កំពង់ឆ្នាំង៖ សមត្ថកិច្ចនគរបាលក្រុង និងខេត្តកំពង់ឆ្នាំង កាលពីល្ងាចថ្ងៃទី២២ ខែមិថុនា ឆ្នាំ២០១៥បានប្រគល់វត្ថុបុរាណ មានចម្លាក់ផ្តែ សសរពេជ្រ និង ពន្លួញកជើង ដែលប្រជាពលរដ្ឋរកឃើញកាលពីពេលថ្មីកន្លងទៅនេះ នៅទីទួលបុរាណមួយកន្លែង ដែលគ្មាននរណាម្នាក់បានដឹង និងស្គាល់ពីមុនមក ជូនដល់ លោកប្រធានមន្ទីរវវប្បធម៌និងវិចិត្រសិល្បះខេត្ត ដើម្បីយកទៅរក្សាទុកក្នុងសារមន្ទីររបស់ខេត្ត។
លោក សំ សិទ្ឋី អធិការក្រុងកំពង់ឆ្នាំង បានបញ្ជាក់ថាៈ វត្ថុបុរាណទាំងនេះត្រូវបានប្រជាពលរដ្ឋ ប្រទះឃើញកាលពីម៉ោង ១១និង៤៥នាទីព្រឹក ថ្ងៃទី១៨ ខែមិថុនាឆ្នាំ២០១៥ នៅទីទួលតូចមួយ កន្លែង ស្ថិតក្នុងភូមិទី៨ សង្កាត់ខ្សាម ក្រុងកំពង់ឆ្នាំង ខណៈដែលប្រជាពលរដ្ឋទាំងនោះ បានកាយយកដីនៅ
ទីទួលនោះដាក់ក្នុងភូមដ្ឋាន។ ក្រោយការប្រទះឃើញសមត្ថកិច្ចបានដកហូតវត្ថុទាំងនោះមករក្សាទុក និងបានយកមកប្រគល់ជូនមន្ទីរវប្បធម៌ និងវិចិត្រលិល្បៈខេត្ត ក្នុងពេលនេះ។
លោក សុខ ធួក ប្រធានមន្ទីរវិចិត្រសិល្បះខេត្តកំពង់ឆ្នាំងបាននិយាយអោយដឹងថា៖វត្ថុបុរាណទាំង
នេះមានចម្លាក់ផ្តែ១ផ្ទាំង មានប្រវែង ១,៣០ម៉ែត្រ និងទទឹង ០,៦០ ម៉ែត្រ សសរពេជ្រចំនួន២ និង ពន្លួញកំណាត់ កជើង១ ដែលវត្ថុទាំងនោះធ្វើពីថ្មភក់ ស្ថិតក្នុងសត្តវត្សទី១០ ក្នុងរចកាល ព្រះបាទជ័យវរ្មន័ទី៤។ ចម្លាក់នេះមានរចនាបទ កោះកេរ្តិ៍ លោកបានអោយដឹងថា នៅទីទួលនេះពិតជាទួលប្រាសាទបុរាណមួយ ដែលមានអាយុជាង១ពាន់ឆ្នាំ តែបានរលំរលាយបាត់រូបពីយូរលង់ណាស់មកហើយ ដោយហេតុនេះទើបគ្មានអ្នកណាបានដឹង និងនិយាយតៗគ្នា សូម្បីតែឯកសារក៏មិនទាន់ស្រាវជ្រាវដឹងដែរ។
លោកបានបញ្ចាក់ថា៖ ដោយហេតុនេះខេត្តកំពង់ឆ្នាំង បានរកឃើញភ័ស្តុតាងថ្មីមួយទៀតសម្រាប់ប្រត្តិសាស្ត្រវប្បធម៏ជាតិ ដ៏យូរលង់ណាស់មកហើយនេះ ដោយសារតែបែបនេះ លោកបានស្នើសុំអោយ អាជ្ញាធរភូមិ ឃុំ ធ្វើពិធីប្រជុំមួយក្នុងពេលដ៏ខ្លីខាងមុខនេះ ដើម្បីអញ្ជើញប្រជាពលរដ្ឋក្នុងមូលដ្ឋាននោះ មកស្តាប់ លោកនឹងធ្វើការពន្យល់និងអប់រំដល់គាត់អោយយល់ពីសម្បត្តិវប្បធម៏ដែលមានតម្លៃនេះ ដោយ
លោកបានស្នើសុំអោយប្រជាពលរដ្ឋឈប់ទៅប៉ះពាល់ទីទួលបុរាណខាងលើនេះ ចំណែកមន្ទីរវប្បធម៌ខេត្ត នឹងរៀបចំធ្វើរបងហ៊ុំពទ្ធ័ដាក់ស្លាកហាមឃាត់ មិនអនុញ្ញាត្តិអោយបុគ្គលណាចូលទន្ទ្រាននៅលើ ទីទួលមួយនេះតទៀតឡើយ ដើម្បីរក្សាទុកធ្វើការស្រាវជ្រាវ និងទុកជាសម្បត្តិវប្បធម៌របស់ជាតិ៕
