កំពង់ឆ្នាំង៖គោញីផើម១ក្បាលត្រូវចន្តអគ្គីសនីឆ្លងពីបង្គោលដងគោមដែកមកដីនិងទឹកឆក់ងាប់ភ្លាមៗនៅកន្លែងកើតហេតុតែម្តង នៅពេលស្ត្រីជាម្ចាស់គោម្នាក់ កំពុងដឹកគោអោយស៊ីស្មៅនៅតាមចិញ្ចើមផ្លូវពេលមេឃរាំងភ្លៀង។ហេតុការណ៍នេះបានកើតឡើងនៅម៉ោង៦និ៣០
នាទីល្ងាចថ្ងៃទី២៥ ខែមិថុនា ឆ្នាំ២០១៥ នៅមុខសណ្ឋាគាររស្មីសុខានូយ៉ក ក្នុងភូមិស្រែព្រីង សង្កាត់កំ ពង់ឆ្នាំង ក្រុងកំពង់ឆ្នាំង។
សមត្ថកិច្ចនគរបាលមូលដ្ឋានបាននិយាយអោយដឹងថា៖ស្ត្រីជាគោមានឈ្មោះ ម៉ាស់ ដានី
អាយុ៥២ឆ្នាំ មានប្តីឈ្មោះ ស៊ុំ សារ៉ាត់ អាយុ៥៥ឆ្នាំ រស់នៅភូមិទួលក្រឡាញ់ សង្កាត់កំពង់ឆ្នាំង
ក្រុងកំពង់ឆ្នាំង ពួកគាត់ស៊ីឈ្នួលមើលគោ(ប្រវាស់គោ)អោយឈ្មោះ សែម ស៊ីណា អាយុ៦១
ឆ្នាំ រស់នៅភូមិកណ្ទាល សង្កាត់កំពង់ឆ្នាំង ហើយមេគោដែលងាប់នេះកំពុងផើម៨ខែផងដែរ។
ស្ត្រីជាម្ចាស់គោបាននិយាយនៅកន្លែងកើតហេតុអោយដឹងថា៖មុនពេលកើតហេតុ គាត់
បានដើរដឹកគោអោយស៊ីស្មៅនៅតាមចិញ្ចើមផ្លូវ នៅមុខសណ្ឋាគាររស្មីសុខានូយ៉កក្រោយពេលមេឃរាំងភ្លៀង លុះមកដល់ចំណុចកើតហេតុ ពេលគោដើរស៊ីស្មៅលើដីដែលមានទឹកដក់ជិតបង្គោលដងគោមដែកនោះ ក៏ស្រាប់តែគោគាត់បានឆក់ចន្តភ្លើងលើដីដែលមានទឹកដក់តិចៗដួលងាប់ភ្លាមៗ តែម្តង សំណាងល្អដែរដែលគាត់មិនឆក់ស្លាប់។
ក្រោយពេលកើតហេតុ មន្ត្រីតំណាងក្រុមហ៊ុនអគ្គីសនីខេត្តបានចុះមកត្រួតពិនិត្យចំណុច
កើតហេតុ និងបានបញ្ជាក់អោយដឹងថា ដងគោមដែកនោះពិតជាមានចរន្តភ្លើងឆ្លងពិតមែន អ្នកដែលដើរជើងទទេ ជាន់ដីនិងទឹកក្បែរនោះពិតជាអាចឆក់ស្លាប់ នៅក្នុងពេលនោះដែរលោក៏បានកាច់បិតឌីសង់ទ័រ ចរន្តភ្លើនៅលើដង្គោលដងគោមនោះចោល មិនមានចរន្តភ្លើងឆក់ទៀតទេ។មន្ត្រីអគ្គីសនីរូបនោះ បាននិយាយអោយដឹងថា៖ដងគោមអគ្គីសនីសាធារណៈនេះគ្រប់គ្រងដោយមន្ទីររ៉ែ និងឋាមពលខេត្ត ករណីនេះម្ចាស់គោនិងត្រូវធ្វើការដោះស្រាយជាមួយ ប្រធាន មន្ទីរ៉ែ និឋាមពលខេត្តនៅថ្ងៃស្អែក។
មេគោងាប់នោះត្រូវបានសមត្ថកិច្ចមូលដ្ឋានប្រគល់អោម្ចាស់ដឹកយកទៅលំនៅដ្ឋាន និង
បានប្រាប់ម្ចាស់គោ អោយចូលខ្លួនមកដោះស្រាយ ជាមួយតំណាងមន្ទីររ៉ែ និងឋាមពលខេត្ត នៅក្នុងអធិការដ្ឋាននគរបាលក្រុងកំពង់ឆ្នាំង នៅព្រឹកថ្ងៃទី២៦ ខែមិថុនា ឆ្នាំ២០១៥នេះ៕
