ស្ទឹងត្រែង៖ អភិបាលខេត្តស្ទឹងត្រែង ចុះពិនិត្យនិងជំរុញឲ្យកងវិស្វកម្មស្ថាបនាលូរប្រអប់ចំនួន២១និងស្ពានចំនួន២កន្លែងតាមបណ្តោយផ្លូវ អភិវឌ្ឍន៏ព្រំដែនកម្ពុជាឡាវឲ្យហើយតាមផែនការនិងមានគុណភាពធានាដល់ការប្រើប្រាស់បានយូរអង្វែង។
ក្នុងឱកាសចុះពិនិត្យផ្លូវនិងលូរស្ពានចំនួន២៣កន្លែងតាមបណ្តោយផ្លូវអភិវឌ្ឍន៏ព្រំដែនកម្ពុជាឡាវដែលកំពុងស្ថាបនាដោយកងវិស្វកម្មកព្រឹកថ្ងៃទី១១ខែមិថុនាឆ្នាំ២០១៥នេះ លោកកុលសំអុលអភិបាលខេត្តស្ទឹងត្រែងមានប្រសាសន៍ជំរុញឲ្យក្រុមវិស្វកម្មពន្លឿនការស្ថាបនាឲ្យបានឆាប់ពីព្រោះផ្លូវនិងស្ពាននេះពេលស្ថាបនារួចរាល់នឹងក្លាយទៅជាផ្លូវប្រវត្តិសាស្ត្រមួយសំរាប់កូនចៅជំនាន់ក្រោយបានស្គាល់ហើយយើងក៏អាចការពារនួវបូរណភាពទឹកដីរបស់ជាតិយើងបានតទៅអនាគត។
លោកអភិបាលខេត្តមានប្រសាសន៍ទៀតថា៖ប្រយោជន៍សំខាន់ខាងលើនេះអាជ្ញាធរខេត្តនិងបន្តការគាំទ្រដល់ការអភិវឌ្ឍន៏ ចំណែកកងវិស្វកម្មត្រូវខិតខំពន្លឿនដល់ការស្ថាបនាផ្លូវនេះឲ្យបានសំរេចតាមទិសដៅតាមផែនការរបស់អគ្គមេបញ្ជាការនិងប្រមុខរាជរដ្ឋាភិបាលហើយអាជ្ញាធរខេត្តនៅខាងក្រោយក៍ខិតខំបង្កើនការយកចិត្តទុកដាក់ជួយឧបត្ថម្ភគ្រប់លទ្ធភាពជួយដល់ក្រុមការងារទាំងអស់សំដៅធ្វើឲ្យការការពារបូរណភាពរបស់យើងមានភាពរឹងមាំជាប្រវត្តិសាស្ត្រសំរាប់អនាគតជាតិនៅពេលខាងមុខ។
លោកសេងអិដ្ឋ ប្រធានក្រុមកងវិស្វកកម្មលេខ៧១៧ដឹកនាំស្ថាបនាផ្លូវនេះបានបញ្ជាក់ថា៖ក្រុមការងារបានធ្វើសកម្មភាពស្ថាបនាអស់រយៈពេលជាង៥ខែមកហើយរួមទាំងផ្លូវស្ពាននិងលូរជាច្រើនកន្លែងទោះបីនៅខែវស្សានេះមានភ្លៀងធ្លាក់ជួបការលំបាកយ៉ាងណាក៏ដោយ។
លោកប្រធានក្រុមកងវិស្វកកម្មបានអះអាងថា៖ចំពោះផ្លូវធ្វើការឈូសឆាយបានជាង៥០គីឡូម៉ែត្រលើសផែនការចំណែកស្ពានលូរយើងក៏បានត្រៀមកំលាំងហើយជាស្រេចដែរតំបន់នេះគឺជាអូរវាច្រើនពេលភ្លៀងទៅផ្លូវវាងជួបការលំបាកបន្តិចក៏ប៉ុន្តែកំលាំងស្ពានមកដាក់គ្រប់អស់ហើយ២៣កន្លែងគឺរៀបចំអស់ហើយចំហើយកំលាំងលូរខ្ញុំក៏ចាប់ផ្តើមធ្វើបណ្តើរៗដែរ។
សូមបញ្ជាក់ថា៖ផ្លូវ អភិវឌ្ឍន៏នៅតាមខ្សែបន្ទាត់ព្រំដែន ចាប់ចេញពីចំណុចផ្លូវជាតិ លេខ៧ ក្នុងភូមិសាស្ត្រទឹកដីសង្កាត់សាមគ្គី ក្រុងស្ទឹងត្រែងទៅតាមបង្គោលព្រំដែនដែលភាគីទាំង២កម្ពុជាឡាវបានឯកភាពគ្នាបោះបង្គោលរួចកាលពីឆ្នាំ២០០១ហើយនៅក្នុងឆ្នាំ២០១៥នេះផ្លូវផែនការអភិវឌ្ឍន៏៥០គឺឡូម៉ែត្រនិងត្រូវធ្វើស្ពានចំនួន២កន្លែងលូរប្រអប់២១កន្លែងនិងលូរមូលចំនួន៧១កន្លែង ៕
