ខេត្តបន្ទាយមានជ័យ
នៅសាលប្រជុំសាលខេត្តបន្ទាយមានជ័យនៅព្រឹកថ្ងៃទី៣០ខែមិថុនាឆ្នាំ២០១៥បានរៀបចំបើកកិច្ចប្រជុំសាមញ្ញលើកទី១៣អាណត្តិទី២របស់ក្រុមប្រឹក្សាខេត្តស្តីពីការអនុវត្តការងាររបស់រដ្ឋបាលខេត្តប្រចាំខែមិថុនាឆ្នាំ២០១៥។ពិធីនេះមានការចូលរួម លោកអ៊ុងអឿន ប្រធានក្រុមប្រឹក្សាខេត្ត សមា ជិកក្រុមប្រឹក្សាខេត្ត និងមន្ត្រីអ្នកមុខអ្នកការជាច្រើននាក់ទៀត។ក្នុងកិច្ចប្រជុំរបស់ក្រុម ប្រឹក្សានោះលោកអ៊ុងអឿនបានលើកយក៤ចំណុចមកពិភាគ្សា។មួយគឺការងារសន្តិសុខសង្គមការងារសន្តិសុខនៅតាមភូមិឃុំសុវត្តិភាពដូចជា ចោរលួចចោរប្លន់ ក្មេងទំនើងនៅក្នុងភូមិ ក្មេងជក់គ្រឿងញៀន ពិសេសល្បែងសីុសងក្នុងភូមិត្រូវបង្ក្រាប ២ការងារពង្រឹង
សណ្តាប់ធ្នាប់ដោយមន្ទីរសាធារណះការនិងដឹកជញ្ជូននិងនគបានចរាចរណ៍ត្រូវខិតខំធ្វើការផ្សព្វផ្សាយច្បាប់ចរាចរណ៍ដល់ប្រជាពលរដ្ឋដើម្បីកាត់បន្ថយគ្រោះថ្នាក់ចរាចរណ៍ដែលតែងតែកើតមានឡើងជាញឹកញាប់ដល់ប្រជាពលរដ្ឋ។៣មន្ត្រីទាំងអស់ត្រូវត្រៀមជួយសង្គ្រោះបន្ទាន់ដល់ប្រជាពលរដ្ឋអំពីការប្រែប្រួលអាកាសធាតុពេលមានគ្រោះថ្នាក់មហន្តរាយកើតឡើងដែលយើងមើលមិនឃើញដូចជា គ្រោះរាំងស្ងួត គ្រោះទឹកជំនន់ គ្រោះអគ្គីសភ័យ និងគ្រោះខ្យល់កន្ត្រាក់ជាដើម។៤វិស័យសាសនាតែងតែទទួលព៌ត័មានជាបន្តបន្ទាប់គឺតែងតែមានអធិករណ៍រវាងគណះកម្មការអាចារ្យវត្ត ជាមួយព្រះសង្ឈ អធិករណ៍ទាំងអស់ពេលដែលធ្វើការស្រាវជ្រាវគឺ
ឃើញថាផ្តើមចេញពីការទំនាសក្នុងការគ្រប់គ្រងប្រើប្រាស់ថវិការនិងទ្រព្យសម្បត្តិរបស់វត្ត និងការរំលោភបំពានការប្រើប្រាស់ដីធ្លីជាដើម។លោកបានបន្តទៀតថាដើម្បីពង្រឹងវិស័យសាសនាឲ្យបានប្រសើរនោះនៅពេលដែលអនុសំវចនមហាសន្និបាតមន្ត្រីសង្ឈខេត្តកន្លងមកនោះ ព្រះមេគុណទាំង២គណះបានឯកភាពគ្នាជម្រុញឲ្យវត្តត្រូវតែមានបញ្ជីការគណនេយ្យក្នុងការគ្រប់គ្រងថវិការនៅមន្ទីរធម្មការនិងសាសនាត្រូវអនុវត្តការងារនេះបន្ថែមដើម្បីឲ្យវត្តអារាមកាន់តែមានតម្លាភាព គណនេយ្យភាពនិងសុច្ចរិតជាមួយនិងព្រះពុទ្ធបរិស័ទដែលបានធ្វើការលះបង់ទ្រព្យសម្បត្តិធនធានក្នុងព្រះពុទ្ធសាសនា។លោកអ៊ុងអឿនបានផ្តាំផ្ញើដល់សមាជិកក្រុមប្រឹក្សាខេត្តទាំងអស់ក្រោយពីបានចូលរួមស្តាប់កិច្ចប្រជុំរួចមកត្រូវយកទៅផ្សជ្វផ្សាយដល់មន្ត្រីក្នុងសាលាខេត្តឲ្យបានជ្រួតជ្រាប៕
