ស្ទឹងត្រែង៖ក្រោយពីយប់ថ្ងៃទី២៨មានរថយន្តមួយគ្រឿងបុកមនុស្សស្លាប់៣នាក់នៅម៉ោង១និង១៥នាទីរសៀលថ្ងៃ ទី២៩មិថុនានេះ មានរថយន្តដឹកអ្នកដំណើរចំនួន២គ្រឿងបានពន្លះគ្នានៅចំនុចផ្លូវបំបែកគីឡូបួន ផ្លូវទៅកាន់ស្ពានមេគង្គ ស្ថិតក្នុងភូមិរាជានុកូល សង្កាត់ ក្រុងស្ទឹងត្រែ បណ្តាលអោយមនុស្ស ស្រីម្នាក់បានស្លាប់ និងជាច្រើននាក់ទៀតរងរបួសធ្ងន់និងស្រាល។
ប្រភពពីកន្លែងកើតហេតុបានអោយដឹងថានៅក្នុងហេតុការគ្រោះថ្នាក់ចរាចរណ៍នេះ បានបង្កអោយមានមនុស្សស្រីម្នាក់បានស្លាប់ៗនៅនិងកន្លែង ហើយជាច្រើនអ្នកផ្សេងទៀត បានរងរបួសធ្ងន់ហើយនិងស្រាល។ត្រូវបានរថយន្តសង្គ្រោះរបស់ស្នងការខេត្ត ដឹកជនរងគ្រោះយកទៅសង្គ្រោះបន្ទាន់នៅមន្ទីរពេទ្យបង្អែកខេត្តុ។
សមត្ថកិច្ចបានបន្តអោយដឹងទៀតថារថយន្តបុកគ្នាទាំង២គ្រឿងមួយគ្រឿងម៉ាកសាំយ៉ុងពណិ៍សំបកឪឡឹក គ្មានស្លាកលេខដឹកអ្នកដំណើរពីខេត្តរតនៈគីរី ទៅកាន់ខេត្តសៀមរាប និងរថយន្តមួយគ្រឿងទៀតម៉ាកហ្វ័តតាន់ ពណិ៍ទឹកប្រាក់ ពាក់ស្លាកលេខភ្នំពេញ 2W 7961ដឹកអ្នកដំណើរ រតនៈគីរី ភ្នំពេញ ក្រុងព្រះស៊ីហនុ សៀមរាប ។
សមត្ថកិច្ចបន្តថារថយន្តទាំង២គ្រឿងបានដឹកអ្នកដំណើរចេញពីកន្លែងផ្សេងគ្នាឆ្ពោះទៅកាន់គោលដៅរាងខ្លួន តែចៃដន្យមកដល់ចំនុចផ្លូវបំបែកខាងលើ បានជួបគ្រោះថ្នាក់ចរាចរណ៍បណ្តាលអោយមនុស្សស្រីម្នាក់ឈ្មោះអ៊ន ស្រុនអាយុ៣៣ឆ្នាំរស់នៅខេត្តព្រៃវែងជាប្រពន្ធតៃកុងឡានសាំយ៉ុងបានស្លាប់និងប្រុសស្រីចំនួន១២នាក់រងបួសធ្ងន់ស្រាលក្នុងនោះ៨ធ្ងន់និងស្រាល៤នាក់ស្រីចំនួន៣នាក់។ចំណែករថយន្តម៉ាកសាំយ៉ុងខូចខាតផ្នែកខាងមុខនិងខាងឆ្វេយ៉ាងដំណំ រីឯរថយន្តហ្វ័តតាន់ខូចខាតផ្នែកខាងមុខទាំងស្រុង។
ក្រោយកើតហេតុជនរងគ្រោះត្រូវបានរថយន្តសង្ក្រោះបន្ទាន់របស់ស្នងការដ្ឋាននគរបាលខេត្តបានដឹកជនរងគ្រោះយកទៅសង្គ្រោះបន្ទាន់នៅមន្ទីរពេទ្យបង្អែកខេត្ត។ចំណែករថយន្តទាំង២គ្រឿងត្រូវបានការិយាល័យចរាចរណ៍ផ្លូវគោកបានចុះមកធ្វើការវាស់វែង នាំយករថយន្តទាំង២គ្រឿង ទៅរក្សាទុកនៅស្នងការដ្ឋានខេត្ត ដើម្បីអោយភាគីទាំងសងខាងចូលទៅដោះស្រាយគ្នាតាមផ្លូវច្បាប់៕
