ខេត្តសៀមរាបៈ ទោះបីជាករណីគឿងញៀនកំពុងវាយប្រហាយ៉ាងកំហុកមកលើតំបន់ទេសចរណ៏យ៉ាងណាក៏ដោយក៏សមត្ថកិច្ចចំម្រុះរបស់ខេត្តសៀមរាបនៅតែបន្តធ្វើការបង្ក្រាបយ៉ាងដូចភ្លៀងរលឹមជាក់ស្តែង នៅថ្ងៃទី១៨ខែឧសភាឆ្នាំ២០១៥កំលាំងអាវុធហត្ថ ខេត្តបានចុះបង្ក្រាបបទល្មើស ជួញដូរគ្រឿងញៀនហើយបន្ត ធ្វើការឆែកឆេរក្នុងផ្ទះជួលរកឃើញវត្ថុតាងគ្រឿងញៀនមួយចំនួននៅកន្លែងផ្សេងគ្នានិងឈានទៅឃាត់ខ្លួនជនសង្ស័យប្រុសស្រីបានចំនួន៥នាក់ បញ្ជូនទៅតុលាការ ។
ករណីចុះបង្ក្រាបបទល្មើសគ្រឿងញៀន នៅក្រុងសៀមរាប ដែលដឹកនាំសម្របសម្រួល ដោយលោក សំរិទ្ធ សុខុន ព្រះរាជអាជ្ញារង អមសាលាដំបូងខេត្ត។ 
មន្ត្រីអាវុធហត្ថខេត្តបានឲ្យដឹងថា ជនសង្ស័យប្រុសស្រីទាំង៥នាក់មានទី១/ឈ្មោះ សួន ផល្លា ភេទប្រុស អាយុ៥២ឆ្នាំមុខរបររើសអេតចាយ ទីលំនៅបច្ចុប្បន្ន ភូមិកើតហេតុខាងលើ(ជួញដូរ)និងទី២/ឈ្មោះ សាត់ ម៉ារ៉ាឌី ភេទប្រុស អាយុ១៨ឆ្នាំមុខរបរមិនពិតប្រាកដ(សម្រួលឲ្យប្រើប្រាស់) រស់នៅភូមិជ័យ សង្កាត់ទឹកវិល ក្រុងសៀមរាប និងទី៣/ឈ្មោះ មូល សុរានាថ ភេទស្រី អាយុ១៨ឆ្នាំ ស្នាក់នៅភូមិកសិកម្ម សង្កាត់ស្រង៉ែ ក្រុងសៀមរាប(ប្រើប្រាស់)និងទី៤/ឈ្មោះ សាន ស្រីមុំ ភេទស្រី អាយុ២៤ឆ្នាំ មុខរបរបំរើខារ៉ាអូខេស្នាក់នៅភូមិត្រពាំងសេះ សង្កាត់គោកចក ក្រុងសៀមរាប(ជួញដូរ)និងទី៥/ឈ្មោះ ឈី សុភក្ត្រ័ ភេទប្រុសអាយុ៣១ឆ្នាំមុខរបររត់តាក់ស៊ី(ជួញដូរ)រស់នៅភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង រួចធ្វើការដកហូតបានៈម្សៅគ្រើមពណ៌សថ្លាចំនួន៣កញ្ចប់ធំទម្ងន់៩,៣ក្រាម,ទូរសព្ទ័ដៃ៦គ្រឿងនិងលុយមួយចំនួន បច្ចុប្បន្នជនសង្ស័យប្រុសស្រីទាំង៥នាក់និងវត្ថុតាងត្រូវបានកម្លាំងជំនាញ កសាងសំណុំរឿងបញ្ជូនទៅតុលាការដើម្បីចាត់ការតាមផ្លូវច្បាប់៕ដោយ គឿនវ៉េត
