បន្ទាយមានជ័យ:យុវជនអាយុ15ឆ្នាំមា្នក់ជួញដូរគ្រឿងញៀនមួយថង់តូចត្រូវបានកំលាំងមូលដ្ឋានកងរាជអាវុធក្រុងប៉ោយប៉ែតធ្វើការឃាត់ខ្លួនបញ្ជូនទៅតុលាការនារសៀលថ្ងៃទី25មិថុនា2015។លោក អនុសេនីយ៍ ឯក ជា ដា មេបញ្ជាការមូលដ្ឋានកងរាអាវុធហត្ថក្រុងប៉ោយប៉ែតបានអោយដឹងថាយុវជនសង្ស័យមានឈ្មោះសេង លីចេង ប្រុស អាយុ 15ឆ្នាំ ត្រូវបានឃាត់ខ្លួនកាលពីយប់ថ្ងៃទី24 ខែ មិថុនា ឆ្នាំ 2015 នៅចំណុចតូបផ្សារអគ្គ ស្ថិតនៅភូមិ បាលិលេយ្យ សង្កាត់និងក្រុង ប៉ោយប៉ែត ខេត្តបន្ទាយមានជ័យ។ដោយ ដកហូតបានគ្រឿងញៀនប្រភេទមេតំហ្វេតាមីន ទឹកកក ចំនួន1ថង់កិប ទម្ងន់ 2,59ក្រាម ទូរស័ព្ទដៃចំនួន2គ្រឿង ខ្សែក លោហធាតុពណ៌លឿងចំនួន1ខ្សែនិង ខ្សែដៃ លោហធាតុពណ៌លឿងចំនួន1ខ្សែ ។
តាមការសាកសួររបស់សមត្ថកិច្ចជនសង្ស័យបានឆ្លើយសារភាពថា រូបគេបានរកស៊ីគ្រឿងញៀនជាមួយឈ្មោះជុំ លីម៉េង បានរយៈពេល3ខែមកហើយៗធ្លាប់ទិញគ្រឿងញៀន(ទឹកកក)បានចំនួនជាង30ដងពីឈ្មោះ លីម៉េង ក្នុង1ដងអស់ប្រាក់ 3000បាត(បីពាន់បាត) ហើយយកមកលក់បាន4000បាត។បច្ចុប្បន្នសមត្ថកិច្ច អ ហ កំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមនិតិវិធី។ចំនែក ឈ្មោះ ជុំ លីម៉េង សមត្ថកិច្ចកំពុងស្រាវជ្រាវឃាត់ខ្លួនបន្តទៀត៕
