កំពង់ធំ= រថយន្ដសាំយ៉ុង ១គ្រឿងពណ៍លឿង ពាក់ផ្លាកលេខបណ្ដោះអាសន្ន ៥៥១៦ បែកកង់ខាងក្រោយផ្នែកខាងឈ្វេង ធ្លាក់ថ្នល់ក្រឡាប់ផ្ងារជើង របួសស្រាល៤នាក់ របួសធ្ងន់៣នាក់ ត្រង់ចំនុច ភូមិសានគរ ឃុំសាន់គរ ស្រុកកំពង់ស្វាយ ខេត្តកំពង់ធំ ។
តាមប្រភពពត័មានពីកន្លែង កើតហេតុ បានអោយដឹងថាក្នុងឡានផ្ទុកមនុស្ស៩នាក់រួមជាមួយ តៃកុងឡានៗ ឈ្មោះ ហេង សុខ ហ៊ាន អាយុ៣២ឆ្នាំ រស់នៅភូមិ ប្រម៉ាត់ដី ឃុំស្វាយទាប ស្រុកចំការលើ ខេត្តកំពង់ចាម ក្រោយពីក្រឡាប់រួចអ្នករបួសធ្ងន់៣នាក់ទាសំណង ខ្លះ១០ម៉ីន ខ្លះ២០ម៉ីនដើម្បីមើលខ្លួន និងអ្នករបួសស្រាល៤នាក់ពុំបានទាសំណងអ្វីទេ។
ក្រោយមកសមត្ថកិច្ចចុះវាស់វែង ដោយពិនិត្យឃើញថារថយន្ដនេះខូចខាតយ៉ាងដំណំ បន្ទាប់មកក៏ស្ទូចរថយន្ដមករក្សាទុកនៅអធិការដ្ឋាន ស្រុកកំពង់ស្វាយ រងចាំការដោះស្រាយជាក្រោយ ចំណែកអ្នករួមដំណើរបានក៏ធ្វើដំណើររបន្ដតាមរថយន្ដផ្សេងទៅ។ ប៊ុន រិទ្ធី
