កំពង់ឆ្នាំង៖ដើម្បីសម្រួលចរាចរណ៍អោយត្រីចូលពងកូនក្នុងព្រៃរនាមធម្មជាតិក្នុងរដូវបិតនេសាទនេះ សមត្ថកិច្ចចំរុះខេត្ត ដឹកនាំដោយលោកនាយខណ្ឌ័រដ្ឋបាលជលផលកំពង់ឆ្នាំង នៅព្រឹកថ្ងៃទី២៩ ខែមិថុនា ឆ្នាំ២០១៥នេះ បានសហការគ្នាចុះបង្ក្រាបបទល្មើសនេសាទ នៅចំណុចព្រែកឆ្តោរ បឹងកផ្សោត និងបឹងរាំងឡេក ក្នុងឃុំកំពង់អូស ស្រុកជលគីរី ដោយបានរើរុះបំផ្លាញចោលរបាំងបិតភ្ជិតព្រែកចាប់ត្រី៧កន្លែង របាំងសាច់អួនក្រហម និងព្រួលក្រឡាញឹកចាប់ត្រី ១១៦ម៉ែត្រ។ លោក សោម ភិរុណ នាយខណ្ឌ័រដ្ឋបាលជលផលកំពង់ឆ្នាំង ជាអ្នកដឹកនាំសមត្ថកិច្ចចំរុះខេត្តបាននិយាយអោយដឹងថា៖ សមត្ថកិច្ចចំរុះសហការគ្នាក្នុងកិច្ចបង្ក្រាបបទល្មើសនេសាទក្នុងរដូវត្រីពងកូន និងរដូវបិតការនសាទក្នុងថ្ងៃនេះរួមមាន៖មន្ត្រីសង្កាត់នេសាទពាមឆ្កោក សហគមន៍នេសាទ មន្ត្រីនគរបាលស្រុក យោធាស្រុក អាវុធហត្ថស្រុក សរុបចំនួន១៧នាក់ ប្រើប្រាស់កាណូតបាឡាចំនួន៣គ្រឿង បានចុះបង្ក្រាបបទល្មើសនេសាទនៅចំណុចខាងលើ។
លទ្ធផលបង្ក្រាបគឺ រើរុះកាប់បំផ្លាញចោលរបាំងបិតភ្ជិតព្រែកចំនួន៧កន្លែង រុះរើរបាំងសាច់អួនក្រហមក្រឡាញឹកចំនួន១៨កន្លែង ស្មើនិង៣៦ម៉ែត្រ និងព្រួលត្រែងក្រឡាញឹក៣កន្លែង ស្មើនិង ១១៦ម៉ែត្រ។ជនល្មើសដែលប្រព្រឹត្តបទល្មើសនេសាទខាងលើនេះ គឺជាប្រជានេសាទមកពីស្រុកជីក្រែង ខេត្តសៀមរាប និងមួយចំនួនទៀមមកពី ស្រុកកោះធំ ខេត្តកណ្តាល។ ដោយមានការយោគយល់ពីសមត្ថកិច្ច ប្រជានសាទជាអ្នកដាក់របាំងសាច់អួនក្រហម និងដាក់របាំងេព្រួល
ត្រែងមួយចំនួន បានស្ម័គ្រចិត្តរុះរើឧបរណ៍នេសាទល្មើសច្បាប់ដោយខ្លួនឯង តែមិនអនុញ្ញាតអោ
យដាក់ទៀតទេ បើសមត្ថកិច្ចបានជួបលើកក្រោយនិងកាប់បំផ្លាញចោលមិនអនុគ្រោះឡើយ។
លោក សោមភិរុណ បានអោយដឹងទៀតថា៖ច្បាប់ស្តីពីជលផល ក្នុងរដួវបិតនេសាទអនុ
ញ្ញាតអោយដាក់របាំងចាប់ត្រីទំហំក្រឡា៤ហ៊ុនឡើង និងប្រវែង១ភាគ៣នៃទទឹងមាត់ព្រែកតែប៉ុណ្ណោះចំណែកតាមដែននេសាទវិញអនុញ្ញាតអោយដាក់ព្រួលចាប់ត្រីមិនលើសពី១០ម៉ែត្រឡើយ និងក្រឡាព្រួល ឬសាច់អួនគឺមិនតូចជាងក្រឡា៤ហ៊ុននោះឡើយ។
លោកបានបន្តអោយដឹងថា៖ការចុះបង្ក្រាបបទល្មើសនេសាទដូចខាងលើនេះ និងបន្តធ្វើជារៀងរាល់ថ្ងៃនៅគ្រប់ទីកន្លែងក្នុងដែននេសាទទាំងអស់នៅក្នុងខេត្ត។ព្រោះថា ការដាក់របាំព្រួលរាំស្ទះបិតព្រែកដូចខាងលើនេះ ត្រីមិនអាចធ្វើចរាចរណ៍ចូលពងកូនក្នុងព្រៃរនាមបានឡើយ ហើយការដាក់ព្រួល និងសាច់អួនក្រឡាញឹកក្រោមក្រឡា៤ហ៊ុន ក៍ខុច្បាប់នេសាទដែរ។សមត្ថកិច្ចសំណូ មពរផងដែរដល់ប្រជានេសាទទាំងអស់កុំប្រើឧបករណ៍នេសាទខុច្បាប់ ដែលប្រឈមនិងការបង្ក្រាបកាប់បំផ្លាញចោលរបស់សមត្ថកិច្ចធ្វើអោយខាតបង់ថវិកាក្នុងគ្រួសារ និងអាចប្រឈមនិងការចាប់ខ្លួនបញ្ជូនទៅតុលាការផ្តន្ទាទោសតាមបញ្ញត្តិច្បាប់ទៀតផង៕
