ខេត្តបន្ទាយមានជ័យ
យោងតាមពាក្យបណ្ដឹងចុះថ្ងៃទី២៧ខែ មិថុនា ឆ្នាំ២០១៥របស់ឈ្មោះ ម៉ារ៉ូ ភេទ ប្រុសអាយុ ២៥ឆ្នាំរស់នៅ រាជធានីភ្នំពេញ បានប្ដឹងទៅលើឈ្មោះ កិល កុយ ភេទ ប្រុស អាយុ៣៦ឆ្នាំ ដែលមានទីលំនៅ ភូមិ ត្រពាំងប្រលឹត ឃុំ សន្តិភាព ស្រុកសំពៅលូន ខេត្តបាត់ដំបង។អំពីករណីចូលលួចទូរស័ព្ទiphone៦នៅក្នុងផ្ទះកើតឡើងនៅថ្ងៃទី២៥ ខែ មិថុនា ឆ្នាំ ២០១៥ក្នុងពេលដែលឈ្មោះ ម៉ក់ ចិន្ដា ភេទ ស្រី អាយុ២៦ឆ្នាំ បានចាកចេញពីខេត្តសៀមរាបមកលេងផ្ទះម្ដាយបង្កើតនៅភូមិ៤សង្កាត់ ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។ នៅវេលាម៉ោង៣ល្ងាចថ្ងៃដដែលនេះ ម៉ក់ ចិន្ដា បានយកទូរស័ព្ទដៃម៉ាក iphone 6 ដាក់លើទូទឹកកកសាកថ្ម 
ហើយចូលទៅសំរាកក្នុងបន្ទប់បាត់ពេលភ្ញាក់ពីដំណេកស្រាប់តែបាត់ទូរស័ព្ទដៃនោះតែម្តង។ពេលនោះឈ្មោះ ម៉ក់ ចិន្ដា បានទូរស័ព្ទប្រាប់ប្ដី ឈ្មោះម៉ារ៉ូ នៅភ្នំពេញឲ្យធ្វើការស្រាវជ្រាវតាមរយៈប្រព័ន្ធ G.P.S បានរកឃើញទីតាំងរបស់ជនសង្ស័យកំពុងស្នាក់នៅស្ថិតក្នុងភូមិ២ សង្កាត់កំពុងស្វាយក្រុង សិរីសោភ័ណ ខេត្តបន្ទាយមានជ័យ ។ ទើបនថ្ងៃទី២៧ខែមិថុនា ឆ្នាំ២០១៥នេះ ម៉ារ៉ូបានប្ដឹងសមត្ថកិច្ចកងរាជអាវុធហត្ថខេត្តបន្ទាយមានជ័យដើម្បីអន្តរាគមន៍។ពេលនោះកំលាំងអាវុធហត្ថចំនួន៤នាក់ដឹកនាំដោយលោកអនុសេនីយ៍ឯកគុណណាវ នាយការិយាល័យ ស្រាវជ្រាវបទល្មើសព្រហ្មទណ្ឌ បានចុះប្រតិបត្តការណ៍ឃាត់ខ្លួនជនសង្ស័យបាន១នាក់ឈ្មោះ កិល កុយ ភេទប្រុស អាយុ ៣៦ឆ្នាំព្រមទាំងទូរស័ព្ទដៃ i phone 6 ជាភស្ដុតាងជាប់នឹងខ្លួនផង។
ក្រោយពីឃាត់ខ្លួនជនសង្ស័យឈ្មោះ កិលកុយបានសារភាពថានៅថ្ងៃទី២៥ខែមិថុនាឆ្នាំ២០១៥នោះរូបគេបានលូចយកទូរស័ព្ទដៃម៉ក iphone 6 ដែលម្ចាស់គេដាក់សាកថ្មលើទូទឹកកកពិតប្រាកដមែន។បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតមនិតិវិធី។ ចំនែកទូរស័ព្ទសមត្ថកិច្ចបានប្រគល់ទៅអោយម្ចាស់ដើមវិញ៕
