កំពង់ចាម៖សង្ស័យជនរងគ្រោះត្រូវគេសម្លាប់ នៅកន្លែងផ្សេងហើយដឹកតាមរថយន្តយកមកទម្លាក់ចោលហេតុការណ៍ភ្ញាក់ផ្អើលនេះបានកើតឡើង នៅវេលាម៉ោង6 និង30 នាទីព្រឹក
ថ្ងៃទី30 មិថុនា ឆ្នាំ2015 ស្ថិតនៅចំណុចក្នុងព្រៃរនាម ខាងលិចស្ពានមាត់ឃ្មង់
ចំងាយ 800 ម៉ែត្រក្នុងភូមិសាស្ត្រ ភូមិទួលវិហ៊ា ឃុំជីរោ ទី2 ស្រុកត្បូងឃ្មុំ
ខេត្តត្បូងឃ្មុំ។លោកវរសេនីយ៍ត្រី ឡុង សារិន អធិការរងស្រុកត្បូងឃ្មុំបានប្រាប់ថា នៅព្រឹក
កើតហេតុសាកសពជនរង គ្រោះត្រូវបានប្រជាពលរដ្ឋដើររកជីកត្រពាំងឫស្សី
បានប្រទះឃើញនៅក្នុងព្រៃរនាមចំណុចកើតហេតុហើយបានប្តឹង ដល់សមត្ថកិច្ច
បន្ទាប់ពីទទួលព័ត៌មាននេះកម្លាំងសមត្ថកិច្ចជំនាញអធិការដ្ឋាន ស្រុកបានសហការ
ជាមួយសមត្ថកិច្ចមូលដ្ឋាន ចុះពិនិត្យសាកសពមិនស្គាល់អត្តសញ្ញាណមានអាយុ
ប្រហែល40 ឆ្នាំបានរងរបួសជាច្រើនកន្លែងនៅផ្នែកក្បាលនិងមានដានស្នាម
កង់រថយន្ត តូចលើចិញ្ចើមផ្លូវពាក់ព័ន្ធនឹងផ្លូវចូលទៅកាន់ទីកន្លែងសាកសពហើយ
បន្ទាប់ពីពិនិត្យរួចសាកសពជនត្រូវ សមត្ថកិច្ចជំនាញសន្និដ្ឋានថាជនរងគ្រោះ
ត្រូវគេសម្លាប់នៅកន្លែងផ្សេង ហើយដឹកតាមរថយន្តយកមកទម្លាក់ចោលនៅ
កន្លែងកើតហេតុ។បច្ចុប្បន្នកម្លាំងសមត្ថកិច្ចកំពង់ស្រាវជ្រាវស៊ើបអង្កេតដើម្បីវែកមុខនិងចាប់
ជនដៃដល់ដែលជាឃាតករ យកមកផ្តន្ទាទោស តាមផ្លូវច្បាប់៕
