ក្រុងប៉ោយប៉ែត៖គំនរសំរាមស្អុយរលួយពេញលើផ្លូវសាធារណះនៅខាងមុខច្រកទ្វារអន្តរជាតិនិងនៅតាមបណ្តោយផ្លូវផ្សេងៗទៀតដែលមានលំនៅដ្ឋានប្រជាពលរដ្ឋនៅក្បែរនោះទៀតផងទង្វើរទាំងនេះគេមិនដែលឃើញអាជ្ញាធរក្រុងមានវិធានការបោសសម្អាតឡើយទំនងជាគេទុកកាកសំណល់សំរាមនេះបង្អួតអោយភ្ញៀវទេសចរមើលកំសាន្តនិងហិតក្លិនស្អុយរាល់ថ្ងៃទៀតផង ។សូមបញ្ជាក់ថាចំពោះទីតាំងដែលសម្បូរសំរាមនៅច្រកទ្វារអន្តរជាតិប៉ោយប៉ែតនោះគឺកើតមាននៅលើផ្លូវជាតិលេខ៥ពីច្រកទ្វារអន្តរជាតិប៉ោយប៉ែតរហូតទៅដល់ក្បែរសណ្ឋាគានាទិព្ធថ្មីជាពិសេសនៅខាងមុខកាស៊ីណូហ្គោលដិនក្រោនគឺសម្បូរហូហៀច្រើន
ជាងគេដែលជាចំណុចក្តៅដែលភ្ញៀវធ្វើដំណើរទៅមករាល់ថ្ងៃទៀតនោះឯមួយផ្នែកទៀតគំនរសំរាមដ៏ធំ១កន្លែងទៀតគឺមាននៅតាមបណ្តោយផ្លូវបេតុងខាងលិចវត្តបាលិលេយ្យដោយគំនរសំរាមនោះបានហូហៀស្ទើរលុបផ្លូវបេតុងទៅហើយមកដល់ម៉ោងនេះមហាជនជាច្រើនកំពុងឆ្ងល់ថាហេតុអីគ្មានអាជ្ញាធរចាត់ការយ៉ាងដូចឆ្នេះ ។តាមការលើកលឡើងរបស់ប្រជាពលរដ្ឋជាច្រើនបានអោយដឹងថាឥឡូវនេះទីក្រុងប៉ោយប៉ែតបានក្លាយទៅជាទីក្រុងដែលលំដាប់ថ្នាក់លេខ១ស្ទុកទៅដោយគំនរសំរាមគ្រប់ទីកន្លែងទៅហើយហើយធំក្លិនស្អុយអាសោចពេញក្រុងទេសចរតែ
ម្តងជាពិសេសគំនរសំរាមទាំងនោះបានធ្វើអោយប៉ះពាល់សុខភាពប្រជាពលរដ្ឋជាពិសេសគឺកុមារតូចៗជាច្រើនដែលកំពុងរស់នៅក្បែរគំនរសំរាមនោះជាប្រចាំប្រជាពលរដ្ឋដ៏ដែលបានលើកឡើងទៀតថាទំនងជាចៅហ្វាយក្យងនិងមន្ត្រីជំនាញដែលនៅក្បែរគំនរសំរាមជាប់ច្រកទ្វារនោះភ្លេចបង់ខែអោយក្រុមហ៊ុនដឹកសំរាមទេដឹងទើបគំនរសំរាមស្ទើរកើតជាភ្នំទៅហើយគេបានបន្តទៀតថាក្រុមគណះកម្មការអន្តរក្រសួងទេសចរដែលប្រចាំក្នុងក្រុងប៉ោយប៉ែតនោះធ្លាប់មានវិធានការរាប់មិនអស់ទាក់ទិនទៅនិងការសំអាតអនាម័យនិងការរៀបចំសណ្តាប់ធ្នាប់សាធារណះតាម
ដងផ្លូវទេសចរអោយបានល្អតែវិធានការនោះត្រូវបានគេសម្គល់ឃើញថាមិនខុសពីវែកចកនៅក្នុងទឹកឡើយព្រោះអ្នកដាក់ផែនការខាងលើនោះរវល់ដេកសម្ងំក្នុងម៉ាស៊ីនត្រជាក់យ៉ាងរំភើយបំផុតទើបធ្វើអោយគំនរសំរាមនិងសណ្តាប់ធ្នាប់សាធារណះនៅប៉ោយប៉ែតមានសន្ទុះងើបឡើងជាបន្តបន្ទាប់ហើយពលរដ្ឋទាំងនោះកំពុងរងចាំមើលថាតើក្រុមអន្តរក្រសួងទេសចរដែលប្រចាំនៅទីនោះមានផែនការដែរឬអត់។កម្ពុជាថ្មីបានព្យាយាមទាក់ទងទៅលោកប្រធានគណះកម្មការអន្តរក្រសួងទេសចរដែលប្រចាំនៅច្រកទ្វារអន្តរជាតិប៉ោយប៉ែតនោះតែទូរស័ព្ទចុចចូលច្រើនដងគ្មានអ្នកលើក។
