អធិការ​ស្រុក​កំពង់ស្វាយ​ចាប់បាន​មុខសញ្ញា​ចោរប្លន់​២​នាក់​

​កំពង់ធំ​= ដោយសារ​មានការ​ចង្អុលបង្ហាញ​ពី លោក​ឧ​ត្ត​ម​សេនីយ៍​ត្រី ជូរ សំអាន ស្នងការ​នគរបាល​ខេត្តកំពង់ធំ អោយ​ចុះ​ប​ង្គ្រា​ប់​បទល្មើស ចោរលួច ចោរប្លន់ និង​អំពើ​ខុសច្បាប់ គឺ​ដើម្បី​រក្សា​សន្ដិសុខ សុ​វត្តិភាព​ជូន​ប្រជា​ពល​រដ្ន និង​បញ្ចា​ផ្ទាល់​ពី​លោ​កវី​រះ​សេនីយ៍​ត្រី កែ ខាន់​ណា​រ៉ា​ស្នងការរង​ខេត្តកំពង់ធំ ទទួលបន្ទុក​ផ្នែក​ព្រហ្ម​ទាន​អោយ លោក​ខេន ឈុន​គ័​រ អធិការ​ស្រុក​កំពង់ស្វាយ​ចុះ​ប្រតិបត្តិ​ការអនុវត្តន៍​ដីកាចាប់ខ្លួន មុខសញ្ញា​ចោរប្លន់ បាន ២​នាក់​បាន​ដោយ​ជោគជ័យ​។​
ក្នុង​ការចុះ​ចាប់​នេះ ចាប់បាន​មុខសញ្ញា​ចោរ ប្លន់ ទី​១ ឈ្មោះ ជួន ពៃ ភេទ​ប្រុស អាយុ ៣៥​ឆ្នាំ នៅ​ភូមិ​ជ័យ ឃុំ​សាន​គរ ស្រុក​កំពង់ស្វាយ ខេត្តកំពង់ធំ ពីបទ​អំពើ​ប្លន់​កាលពី​ថ្ងៃទី​២២ ខែ​កក្ដ​ដា ឆ្នាំ​២០០១ នៅ​ចំនុច ភូមិ​ប្រាសាទអណ្តែត ឃុំ​សាន​គរ​ស្រុក​កំពង់ស្វាយ ខេត្តកំពង់ធំ​។ ទី​២​ឈ្មោះ លន់ លីម ភេទ​ប្រុស អាយុ ៤៣​ឆ្នាំ នៅ​ភូមិ​សាន​គរ (​ខ​)​ឃុំ​សាន​គរ ស្រុក​កំពង់ស្វាយ ខេត្តកំពង់ធំ​ពី បទ ហិង្សា​ដោយ​ចេតនា មាន​អាវុធ កាលពី​ថ្ងៃទី​០៦ ខែ កុ​ម្ភះ ឆ្នាំ​២០១០​នៅ​ភូមិ​សាន​គរ (​ខ​) ឃុំ សាន​គរ ស្រុក កំពង់ស្វាយ​។​
​ក្រោយពី​ចាប់​ជនល្មើស​ទាំង​២​នាក់​រួច​ក៏​ប​ញ្ចូ​ន ទៅ​ស្នងការ​នគរបាល​ខេត្តកំពង់ធំ ដើម្បី​កសាង​សំនុំរឿង​បញ្ចូនទៅ​តុលាការ អនុវត្តន៍​តាមច្បាប់ ៕​ប៊ុន​រិទ្ធី