ខេត្តបន្ទាយមានជ័យ ៖ លោកគ្រូអ្នកគ្រូនិងសិស្សានុសិស្សប្រមាណជា៣០០នាក់ ធ្វើអំពើហឹង្សារដោយយកដុំថ្មគប់គ្រឿងចក្រ និងបំផ្លាញរបងការដ្ឋាន សាងសង់ផ្សារធំមានជ័យ ហើយកាន់បដាដើរសំដៅមកសាលាខេត្តដើម្បីស្នើរអោយ អភិបាលខេត្តជួយដោះស្រាយករណី ផ្សារ
ធំថ្មីមានជ័យរំលោបដីផ្លូវសាលាធ្វើកម្មសិទ្ធ។
ហេតុការណ៍នេះកើតឡើងកាលពីព្រឹកថ្ងៃទី ២៦មិថុនា ឆ្នាំ២០១៥ នៅចំនុចផ្លូវចូលវិទ្យាល័យសម្ថេចឪ ស្ថិតនៅភូមិ តារាងបាល់ សង្កាត់កំពង់ស្វាយ ក្រុងសិរី សោភ័ណ ខេត្តបន្ទាយមានជ័យ។គ្រូនិងសិស្សក្នុងចំណោមក្រុមបាតុករប្រាប់ថាពួកខ្លួនផ្ទុះកំហឹងនេះព្រោះតែក្រុមហ៊ុនផ្សារធំមានជ័យបានបុកគ្រឹះសាងសង់អាគាររបស់ខ្លួនរំលោភយកចំណីផ្លូវសាធារណ:របស់សាលាទៅប្រើប្រាស់ជាកម្មសិទ្ធឯកជនទៅវិញហើយអាចនិងឈានដល់ការរំខានដល់ការធ្វើដំណើរចេញចូលទៅបង្រៀន និងទៅរៀនរបស់គ្រូនិងសិស្សទៀតផង។គ្រូនិងសិស្សបន្តប្រាប់ថា សាលាបានដាក់ពាក្យស្នើរសុំបញ្ឈប់ទៅអាជ្ញាធរមូលដ្ឋានដើម្បីឲ្យក្រុមហ៊ុនផ្អាក
ការសាងសង់តែក្រុមហ៊ុននៅតែបន្តការសាងសង់ដោយមិនទទួលការស្នើរសុំនេះទើបនាំគ្នាស្នើរសុំអភិបាលខេត្តឲ្យជួយដោះស្រាយ។ ករណីនេះលោកឈើយ ចាន់ណា ប្រធានមន្ទីរអប់រំយុវជននិងកីឡាខេត្តបន្ទាយមានជ័យ លោក ឈឿង ក្រៃយុង ប្រធាននាយករដ្ឋបាលសាលាខេត្ត បានចេញមុខដោះស្រាយបញ្ហាភ្លាមៗ ហើយថ្លែងទៅកាន់ក្រុមបាតុករជាគ្រូនិងសិស្សថា: ខេត្តនិងបង្កើតគណ:កម្មការ ចុះសិក្សាលើរឿងនេះព្រមទាំងមានការប្រជុំរួម១ ដែលមានភាគីដើមបណ្ដឹង និងចុងចោទចូលរួម ដើម្បីបញ្ចប់ទំនាស់។នៅចុងបញ្ចប់លោកគ្រូនិងអ្នកគ្រូបាននិយាយថាបើម្ចាស់ផ្សារធំមានជ័យថ្មីនៅរកដំណោះជូនដល់សាលាឲ្យបានស្របទេនោះលោកគ្រូនិងអ្នកគ្រូលោកមិនចូលបង្រៀនសិស្សជាដាច់ខាត៕
