ខេត្តសៀមរាប៖ ទូរដកលុយរបស់ធនាគារចំនួន២របស់ធនាគារកាណាឌីយ៉ានិងធនាគារANZ Royal ដែលដាក់នៅក្នុងផ្សារទំនើបឡាក់គីម៉លត្រូវបានគេវាយកំទេចយកលុយអស់រាប់ម៉ឺនដុល្លា បច្ចុប្បន្នសមត្ថកិច្ចធ្វើការឃាត់ខ្លួនសន្តិសុខចំនួន២នាក់យកទៅសួរនាំ។
ប្រភពពីកន្លែងកើតហេតុបានឲ្យដឹងថា នៅវេលាម៉ោងប្រមាណជា១យប់ឈានចូលថ្ងៃទី២២ខែមិថុនា មានករណីផ្អើលឆោឡោថា ការវាយបំបែកទូរATMនៅក្នុងផ្សារឡាក់គីម៉លយកលុយអស់ជាច្រើន ហើយបន្ទាប់មកក៏ឃើញមានកម្លាំងសមត្ថកិច្ចចំរុះចុះមកត្រួតពិនិត្យនៅកន្លែងកើតហេតុនិងឃាត់ខ្លួនអ្នកយាមនៅផ្សារនោះចំនួន២នាក់ជាសន្តិសុខរបស់ផ្សារឡាក់គីនេះ
ដើម្បីយកទៅសួរនាំនៅស្នងការដ្ឋាននគរបាលខេត្តតែម្តង។ បច្ចុប្បន្នកម្លាំងការិយាល័យព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តសៀមរាបកពុងតែចំណាត់តាមនីតិវិធីដោយមិនទាន់ដឹងពីចំនួនលុយដែលបានបាត់និងកពុងតែវែកមុខរកជនដៃដល់មកដាក់ទោសទៅតាមផ្លូវច្បាប់ ៕លោក ខេង ខេមរា
