ខេត្តប៉ៃលិន៖ គេសង្កេតឃើញថា ក្នុងរយៈពេលប៉ុន្មានខែចុងក្រោយនេះ ស្នងការខេត្តប៉ៃលិន ក្រោមការដឹកនាំ នឹងបញ្ជារផ្ទាល់របស់លោក ជា ចាន់ឌិន ស្នងការនគរបាលខេត្ត បាននិងជំរុញឲ្យមន្ត្រីក្រោមឪវាទអនុវត្តន៏នូវគោលនយោបាយភូមិ ឃុំមានសុវត្តិភាពទាំង០៩ ចំណុច
របស់រាជរដ្ឋភិបាលកម្ពុជា , ក្នុងនោះបញ្ហាគ្រឿងញៀន ក៏កំពុងតែបង្ក្រាបបាន ជាបន្តបន្ទាប់ រយៈពេលពីរទៅបីថ្ងៃនេះដែរ ។ ជាក់ស្តែង កាលពីវេលាម៉ោង១១ និង០០នាទី ព្រឹក ថ្ងៃទី៣០ ខែមិថុនា ឆ្នាំ២០១៥ លោក ជា ចាន់ឌិន ស្នងការនគរបាលខេត្តប៉ៃលិន បានចាត់អោយលោក ស៊ិន សុភាលក្ម្សី និងលោក អ៊ុយ សារ៉េត ស្នងការរងខេត្ត ដឹកនាំកម្លាំងការិយាល័យគ្រឿងញៀន និង កម្លាំងអន្តរាគមន៍ ធ្វើការចុះបង្ក្រាបនឹងចាប់បានជនសង្ស័យប្រើប្រាស់ និងជួញដូរគ្រឿងញៀន ចំនួន ០៤នាក់ នៅចំណុចសំបុកចាប ស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ជនសង្ស័យដែលសមត្ថកិច្ចឃាត់ខ្លូនទីមួយ ឈ្មោះ សុខ ចិន្តា ភេទស្រី អាយុ ២៩ឆ្នាំ មុខរបរនៅផ្ទះ(ផ្តល់កន្លែងឲ្យប្រើប្រាស់គ្រឿងញៀន) ,ទីពីរ ឈ្មោះ ហន ហ៊ុម ភេទប្រុស អាយុ ៣៤ឆ្នាំ ជាកម្មករ (អ្នកប្រើប្រាស់គ្រឿងញៀន) , ទីបី ឈ្មោះ ងាម ចាន់ថុល ភេទប្រុស អាយុ ២៣ឆ្នាំ ជាអ្នករត់ម៉ូតូឌុប (អ្នកប្រើប្រាស់គ្រឿងញៀន) , និងទីបួន ឈ្មោះ តិន ចាន់ធិ ភេទប្រុស អាយុ ១៨ឆ្នាំ មុខរបរលាងឡាន (អ្នកប្រើប្រាស់គ្រឿងញៀន) ទាំងអស់គ្នាមានទីលំនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានពីសមត្ថកិច្ចស្នងការខេត្ត បានឲ្យដឹងថា៖ ក្នុងការចុះបង្ក្រាបអ្នកប្រើប្រាសគ្រឿងញៀនខាងលើ គឺអនុវត្តន៏ដូចជាការទាក់លលក មានន័យថា យើងចាប់បានជនសង្ស័យម្នាក់ សួរឲ្យឆ្លើយ រួចឲ្យនាំទៅរកទីតាំង ពេលនោះយើងក៏ចាប់បានជនសង្ស័យខាងលើ ជាបន្តបន្ទាប់ ។ ប្រភពបន្តថា៖ ទាំងនេះដោយមានការសហការគ្នាបានល្អ ជាមួយប្រជាពលរដ្ឋ ផងដែរ ។ បច្ចុប្បន្នជនសង្ស័យខាងលើ ត្រូវបានកម្លាំងជំនាញកសាងសំណុំរឿងបញ្ចូន ទៅតុលាការ ដើម្បីចាត់ការតាមនីតិវិធិច្បាប់ ៕ 
