ខេត្តសៀមរាប៖ ប្រភពពីសមត្ថកិច្ចបានឲ្យដឹងថា រថយន្ត២គ្រឿងបានបើកប៉ះគ្នានៅចំនុចមុខខារ៉ាអូខេនាងពួន ហើយភាគីខាងយោធាម្នាក់បានខឹងសម្បាខ្លាំងក៏បានដកកាំភ្លើងបាញ់ឡើងលើមួយគ្រាប់ដើម្បីឲ្យរថយន្តម្ខាងទៀតឈប់ ប៉ុន្តែខណៈនោះត្រូវបានម្ចាស់រថយន្តមិន
ហេតុការបាញ់បោះសេរីនៅកណ្តាលក្រុងទេសចរសៀមរាបនេះកើតឡើងកាលពីវេលាម៉ោង៧និង៣០នាទីថ្ងៃទី២៩ខែមិថុនាឆ្នាំ២០១៥ស្ថិតនៅលើផ្លូវជាតិលេខ៦ មុខខារ៉ាអូខេនាងពួន ក្នុងភូមិចុងកៅស៊ូ សង្កាត់ស្លក្រាម ក្រុង សៀម រាប ។
ប្រភពបានឃើញហេតុការបង្ហើបឲ្យដឹងថា មុនដំបូងឃើញសមត្ថកិច្ចនគរបាលទាំងនោះ ដេញតាមជ្រោងច្រាងហាក់ដូចជាដេញចាប់ចោរអញ្ចឹង រហូតមកដល់អូតែលសេរីភាព ហើយពួកគេឃើញមានកម្លាំងនគរបាលមកឡោមព័ទ្ធពេញឡាន នោះតែមិនហ៊ានធ្វើអីគេផងបានត្រឹមតែដើរតាមពីក្រោយ ហើយជនបង្កនោះក៏បានបើកទ្ធារឡានជូនមេគេឡើងទៅដល់បន្ទប់សណ្ឋាគារសេរីភាពធ្វើព្រងើយ។
តាមប្រភពពីកងរាជអាវុធហត្ថខេត្តបានប្រាប់នៅព្រឹកថ្ងៃទី៣០ខែមិថុនានេះថា ក្រោយពីនាំខ្លួនជនបង្កបាញ់បោះសេរីនៅក្នុងក្រុងសៀមរាបដែលបានបើករថយន្តទំនើបម៉ាកហាយព្រីត ពណ៌ត្រីឆ្លូញ ពាក់ស្លាកលេខភ្នំពេញ ២R៣៤៨៦ មកដេកនៅលើសណ្ឋាគារសេរីភាពដោយធ្វើព្រងើយដូចជាមិនដឹងអីតែទាល់សោះនោះ ត្រូវបានកម្លាំងជំនាញឡើងទៅហៅចុះមករួចយកទៅកាន់ទីបញ្ជាការកងរាជអាវុធហត្ថខេត្តដើម្បីធ្វើការសួរនាំ។ប្រភពបានបន្តថា ជនបង្កដែលបានបាញ់បោះសេរីក្នុងក្រុងសៀមរាបនោះមានឈ្មោះ អៀម វាសនា ភេទប្រុសអាយុ៣២ឆ្នាំមុខរបរជាអង្គរក្សនៅព្រះវិហារជាមួយលោកផ្កាយ៣ មានស្រុកកំណើតភូមិកម្មករ ឃុំបែកចាន ស្រុកមុខកំពូល ខេត្តកណ្តាល។
ករណីបាញ់បោះនៅកណ្តាលក្រុងទេសចរសៀមរាបនេះដែរ ត្រូវបានគេដឹងថា ជនបង្កត្រូវបានគេដោះលែងហើយ ដោយមិនទាន់ដឹងមូលហេតុអ្វី ដែលបណ្តាលឲ្យមានករណីយ៉ាងដូច្នេះ កើតឡើងសោះ ក្នុងខេត្តទេសចរមួយនេះ ប្រការទាំងអស់នេះហើយដែលធ្វើឲ្យមជ្ឈដ្ឋាននានារិះគន់មិនដាច់ពីមាត់ ពីភាពអសកម្មទាំងនេះ៕
