រថយន្ដម៉ាក តាកុម៉ា របស់មន្ត្រីក្រសួងកសិកម្ម១គ្រឿងត្រូវក្រុមចោរលួចយកទៅបាត់ដោយសុវត្ថិភាព ពេលចតទុកនៅក្រៅផ្ទះ។ ហេតុការណ៍ចោរលួចរថយន្តនេះបានកើតឡើងក្នុងចន្លោះម៉ោង២ទៅម៉ោង៣ទាបភ្លឺថ្ងៃទី២០ខែមិងុនាឆ្នាំ២០១៥ស្ថិតនៅក្នុងភូមិដើមធ្លកឃុំរវៀងស្រុកសំរោងខេត្តតាកែវ។បើយោងតាមសម្តីម្ចាស់រថយន្ដឈ្មោះដុំ ណុបភេទប្រុសអាយុ៤៨ឆ្នាំរស់នៅទីកន្លែងកើតហេតុខាងលើបានប្រាប់អ្នកយកព័ត៌មានយើងឲ្យដឹងថា រថយន្ដរបស់គាត់ម៉ាកតាកុម៉ាពណ៌ទឹកប្រាក់សេរី២០០៣ពាក់ស្លាកលេខភ្នំពេញ២យូ ៧៦៥៩។គាត់បានបញ្ជាក់ថានៅមុនពេលកើតហេតុនៅវេលាម៉ោង១១និង០០នាទីរូបគាត់បានទុករថយន្ដនៅក្រៅផ្ទះហើយគាត់ក៏បានចូលទៅដេកបាត់ទៅ លុះនៅម៉ោង៤និង០០នាទីទាបភ្លឺគាត់បាន
ចេញមកក្រៅផ្ទះរករថយន្ដមិនឃើញក៏ផ្អើលឆោឡោនិងបានប្ដឹងសមត្ថកិច្ចឲ្យជួយដោះស្រាយ។យោងតាមសម្ដីលោកឃុន យ៉ានអធិការរងទទួលបន្ទុកផ្នែកព្រហ្មទណ្ឌនៃអធិការស្រុកសំរោងបានឲ្យដឹងថាក្រោយពេលទទួលបានពាក្យបណ្ដឹងកំលាំងរបស់លោកបានចុះមកដល់កន្លែងកើតហេតុធ្វើការស្រាវជ្រាវ។លោកបានបន្ដទៀតថាលោកមិនទាន់សន្និដ្ឋានថាជាករណីចោរលួចឬជាករណីអ្វីនោះទេព្រោះលោកកំពង់បន្ដបើកការស៊ើបអង្កេតរកមុខសញ្ញាពេលនេះ។
