កំពង់ឆ្នាំង៖ យុវជនម្នាក់បានស្លាប់ នៅនឹងកន្លែងកើតហេតុភ្លាមៗ បន្ទាប់ពីបានជិៈម៉ូតូនៅពេលទៅបុកនិង ដើមពុទ្រា នៅម៉ោង៩ និង៥០នាទីយប់ថ្ងៃទី២១ ខែមិថុនា ឆ្នាំ២០១៥ នៅលើផ្លូវជាតិលេខ៥៣ ក្នុងចន្លោះគីឡូម៉ែត្រ៥និងលេខ៦ ស្ថិតក្នុង ភូមិត្រោកលិច ឃុំស្រែថ្មី ស្រុករលាប្អៀរ ។
សមត្ថកិច្ចនគរបាលស្រុករលាប្អៀរបានអោយដឹងថា៖ជនរងគ្រោះមានឈ្មោះ គឹម សៅលិញ អា យុ១៧ឆ្នាំ មានទីលំនៅ ភូមិអាឡែង ឃុំជ្រៃបាក់ ស្រុករលាប្អៀរ ។ មុនពេលកើតហេតុ ជនរងគ្រោះបានជិៈម៉ូតូម៉ាក ហុងដាឌ្រីម សេរី០១០ ពាក់ស្លាកលេខ កំពង់ចាម 1C.3350 តែម្នាក់ឯង ក្នុងដំណើរពីជើងទៅត្បូង ក្នុងល្បឿនលឿន លុះមកដល់ចំណុចកើតហេតុស្រាប់តែរេចង្កូតទៅបុកនឹងគល់ដើមពុទ្រា បណ្តាលអោយបែកថ្លើមស្លាប់នៅនឹងកន្លែងតែម្តង។
សមត្ថកិច្ចបានដឹងថាមុនពេលកើតហេតុជនរងគ្រោះនិងមិត្តភ័ក្រក្នុងភូមិម្នាក់ទៀត បាននាំគ្នាស៊ីផឹកច្រៀហការ៉ាអូខេលេងពេញមួយល្ងាចដល់យប់នៅក្នុងក្រុងកំពង់ឆ្នាំង នៅពេលស្រវឹងបានជិះម៉ូតូមក
ផ្ទះមុន ឯមិត្តភ័ក្រគេស្រវឹងខ្លាំងនៅដេកក្នុងផ្ទះសំណាក់។ព្រោះតែស្រវឹងពេលជនរងគ្រោះមកដល់ចំណុចកើតហេតុម្រមាណ៥គីឡូពីក្រុងកំពង់ឆ្នាំង ដោយសារតែជិះម៉ូតូលឿនពេក ក៏បានបុកដើមពុទ្រាដែលនៅជាប់ចិញ្ចើមផ្លូវដួលជាច្រើនត្រឡប់បែកថ្លើមស្លាប់តែម្តង។
ក្រោយពេលកើតហេតុសមត្ថកិច្ចនគរបាលមូលដ្ឋានបានស្រាវជ្រាវរកក្រុមគ្រួសារទាំងយប់ដើម្បីមកដឹកយកសពពីកន្លែងកើតហេតុទៅលំនៅដ្ឋានក្នុងភូមិអាឡែង។នៅកន្លែងកើតហេតុ សមត្ថកិច្ចបានពិនិត្យមើលសពជនរងគ្រោះ មានស្នាមជាំខ្លាំងនៅលើទ្រូង ដោយសន្និដ្ឋានថា រូបគេត្រូវរបួសបែកថ្លើមស្លាប់។សពជនរងគ្រោះសមត្ថកិច្ចបានប្រគល់ ទៅបុរស ឈ្មោះ គឹម សុក ជាឪពុករស់នៅក្នុងភូមិអាឡែង
ដឹកយកទៅធ្វើបុណ្យតាមប្រពៃណីនៅលំនៅដ្ឋាន ដោយមានសោកសា្តយក្រៃលែង៕ ( 
