ភ្នំពេញ៖ជនសង្ស័យ៥នាក់ត្រូវបានកម្លាំងសមត្ថកិច្ចនគរបាលមន្ទីរប្រឆាំងគ្រឿងក្រសួងមហាផ្ទៃធ្វើការឃាត់ខ្លួនបានកាលពីវេលាម៉ោង២១និង១០នាទី ថ្ងៃទី១៨ ខែមេសា ឆ្នាំ២០១៤ នៅចំណុចផ្ទះជួលស្ថិតក្នុងសង្កាត់បឹងសាឡាង ខណ្ឌទួលគោករាជធានីភ្នំពេញ ពាក់ព័ន្ធនិងការជួញដូរគ្រឿងញៀនខុសច្បាប់។ នាយករងមន្ទីរប្រឆាំងគ្រឿងញៀនក្រសួងមហាផ្ទៃលោកឧត្តមសេនីយ៏ត្រី វ៉ាន់ កុសលបានរៀបរាប់ឲ្យដឹងថា ដោយមានការបញ្ជានិងចង្អុលបង្ហាញផ្ទាល់ពីនាយកមន្ទីរប្រឆាំងគ្រឿងញៀនក្រសួងមហាផ្ទៃលោកឧត្តមសេនីយ៏ទោ ខៀវ សាម៉ន និងមានការសម្របសម្រួលពីព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញលោក តុប ឈុនឡេង ទើបកំលាំង
របស់មន្ទីរប្រឆាំងគ្រឿងញៀនធ្វើការចុះបង្ក្រាបករណីជួញដូរខុសច្បាប់នូវសារធាតុញៀននៅចំណុចផ្លូវ២៧១ស្ទួន ភូមិ១ ក្រុម១ សង្កាត់បឹងសាឡាង ខណ្ឌទួលគោករាជធានីភ្នំពេញដោយដំបូងឃាត់ខ្លួនបានជនសង្ស័យ៣នាក់ និងដកហូតបាន
វត្ថុតាងមួយចំនួន។ លោកឧត្តមសេនីយ៏ត្រី វ៉ាន់ កុសល បន្តថា ជនសង្ស័យ៣នាក់នោះមានឈ្មោះ សុន អ៊ុយ ហៅឆាយ ភេទប្រុស អាយុ៣៩ឆ្នាំ មានទីលំនៅផ្ទះលេខ១០E1 ផ្លូវលេខ១៦៨ សង្កាត់អូរឬស្សី១ ខណ្ឌ៧មករា។ទី២ឈ្មោះ គង់ វីរៈ ហៅជុង ភេទប្រុស អាយុ៥១ឆ្នាំ មានទីលំនៅផ្ទះជួល ផ្លូវលេខ៣៣៦ សង្កាត់បឹងសាឡាង ខណ្ឌទួលគោក។
និងជនសង្ស័យទី៣/ឈ្មោះ ជា ម៉េត ភេទប្រុស អាយុ៣៨ឆ្នាំ មានទីលំនៅសង្កាត់ព្រែកព្នៅ ខណ្ឌសែនសុខរាជធានីភ្នំពេញ។ ក្នុងនោះសមត្ថកិច្ចដកហូតវត្ថុតាងថ្នាំញៀនប្រភេទមេតំហ្វេតាមីន(ICE)ទម្ងន់៥៦២.៨៣ក្រាម និងថ្នាំញៀនប្រភេទមេតំហ្វេតាមីន(WY)ទម្ងន់៣៧៣.៥៤ក្រាម។ លោកឧត្តមសេនីយ៏ត្រីបន្តថា បន្ទាប់មកនៅវេលាម៉ោង២២និង៣០នាទីថ្ងៃដដែលកំលាំងមន្ទីរគ្រឿងញៀនបន្តទៅឃាត់ខ្លួនបក្ខពួកជនសង្ស័យខាងលើ២នាក់បន្ថែមទៀតនៅចំណុ ចភូមិចំពុះក្អែក ខណ្ឌមានជ័យ។
លោកបន្តថា ជនសង្ស័យទី១/ឈ្មោះ កែវ ប៉ាលី ហៅសារ៉ាយភេទប្រុស អាយុ៣៩ឆ្នាំ មានទីលំនៅភូមិចំពុះក្អែក សង្កាត់ព្រែកប្រា ខណ្ឌមានជ័យ និងឈ្មោះ មុំ សុខា ភេទប្រុស អាយុ៥០ឆ្នាំ មានទីលំនៅភូមិកំពង់ហ្លួង ស្រុកពញាឮ ខេត្តកណ្តាល។ក្នុងនោះដកហូតវត្ថុតាងម្សៅពណ៌ក្រហមសង្ស័យមានសារធាតុញៀន៤៥.១០ក្រាម នឹងសម្ភារៈប្រើប្រាស់គ្រឿងញៀន
មួយចំនួនផ្សេងទៀត ជាមួយគ្នានេះលោកឧត្តមសេនីយ៏ត្រី វ៉ាន់ កុសល ក៏បានបញ្ជាក់ឲ្យដឹងពីការប្រតិបតិ្តការឈានដល់ការឃាត់ខ្លួនជនសង្ស័យ និងដកហូតវត្ថុតាងគ្រឿងញៀនថា មុនដំបូងអាជ្ញាធរដែនដីបានមកទំនាក់ទំនងរាយការណ៏មុនថ្ងៃចូលឆ្នាំ១ថ្ងៃ ហើយពេលនោះយើងក៏ប្រើប្រាស់តាមជំនាញដោយយើងថាធ្វើពិធីការដោះដូរដោយណាត់ជួបគ្នានៅច្បារអំពៅហើយក្រោយមកក៏ណាត់ជួបគ្នាគោលដៅផ្សេងទៀតគឺនៅបឹងសាឡាង។
លោកថា ដោយមានការណាត់ជួបដោះដូរតាមជំនាញរបស់សមត្ថកិ្ចរហូតឈានដល់ឃាត់ខ្លួនជនសង្ស័យបាន ហើយទម្រាំមុខសញ្ញាពិតប្រាកដចេញមកនោះគឺពិបាកណាស់ ទើបនៅវេលាម៉ោងជាង៨យប់ទើបសមត្ថកិច្ចយើងឃាត់ខ្លួននិងទៅឆែកឆេរនៅផ្ទះជួលនៅសង្កាត់បឹងសាឡាងរកឃើញវត្ថុតាង។ គួរបញ្ជាក់ឲ្យដឹងដែរថា ជនសង្ស័យរួមនឹងវត្ថុតាងកំពុងរក្សាទុកនិងកសាងសុំណំរឿងបញ្ជូនទៅកាន់សាលាដំបូងរាជធានីភ្នំពេញផ្តន្ទាទោសតាមច្បាប់៕ 
