះម្នាក់ៗមិនគិតពីការបាត់បង់ចំណូលរដ្ឋនោះឡើយ ៕
