បន្ទាយមានជ័យះអាវុធហត្ថបន្ទាយមានជ័យនៅរសៀលថ្ងៃទី23មិថុនា2015នេះបានបញ្ជូនជនសង្ស័យម្នាក់ដែលនាំមនុស្សឆ្លងដែនខុសច្បាប់ និងគំរាមទារប្រាក់ទៅតុលាការបន្ទាប់ពីឃាត់ខ្លួនប្រព្រឹត្តកាលពីថ្ងៃទី22 មិថុនា ឆ្នាំ2015 នៅចំណុច ភូមិ ក្បាលស្ពាន1 សង្កាត់និងក្រុង ប៉ោយប៉ែត ខេត្តបន្ទាយមានជ័យ ។លោក អនុសេនីយ៍ឯក ជា ដា មេបញ្ជាការមូលដ្ឋាន អ ហ ក្រុងប៉ោយប៉ែតបានអោយដឹងថាដោយទទួលបានការប្តឹងពីជនរងគ្រោះបួននាក់មានឈ្មោះ1- យ៉ាន់ ណាក់ ភេទ ប្រុស អាយុ 22 ឆ្នាំ មានទីលំនៅ ភូមិ ពពាលខែ ឃុំ ជ្រៃ ស្រុក ថ្មគោល ខេត្តបាត់ដំបង។ 2-ឈ្មោះ គា លីតា ភេទ ស្រី អាយុ 22 ឆ្នាំ មានទីលំនៅ ភូមិ ពពាលខែ ឃុំ ជ្រៃ ស្រុក ថ្មគោល ខេត្ត បាត់ដំបង។ 3-ឈ្មោះ ប៉ាត់ ពិសិដ្ឋ ភេទ ប្រុស អាយុ 25ឆ្នាំ មានទីលំនៅ ភូមិ អន្លង់តាម៉ី ឃុំ ឈើទាល ស្រុក បាណន់ ខេត្ត បាត់ដំបង។ 4-ឈ្មោះ ហៃ សារឿន ភេទ ប្រុស អាយុ 25ឆ្នាំ មានទីលំនៅ ភូមិ អន្លង់តាម៉ី ឃុំ ឈើទាល ស្រុក បាណន់ ខេត្ត បាត់ដំបង។
ថាពួកខ្លួនដែលចំណាកស្រុកទៅធ្វើការនៅប្រទេសថៃលុះពេលមកវិញដល់ព្រំដែនផ្សារ រោងគ្លឿបានជួបនឹងជនសង្ស័យ ឈ្មោះ អ៊ុច រដ្ឋាហើយជនសង្ស័យបាននិយាយទំនាក់ទំនងជូន
ពួកគេទាំង4នាក់ចេញមកប្រទេសខ្មែរដោយយកថ្លៃជូនក្នុងម្នាក់350បាត(បីរយហាសិបបាត)។ បន្ទាប់មកជនសង្ស័យបានជូនចេញមកតាមច្រកធំ(ច្រកអន្តរជាតិប៉ោយប៉ែត)ពេលមកដល់ដីខ្មែរជនសង្ស័យបានសំឡុតនិងគំរាមទារប្រាក់បន្ថែមក្នុងម្នាក់150បាតទៀត។ទើបធ្វើការស្រាវជ្រាវឃាត់ខ្លួនជនសង្ស័យ ឈ្មោះ អ៊ុច រដ្ឋា ភេទ ប្រុស អាយុ 25ឆ្នាំ មានស្រុកកំណើត នៅភូមិ ពសអាទាវ ស្រុក លើកដែក ខេត្ត កណ្ដាល មានទីលំនៅបច្ចុប្បន្នមិនពិតប្រាកដបានតែម្តង។ក្រោយពីសមត្ថកិច្ចសួរចម្លើយ ជនសង្ស័យបានឆ្លើយសារភាពថារូបគេពិតជាបានគំរាមទារប្រាក់ថែមក្នុងម្នាក់150បាតពិតប្រាកដមែន។
បច្ចុប្បន្ន ជនសង្ស័យត្រូវបានអាវុធហត្តខេត្តកំពុងកសាងសំណុំរឿងបញ្ជូនទៅសាលាដំបូងដើម្បីចាត់ការតាមនិតិវិធីនារសៀលថ្ងៃនេះ៕
