ខេត្តបន្ទាយមានជ័យ៖យុវជនម្នាក់ត្រូវបានប៉ូលិសក្រុងសិរឹសោភ័ណធ្វើការឃាត់ខ្លួនបានភ្លាមៗបន្ទាប់ពីយកដែកឆាបចាក់ទៅយុវជនម្នាក់ទៀតដែលផឹកស៊ីជាមួយគ្នានៅក្នងសង្កាត់ព្រះពន្លាក្រុងសិរីសោភ័ណជាមួយគ្នាដែលបណ្តាលអោយរបួសធ្ងន់កាលពីយប់ម៉ោង10ថ្ងៃទឹ
29មិថុនា2015។លោក ស៊ី សុជាតិ អធិការនគរបាលក្រុងសិរីសោភ័ណបានអោយដឹងថាមូលហេតុដែលនាំអោយមានអំពើហឹង្សាចាក់គ្នាកើតទ្បើងនេះគឺដំបូងទ្បើយទាំងជនរងគ្រោះនិងជនសង្ស័យនិងអ្នករត់ម៉ូតូឌុបដទៃទៀកផឹកស៊ីនៅក្នុងបរិវេណបេនទ្បានចាស់ខេត្តបន្ទាយមានជ័យ។លុះពេលផឹកសីុបានបន្តិចជនសង្ស័យ ឈ្មោះសារាយ សាំង ភេទ ប្រុសអាយុ29ឆ្នាំបានរើសបានកូនសោម៉ូតូរបស់ឈ្មោះម៉ាប់ដែលបានបាត់តែជនសង្ស័យមិនព្រមអោយទោះបីជាម្ចាស់សោអោយលុយ1ម៉ឺនរៀលក៍មិនអោយដោយនិយាយថាខ្លួនគេជាអ្នករើសបានគេចង់ក្រវែងចោលក៍បាននិយាយរួចជនសង្ស័យបំរុងបើកម៉ូតូចេញក៍ជនរងគ្រោះឈ្មោះគង់ ធាហៅធូដែលមិនមែនជាម្ចាស់សោរម៉ូតូបានទៅកាក់មិនអោយបើកម៉ូតូចេញក៍ប្រតាយប្រតប់គ្នាដណ្តើមសោរម៉ូតូធ្វើអោយឈ្មោះសារាយ សាំងយកដែកឆាបចាក់លើឈ្មោះគង់ ធាចំពោះខាងឆ្វេងរបួសធ្ងន់បញ្ជូនបន្ទាន់ទៅសង្គ្រោះនៅមន្ទីរពេទ្យមង្គលបូរី។
ក្រោយកើតហេតុភ្លាមៗដោយមានការសម្របសម្រួលពីលោក ផាន់ ភិរម្យ ព្រះរាជអាជ្ញារងសាលាដំបូងខេត្តក៍បានឃាត់ខ្លួនជនសង្ស័យបញជូនមកអធិការក្រុង។
លោកបានបន្តអោយដឹងទៀតថាបច្ចុប្បន្នជនសង្ស័យនិងវត្ថុតាងនិងបញ្ជូនទៅស្នងការខេត្តដើម្បីចាត់ការបន្តទៅតុលាការបន្ទាប់ពីកសាងសំណុំរឿងរួច៕
