កំពង់ធំៈ មានករណីបង្ករឲ្យមានការភ្ញាក់ផ្អើល ទូទាំងខេត្តកំពង់ធំ បណ្តាលមកពីលោក ស្វាយ សាវេត អធិការង នៃអធិការដ្ឋាន ស្រុកបារាយណ៍ ដេញបាញ់ប្រជាពលរដ្ឋ ដោយចោទថាចេះធ្មប់អាប ធ្វើឲ្យជនរងគ្រោះភ័យ ស្លន់ស្លោរ រត់ស្ទើខ្ស័យជីវិតដោយសារតែគ្រាប់កាំភ្លើងរបស់លោក អធិការទំនើងរូបនេះ ខណៈពេលដែលកំពុងធ្វើបុណ្យ ។
ហេតុការបាញ់បោះសេរីអាងខ្លួនជាអធិការង ស្រុកបារាយណ៍ យកអាវុធមកកាត់ក្តីប្រជាពលរដ្ឋ ដោយគ្មានការពិចារណា ចោទប្រជាពលរដ្ឋថា ចេះធ្មប់អាបដោយគ្មានមូលដ្ឋានច្បាស់លាស់ នូវអាពៃជំនឿងហួសហេតុ សំណាងល្អជន រងគ្រោះបានរត់យកតែប្រាស់អាយ៉ូស ដោយសារតែលោក ស្វាយ សាវេត បានយកកាំភ្លើងខ្លី ប្រភេទ ៥៤ បាញ់តំម្រង់ ជនរងគ្រោះចំនួន២ គ្រាប់ តែសំណាងល្អមិនត្រូវ តែជនរងគ្រោះបានគ្រោងនឹងប្តឹងមក តុលការខេត្តកំពង់ធំ តែត្រូវបាន គេគំរាមមិនអោយប្តឹងទើបសម្របសម្រួល។
តាមសាក្សីដែលបានឃើញហេតុការ បានឲ្យដឹងថា មុនពេលកើតហេតុ គឺមានសាច់ញ្ញាតិ លោក អធិការរង ឈ្មោះ ស្វាយ សាវេត ឈឺស្លាប់ បន្ទាប់ពីដឹកសាកសពមកពីពេទ្យ ខណៈពេលរៀបនឹងធ្វើបុណ្យ ស្រាប់តែលោក អធិការទំនើង បានខឹងច្រឡោតដោយគ្មានការពិចារណា យកអាវុធដេញ ជនរងគ្រោះឈ្មោះ នី ខែ្មរឥស្លាម មានមុខរបរកាប់គោលក់ នៅផ្សាកំពង់ថ្ម រស់នៅភូមិត្រស់ ឃុំបាល្ល័ង ស្រុកបារាយណ៍ ខេត្តកំពង់ធំ ដោយចោទថាជនរងគ្រោះចេះធ្មប់បានធ្វើឲ្យសាច់ញ្ញាតិរបស់ខ្លួនស្លាប់ កាលពីព្រលប់ ថ្ងៃទី ២១ ខែ មិថុនា ឆ្នាំ ២០១៥។
លោក សាយ ណូរ៉ា ព្រះរាជអាជ្ញារង បានឲ្យដោយដឹង លោកកំពុងតែស្រាវជ្រាវ ទៅលោក សួង ថេន អធិការស្រុក បារាយណ៍ ពីករណីដេញបាញ់ជនរងគ្រោះ ហើយលោកបានបញ្ជាក់ថា លោកអធិការងរូបនេះ បានយកអាវុធដេញបាញ់ប្រជាពលរដ្ឋនេះ តើមានមូលដ្ឋាន និងភស្តុតាងអ្វីដែលចោទថា គេចេះធ្មប់។
មហាជនបានរិះគន់យ៉ាងចាស់ដៃ ទៅលើលោក ប៉ូលិសរូបនេះ ដែលមានឋានៈដល់ទៅអធិការង ទទួលបន្ទុកផ្នែក សន្តិសុខ តែបែរជាគ្មាន គោរពតាមច្បាប់ អាងអំណាច អាងអាវុធ មិនព្រមស្រាវជ្រាវតាមនិតិវិធី បែរជាចោទថាចេះធ្មប់ ហើយឈានទៅដល់ការដេញបាញ់ ចំនួន២គ្រាប់ នេះសំណាងល្អ បើសិនជាជនរងគ្រោះរត់មិនទាន់ ច្បាស់ជាក្លាយទៅជាសាកសពម្នាក់ទៀតហើយ ដូច្នេះពួកគាត់មានការព្រួយបារម្ភណ៍នូវទង្វើរបស់លោក អធិការងរូបនេះ ធ្វើចំពោះ ប្រជាពលរដ្ឋដ៏ទៃទៀត និងសូមឲ្យឯកឧត្តម នេត សាវឿន អគ្គស្នងការនគរបាលជាតិ និងលោក ជូ សំអាន ស្នងការ នគរបាលខេត្តកំពង់ធំ មេត្តារកភាពយុត្តធម៌ឲ្យជនរងគ្រោះផង ទោះជាមានការហាមមិនឲ្យជនរងគ្រោះប្តឹងក៏ដោយ ក៏មិនត្រូវទុកអោយអធិការទំនើងរូបនេះ ធ្វើអ្វីតាមអំពើចិត្តនោះឡើយ ។
ចំណែកលោក ស្វាយ សាវេត អធិការង ដែលជាជនទំនើង បានឲ្យដឹងថា ក្រោយពីសាច់ញ្ញាតិលោកស្លាប់ លោកមាន ការសោកស្តាយ ហើយខឹងច្រឡោតដោយពុំបានគិតមែន ហើយសុំមិនឲ្យជនរងគ្រោះប្តឹងទៅលើ សុំឲ្យបញ្ចប់រឿងត្រឹម នេះ ខ្លួនសុខចិត្តសម្របសម្រួល។
ដោយ ប៊ុន រដ្ឋា
