ខេត្តសៀមរាប៖ លោក លឿង ភ្លឺ ប្រធានសហគមនេសាទមាត់ខ្លា ត្រូវបានប្រជាពលរដ្ឋចោទ ថា បានឃុបឃឹត គ្នាជាមួយសង្កាត់រដ្ឋបាលជលផលមាត់ខ្លាអោយទូកកាណូតម៉ាស៊ីន ៣គ្រឿងជនជាតិវៀតណាមចូលអូសអួនក្នុងតំបន់អភិរក្សពូជត្រីផ្ទោលស្រោងជាថ្នូរនិងទឹកប្រាក់ (ប្រាំមួយលានរៀល)ក្នុងមួយយប់ តំបន់អភិរក្សពូជត្រីផ្ទោលស្រោងនេះស្ថិតនៅភូមិមាត់ខ្លា ឃុំអន្លង់សំណរ ស្រុកជីក្រែង ខេត្តសៀមរាប ។
សេចក្តីរាយការជាក់លាក់ដដែលបានបន្តថា នៅយប់ថ្ងៃទី២២ខែមិថុនាឆ្នាំ២០១៥ជាយប់ចូលអូសអួនតំបូងបានត្រីចំនួនជាងមួយតោនហើយត្រូវបានបែកការដល់ក្រុមបរិស្ថានតំបន់ប្រើប្រាស់ច្រើនយ៉ាងស្ទឹងជ្រៅ បានចុះមកបង្ក្រាបរឹបអូសបានទូកម៉ាស៊ីនចំនួន៣គ្រឿង អួនអូសត្រីជាច្រើនរយម៉ែត្រ ព្រមទាំងរឹបអូសបានត្រីចំនួនជាងមួយតោន ប៉ុន្តែមិនបានមួយចំអឹនកំពិសផងទូកកាណូត៣គ្រឿងនិងសាច់អួនរាប់រយ់ម៉ែត្រដែលជាឧបករណ៍នេសាទល្មើសច្បាប់ត្រូវបានលោក គួក ប្រធានបរិស្ថានស្នាក់ការបរិស្ថានតំបន់ប្រើប្រាស់ច្រើនយ៉ាង ស្ទឹងជ្រៅ ពិន័យ សាច់ប្រាក់យកពីឈ្មួញវៀតណាមចំនួន(បួនលានរៀល)ហើយដោះលែងទៅវិញដោយសុវត្តិភាព ។
ដោយណែកត្រីជាងមួយតោនប្រគល់ឲ្យវិញទេ គឺលោក គួក ដែលជាមេបរិស្ថានតំបន់ប្រើប្រាស់ច្រើនយ៉ាងស្ទឹងជ្រៅ យកទៅលក់អោយមេឈ្មួញទិញត្រី ឈ្មោះធន់ បានប្រាក់ជាង(ដប់លានរៀល)យកមកចែកចាយបក្សពួកគេយ៉ាងរំភើយ។សេចក្តីរាយការបានបញ្ជាក់បន្ថែមថា ក្រុមឈ្មួញដែលចូលអូសអួនក្នុងតំបន់អភិរក្សពូជត្រីផ្ទោលស្រោងមានឈ្មោះ ១កង ២ស្រូយ ៣ម៉ាម់ ៤យ៉ុង អ្នកទាំងបួននាក់នេះជាថៅកែអួននិងជាជនជាតិវៀតណាមចូលចិត្តប្រកបមុខរបបទល្មើសនេសាទឃុបឃិតជាមួយសមត្ថកិច្ចជំនាញជលផល។
ទាក់ទិនបទល្មើសនេសាទខាងលើនេះលោក លឿង ភ្លឺ ប្រធានសហគមនេសាទមាត់ខ្លាបានអោយដឹងតាមទូរសព្ទ័នាថ្ងៃទី២៤ខែមិថុនាឆ្នាំ២០១៥នេះថា លោកមិនបានដឹងនោះទេហើយក៍មិបានអនុញ្ញាតិអោយគេចូលអូសអួននិងយកលុយពីឈ្មួញនេសាទនោះទេ ព្រោះការលួចចូលអូសអួនច្រើនតែនៅពេលយប់ជ្រៅម្យ៉ាងទៀតរដូវនេះជារដូវភ្លៀងធ្លាក់កំលាំងរបស់លោកមិនបានចុះល្បាតអោយបានពេញលេញនោះឡើយ។ចំណែកថាក្រុមបរិស្ថានចុះចាប់យ៉ាងណានោះលោកមិនបានដឹងច្បាស់ដែរគ្រាន់តែឮគេថាប៉ុណ្ណោះ។
លោក គួកប្រធានទីស្នាក់ការបរិស្ថានតំបន់ប្រើប្រាស់ច្រើនយ៉ាងស្ទឹងជ្រៅ បានបញ្ជាក់តាមទូរសព្ទ័នាថ្ងៃទី២៤ខែមិថុនាឆ្នាំ២០១៥ថាកំលាំងរបស់លោកបានចុះចាប់បង្ក្រាបទូកម៉ាស៊ីន បីគ្រឿងដែលចូលអូសអួនក្នុងតំបន់អភិរក្សត្រីមេពូជផ្ទោលស្រោងនោះបានមែនហើយរឹបអូសយកបានសាច់មងជាច្រើនម៉ែត្រ ទូកម៉ាស៊ីកាណូតចំនួន៣គ្រឿងនិងត្រីចំនួន(ពីរយម្ភៃគីឡូ)ចំណែកអ្នកនេសាទរត់អស់។
លោកប្រធានទីស្នាក់ការដដែលបានបន្តថានាព្រឹកថ្ងៃទី២៤ខែមិថុនាឆ្នាំ២០១៥មានក្រុមគ្រួសារជនសង្សយ័បទល្មើសនេសាទបានមកសុំសំរួលហើយសមត្ថកិច្ចរបស់លោកបានធ្វើកំណត់ហេតុ ផាកពិនយ័ចំនួន(បួនលានរៀន)ដោះលែងអោយយកទូកម៉ាស៊ីន៣គ្រឿងនោះទៅវិញ ទុកតែសាច់មងនិងត្រីចំនួន(ពីរយម្ភៃគីឡូ)ហើយយកទៅលក់បានប្រាក់ចំនួន(មួយលានប៉ែតសឹបម៉ឺនរៀល)ប៉ុណ្ណោះ។
ចំណែកលោក យឹម ស៊ីវីន្ត នាយសង្កាត់រដ្ឋបាលជលផលមាត់ខ្លាមិនបានបំភ្លឺជុំវិញករណីបទល្មើសនេសាទខាងលើនោះទេដោយលោកឆ្លើយយ៉ាងខ្លីថារវល់ជាប់ប្រជុំលោក ស ម៉ាប់ អនុប្រធានផ្នែករដ្ឋបាលជលផលដំដែកបានអោយដឹងតាមទរសព្ទ័ថាលោកមិនបានដឹងនោះទេ ព្រោះរវល់ចុះការងានៅកំពុងឃ្លាំង ដូច្នេះបើចាប់បានបទល្មើសម្តេចមិនបញ្ជូនមកជុំនាញរដ្ឋបាលជលផល។
ឡែកលោក ពៅ ប៊ុនធឿន អភិបាលស្រុកជីក្រែងបានអោយដឹងតាមទូរសព្ទ័នាថ្ងៃទី២៤នេះថាករណីនេះលោកបានទទួលរបាយការហើយ ចំណែកអ្នកប្រព្រឹតបទល្មើសរត់បាត់ប៉ុន្តែក្រោយមក បានមកសារភាពថាមិនបានអោយលុយទៅអ្នកណាដើម្បីអូសអួនក្នុងតំបន់អភិរក្សនោះទេ គឺលួចចូលដោយខ្លួនឯង។លោកអភិបាលបានបន្តថាពាក់ពន័រឿងលោក លឿង ភ្លឺ ថាយកលុយគេ(ប្រាំមួយលានរៀល)ជាថ្នូរនិងការអនុញ្ញាតិអោយអូសអួនក្នុងតំបន់អភិរក្សពូជត្រីនោះសមត្ថកិច្ចរបស់លោកកំពុងបើការស្រាវជ្រាវ៕ ដោយ ខេង ឧត្តម
