កំពត៖ លោកព្រះរាជអាជ្ញារង ខាន់ សុផល បានបញ្ជារឲ្យមេព្រៃឃាត់ខ្លួនតំណាងក្រុមហ៊ុនចម្ការកៅស៊ូក្រែក ម្នាក់ ដែលបានដឹកឈើពីខេត្តសៀមរាបប្រុងលោតឆ័ត្រទៅ នៅប្រទេសវៀតណាមតាមច្រកទ្វា ទ្វេភាគី តន់ហន់។តំណាងក្រុមហ៊ុនចម្ការកៅស៊ូក្រែកឈ្មោះ ស៊ុយ រិទ្ធី អាយុ ៤៣ឆ្នាំ ត្រូវមេព្រៃឃាត់ខ្លួនកាលពីព្រលប់ នៅថ្ងៃទី១ខែមិថុនា ឆ្នាំ២០១៥ នេះ តាមបញ្ជាររបស់លោកព្រះរាជអាជ្ជារង ខាន់ សុផល បន្ទាប់ពីសមត្ថកិច្ចនគរបាលព្រំដែនច្រកទ្វាទ្វេភាគីតន់ហន់ ឃាត់រថយន្តយីឌុបម៉ាកហ៊ីណូមួយគ្រឿងពណ៌ខៀវ លាយក្រហម ពាក់ស្លាកលេខ ភ្នំពេញ3C.0137 ដឹកកាលពីវេលាម៉ោង9និង30ព្រឹក នាថ្ងៃទី20ខែមិថុនាឆ្នាំ2015នៅចំណុចភូមិព្រែកក្រឹស ឃុំព្រែកក្រឹស ស្រុកកំពង់ត្រាច ខេត្តកំពត។លោក ស៊ង ជា នាយ
សង្កាត់រដ្ឋបាលព្រៃឈើស្រុកកំពង់ត្រាច បានឲ្យដឹងថា តាមលិខិតដឹកជញ្ជូន ឈើនេះជាអុសចម្រុះ មានចំនួន25ស្ទែ៊រ របស់ក្រុមចម្ការកៅស៊ូក្រែក ប៉ុន្តែ ចំនួនឈើផ្ទុកក្នុងឡានមានរហូតដល់46 ស្ទ៊ែរ។ លោកនាយសង្កាត់បន្តថា ក្នុងលិខិតនោះមកគោលដៅសង្កាត់ អណ្តូងខ្មែ ក្រុងកំពត ប៉ុន្តែរថយន្តនោះ បែរជាដឹកទៅចំណុចព្រំដែនវៀតណាមជិតដល់មាត់ច្រកទ្វារតន់ហន់ ស្រុកកំពង់ត្រាច ទើបសមត្ថកិច្ចមានការសង្ស័យក៏ធ្វើការឃាត់ឆែកឆេរពិនិត្យរាប់ចំនួនមើល ទើបដឹងថា លើសចំនួន និងដឹកខុសគោលដៅ។តាមមន្ត្រីមេព្រៃបានឲ្យដឹងថា តាមការពិនិត្យជាក់ស្តែងឈើអុសទាំងនោះ សុទ្ធតែជាឈើប្រភេទលេខ១ មានដូចជា ផ្ចឹក សុក្រំ ហើយមានប្រែង១ម៉ែត្រ២តឹក និងមានមុខកាត់ធំៗ ដែលអាចកែច្នៃក្នុងសិប្បកម្មបាន។តាមមន្ត្រីដដែល បានឲ្យដឹងទៀតថា តាមការកំណត់របស់មេព្រៃតាមពិតឈើអុស ជាប្រភេទឈើដែល កាត់ពីមែកឈើ មានទំហំមិនពី២តឹក ប្រវែងត្រឹមតែ៨តឹកតែប៉ុណ្ណោះ។លោក ខាន់ សុផល មានប្រសាសន៍តាមទូស័ព្ទថា លោកបានឲ្យឃាត់ម្ចាស់ឈើ បញ្ជូនមកតុលាការ ដើម្បីចាត់ការបន្តតាមច្បាប់៕
