ខេត្តបន្ទាយមានជ័យ ៖ មន្ត្រីអាជ្ញាធរដែនដី កងកម្លាំង និងមន្ត្រីបោសសម្អាតមីន បាននិយាយស្រដៀងគ្នានៅថ្ងៃទី២៤មិថុនា ឆ្នាំ២០១៥ថា នៅតំបន់ព្រំដែនកម្ពុជាថៃនៅតាមភូមិសាស្ត្រស្រុកថ្មពួកនៅតែជាកន្លែងរងគ្រោះដោយសារគ្រាប់មីនមិនទាន់ផ្ទុះខ្ពស់ជាងគេក្នុងកំលុងឆ្នាំ
នេះ។គ្រោះថ្នាក់ដោយសារគ្រប់មីុនមិនទាន់ផ្ទុះបែបនេះធ្វើឲ្យប្រជាពលរដ្ឋនៅស្រុកថ្មពួកមានក្តីបារម្ភយ៉ាងខ្លាំងនៅពេលដែលប្រជាពលរដ្ឋនៅក្នុងស្រុកថ្មពួកនោះរងគ្រោះដោយសារគ្រប់មីុនជាបន្តបន្ទាប់។ហើយថ្មីៗនេះនៅស្រុកថ្មពួកនោះដែក៏មានបុរស់ម្នាក់ទៀតបានរងគ្រោះថ្នាក់ដោយសារមីនមិនទាន់ផ្ទុះកាលពីម៉ោងជិត ៦ល្ងាចថ្ងៃទី២០ ខែមិថុនា ឆ្នាំ២០១៥ នៅចំណុចវាលស្រែបឹងអំពិលជាអតីតសមរភូមិនិងជាចម្ការមីនដ៏ធំមួយរបស់កងទ័ពរបបក្រុងភ្នំពេញនិងកងទ័ពចលនាតស៊ូស្ថិតក្នុងភូមិបឹងតាស្រីឃុំគោករមៀតស្រុកថ្មពួកខេត្តបន្ទាយមានជ័យ។មន្ត្រីអាជ្ញាធរមីនកម្ពុជាបានដឹងថានៅឆ្នាំ១៩៩៦ មានមនុស្សរងគ្រោះដោយសារគ្រាប់មីនចំនួន៤៣.០០០ នាក់ នៅឆ្នាំ២០០៤ មានចំនួន ៨០០ នាក់ និងនៅឆ្នាំ២០១៣ ជនរងគ្រោះនៅសល់ ១១៦ នាក់។របាយការណ៍ ក៏បានបង្ហាញថា គ្រាប់មីន និងគ្រាប់មិនទាន់ផ្ទុះ ដែលនៅសេសសល់ នៅកម្ពុជា បានសម្លាប់ប្រជាពលរដ្ឋខ្មែរចំនួន ១៩.៦៩៣ នាក់ និងរងរបួសធ្ងន់ស្រាលចំនួន ៤៤.៦៨១ នាក់ ចាប់ពីឆ្នាំ១៩៧៩ មកដល់ខែមីនា ឆ្នាំ២០១៤។លោកមន្រ្តីសីុម៉ាក់បានធ្វើការអំពាវនាវដល់ប្រជាពលរដ្ឋដែលរស់នៅតាមតំបន់ជាយដែនពិសេសស្រុកថ្មពួកនេះតែម្តងដែលរស់នៅក្នុងតំបន់មានមីុនមេត្តាប្រុងប្រយត្ន័ឲ្យបានខ្ពស់មុននិងចេញទៅរកបន្លែនិងចាប់សត្វយកមកបរិភោគនៅក្នុងចំការមីុននោះ។លោកបានបន្តថាបើប្រជាពលរដ្ឋណាឃើញមានស្លាកសញ្ញាថាមានមីុននោះត្រូវប្រជាពលរដ្ឋទាំងអស់ហាមចូលជាដាច់ខាតជាសវាងគ្រោះថ្នាក់ដល់ជីវិតបន្តទៀត៕
