ខេត្តកំពង់ឆ្នាំង៖ ការអនុវត្តសាលដិការបស់តុលាការកំពូល ដែលបានបណ្តេញប្រជាពលរដ្ឋ២គ្រួសារ កំពុងរស់នៅលើដីជាប់ របងព្រះវិហារខ្មែឥស្លាម ស្ថិតក្នុង ភូមិច្រករមៀត ឃុំឈូកស ស្រុកកំពង់ត្រឡាច នៅព្រឹកថ្ងៃទី០១ ខែកក្កដា ឆ្នាំ២០១៥ប្រជាពលរដ្ឋជាង១០០នាក់ បាន
លើកគ្នាមកតវ៉ានិងតាមបណ្តឹងភាគីដើមបណ្តឹង ដែលបានអះអាងថាៈជាម្ចាស់ដី ។
រឿងទំនាស់ដីធ្លីដ៏រ៉ាំនេះ ត្រូវបានលោក តាំ សារឿន អភិបាលស្រុកកំពង់ត្រឡាច បញ្ជាក់អោយដឹងថា៖ពីដើមឡើយ នៅពេលព្រះវិហារខ្មែរឥស្លាមកំពុងសាងសង់ មានអនិកជនរស់នៅប្រទេសអាមរិក បានមកបញ្ចុះបញ្ជូនប្រជាពលរដ្ឋដែលនៅជុំវិញវិហារដោយបានសន្យាថា៖ នឹងដោះស្រាយគោលនយោបាយអោយពួកគាត់រើចេញ ដោយយកដីជុំវិញវិហារ ធ្វើផ្លូវ សម្រាប់ព័ទ្ឋជុំវិញវិហារ ដែលមានទទឹង ៣,៨០ម៉ែត្រ។ កាលណោះប្រជាពលរដ្ឋដែលសុទ្ឋសឹងជាខ្មែរឥស្លាមបានយល់ព្រម តែចាប់ពីពេលនោះមកអនិកជនអាមេរិកទាំងនោះ មិនបានផ្តល់ប្រាក់មកទេ ហើយដីជុំវិញវិហារ ត្រូវបានប្រជាពលរដ្ឋទាំងនោះ សន្មត់ថា៖ជាដីផ្លូវរហូតមក មិនត្រឹមតែប៉ុណ្ណឹង ព្រះវិហារឥស្លាមនេះក៏បានធ្វើប្លង់បញ្ជាក់ថាដីជុំ វិហារ ដែលមានទទឹង៣,៨ម៉ែត្រ ជាដីព្រះវិហារទៀតផង ។
ប៉ុន្តែដីទាំងនោះមានប្រជាពលរដ្ឋរស់នៅជុំវិញ ដោយ ឡែក ដីដែលមានទំនាស់ គឺជាដីដែលនៅពីខាងត្បូងព្រះវិហារ ដែលមានប្រជាពលរដ្ឋចំនួន២គ្រួសារ កំពុងរស់នៅ ។
លោកបានបញ្ជាក់ទៀតថា៖ ប្រជាពលរដ្ឋ២គ្រួសារ ដែលសុទ្ឋជាស្ត្រីមេម៉ាយ កំពុងរស់នៅលើដីផ្លូវ ជាប់ពីខាងត្បូងព្រះវិហារ មានឈ្មោះ លី ម៉ារី និងឈ្មោះ លី ណាស់ ២គ្រួសារនេះដោយសំអាងថាជាដីផ្លូវរបស់ព្រះវិហារ ក៏មិនបានធ្វើប្លង់អ្វីដែរ ។ ដោយឡែក ប្រជាពលរដ្ឋមួយគ្រួសារដែលជាដើមបណ្តឹង មានឈ្មោះ លី ម៉ាត់ ភេទប្រុស ឈ្មោះនេះកំពុងរស់នៅជាប់ពីខាងត្បូង២ គ្រួសារនេះដែរ និងមានប្លង់ បញ្ជា ក់ថា៖ខាងជើងជាប់និងវិហារឥស្លាម មានន័យថាៈបានបាត់ដីផ្លូវរបស់ វិហារបាត់ទៅហើយ ទើប បណ្តាលអោយមានបញ្ហាទំនាស់នេះកើតឡើងយ៉ាងរ៉ាំរ៉ៃ ។ ដោយសារសំអាងលើប្លង់ ដែលបញ្ជាក់ដោយ ជំ នាញសុរិយោដីបែបនេះហើយ ទើបតុលាការកំពូលសម្រេចអោយឈ្មោះ ម៉ាត់ លី ជាដើមបណ្តឹងឈ្នះក្តី ចំ ណែក ប្រជាពលរដ្ឋសំអាងថាដីនេះជាដីផ្លូវរបស់វិហារ ទើបនាំគ្នាប្រឆាំងការតវ៉ា ដែលមកដល់ពីនេះការអនុវត្តសាលដីការរបស់តុលាការចំនួន៣លើកមកហើយដែល មិនទទួលបានជោគជ័យ ។
កម្លាំងប្រដាប់អាវុធ ដែលបានចុះទៅអនុវត្តសាលដិកានេះបានដកថយមកវិញនៅពេលដែលប្រជាពលរដ្ឋជាច្រើននាក់ប្រឆាំងដាច់ខាតនឹងការអនុវត្តសាលដិការនេះ ព្រោះពួកគាត់បានអះអាងថា ដីទទឹង៣,៨០ម៉ែត្រជាដីរបស់ព្រះវិហារ មានប្លង់ត្រឹមត្រូវដូចគ្នា និងបានរិៈគន់ថាៈ មន្ត្រីជំនាញ ធ្វើអោយមានកំហុសក្នុងការចេញប្លង់ជាន់គ្នានេះ ។ចំណេកមន្ត្រីភូមិបាលស្រុកកំពង់ត្រឡាចអ្នកយកព័ត៌មានយើងមិនអាចសុំការបំភ្លឺបានទេកក្នុងរឿងខាងលើនេះ ៕
