ខេត្ដបន្ទាយមានជ័យ ៖ បុរស់ចិត្តខ្លាំងម្នាក់មកពីស៊ីផឹកឡើងស្រវឹងមកដល់ផ្ទះមិនឃើញប្រពន្ធនៅផ្ទះក៏រត់ទៅទិញសាំងយកមកដុតផ្ទះខ្លួនឯងចោលលែង។ហេតុការណ៍ដុតផ្ទះខ្លួនឯងចោលនោះនៅវេលាម៉ោង១០និង៤០នាទីយប់ ថ្ងៃទី២៥ ខែមិថុនា ឆ្នាំ២០១៥ នៅភូមិ
ជ្រៃ ឃុំបឹងបេង ស្រុកម៉ាឡៃ ខេត្ដបន្ទាយមានជ័យ។លោកអធិការនគបាលស្រុកម៉ាឡៃបានឱ្យដឹងថាជនដែលបានដុតផ្ទះខ្លួនឯងចោលនេះ មានឈ្មោះ ចឿម ចិត្ដ អាយុ៣៣ឆ្នាំ មុខរបរធ្វើស្រែ រស់នៅភូមិ ឃុំកើត ហេតុខាងលើក្រោយពីកើតហេតុរួចបានរត់គេចខ្លួនចេញពីភូមិបាត់ហើយពេលនេះសមត្ថកិច្ចតាមចាប់ខ្លួនមកវិញបើទោះជាមិនបង្កឱ្យមានគ្រោះថ្នាក់ដល់មនុស្សតែបានធ្វើឱ្យផ្ទះប្រជាពលរដ្ឋជិតគ្នាឆេះអស់មួយចំនួនផងដែរ។បើតាមអ្នកភូមិបាននិយាយឱ្យដឹងថាជនដុតផ្ទះខ្លួនឯងចោលនេះជាមនុស្សចូលចិត្ដផឹកស្រារាល់ថ្ងៃបន្ទាប់ពីឡើងពីស្រែរហូតដល់យប់ជ្រៅ។ ជួនពេលខ្លះវាយធ្វើបាបប្រពន្ធថែមទៀតផង។ កន្លងទៅដោយសារតែប្រពន្ធធុញទ្រាន់ភាព
ដដែលៗពីប្តីចិត្ដយក្សនេះពេកបានរត់ទៅរកការងារធ្វើនៅក្នុងប្រទេសថៃនឹងនៅក្នុងរាជធានីភ្នំពេញផងដែរ។នៅយប់កើតហេតុនោះប្រពន្ធបានរត់ទៅផ្ទះម្ដាយព្រោះតែខឹងនឹងប្ដីទៅផឹកស៊ីយប់កណ្ដាលអធ្រាត្រមិនឃើញមកផ្ទះនឹងមិនមានការគិតគូក្នុងគ្រួសារហើយយប់នោះប្តីបានមកពីផឹកស៊ីទាំងកណ្តាល យប់ហើយពេលចូលទៅដល់ក្នុងផ្ទះមិនឃើញប្រពន្ធក៏ស្រែកឡូឡាបន្ទាប់មកប្តីចិត្តយក្សនោះបានប្រមូលខោអាវពីក្នុងទូរួចចាក់សាំងដុតឆេះឡើងសន្ធោសន្ធៅហើយជនរូបនេះក៏បានគេចចេញពីកន្លែងកើតហេតុតែម្ដង។មួយម៉ោងក្រោយមកផ្ទះដែលមានទំហំ៤គុណ៥ម៉ែត្រសង់អំពីឈើប្រក់សង្ក័សីទ្រព្យសម្បត្ដិនៅក្នុងផ្ទះឆេះខ្ទេចគេពុំដឹងទំហំនៃការខូចខាតអស់ប៉ុន្មាននោះទេ។មន្ដ្រីនគរបាលកន្លងទៅក៏បានអញ្ជើញបុរសជាប្ដីរូបនេះមកអប់រំនែនាំព្រមទាំងមានកិច្ចសន្យាឱ្យបញ្ឈប់ការប្រើអំពើហឹង្សាលើប្រពន្ធប៉ុន្ដែជនរូបនេះប្រដៅមិនឡើងប្រៀបបីដូចចាក់ទឹកលើក្បាលទា។ជនសង្ស័យនោះសមត្ថកិច្ចកំពុងតែកសាងសំនុំរឿងដែលដុតផ្ទះខ្លួនឯងនិងរាលដល់ផ្ទះដ៍ទៃទៅតុលាការដើម្បីដាក់ទោសទៅតាមច្បាប់៕
14
