កំពង់ស្ពឺ៖ យោងតាមAccount facebook មួយឈ្មោះFina Collections Fans Page បានសរសេរថា ( កាលពីយប់មិញខ្ញុំជិះឡានពីភ្នំពេញមកកំពង់សោមដល់ផ្លូវពេជ្រនិលហួសកន្លែងលោកយាយម៉ៅចុះចំណោតមកមានមនុស្សកាន់ដុំថ្មយ៉ាងធំចាំគប់មកលើខាងតៃកុងឡាន
ដើម្បីឲ្យត្រូវតៃកុងឡានរបួសរួចប្លន់ ប៉ុន្តែចៃដន្យចេះសំណាងល្អមិនត្រូវអ្នកបើកគ្រាន់តែបែកកញ្ចក់ឡានខាងមុខហើយប្ដីខ្ញុំក៏បើកឡានឲ្យលឿន ដើម្បីឲ្យផុតពីពួកវាសូមបងប្អូនទាំងអស់គ្នាប្រុងប្រយ័ត្នពេលបើកឡានពេលយប់ខ្ញុំធ្លាប់តែលឺគេនិយាយមិនដែលជួបផ្ទាល់ទេតែឥឡូវជួបផ្ទាល់ភ័យណាស់ញ័រដៃញ័រជើងងអស់សូមជួយចែកចាយដើម្បីឲ្យបងប្អូនយើងទាំងអស់ដឹងគ្រប់ៗគ្នាផង ) ។
ក្រោយពីបណ្តាញសង្គមបានផ្សាយនៅពត៏មាននេះសមត្ថកិច្ចកងយោធពលខេមរភូមិន្ទដែលមានតួនាទីឈរការពារត្រង់ជ្រោះលោកយាយម៉ៅពេជ្រនិលបានបង្កើនការប្រុងប្រយត្ន័ដោយសហការ ជាមួយសមត្ថកិច្ចចម្រុះផ្លូវជាតិពង្រឹងការចុះយាមល្បាតបន្ថែមទៀតដើម្បីស្វែងរកជនដៃដល់ដែលបានប្រព្រឹត្តិ។នាវេលាម៉ោង៨និង៣០នាទីយប់ថ្ងៃបន្ទាប់មន្ត្រីយោធាកងពលតូចស្មើជើងលេខ ៣១ប្រចាំការការពារចំណុចភ្នំពេជ្រនិលបានឃាត់ខ្លួនជនសង្ស័យម្នាក់ត្រង់ចំណុចទី០៦ ឃុំត្រយឹង ស្រុកភ្នំស្រួច ខេត្តកំពង់ស្ពឺផ្លូវចុះ ចំណោទលោកយាយម៉ៅ។
លោកឧត្តមសេនីយ៍ត្រី ទូច លីន ជាអ្នកទទួលបន្ទុកបានបញ្ជាក់ប្រាប់ថាជនសង្សយ័ដែលកំលាំងលោកចាប់បាននោះកំពុងតែដើរតាមដងផ្លូវជាតិនិងបានរើសដុំថ្មគប់នេះគប់នោះក្នុងអការះមិនប្រក្រតីដោយសារតែប្រើថ្នាំញៀនហួសកម្រិត។ពេលចាប់បានលោកបាននាំយកទៅឲ្យសមត្ថកិច្ចដែរ តែខាងសមត្ថកិច្ចមិនអាចឃុំខ្លួនបានទេដោយសាររូបគេគ្មាននិតិសម្បទាគ្រប់គ្រាន់ដែលត្រូវមានពិរុទ្ធភាព ។
លោកឧត្តមសេនីយ៍ត្រីបានបន្តទៀតថា មួយរយះនេះគាត់សង្កេតឃើញមានជនអនាថានិងជនមានសតិមិនគ្រប់គ្រាន់និងខ្លះទៀតជាមនុស្សញៀនថ្នាំមានស្រីមានប្រុសតែងធ្វើដំណើរតាមផ្លូវជាតិជាពិសេសពួកជនទាំងនោះតែងធ្វើសកម្មភាពនិងការបំលាស់ទីនៅពេលយប់។ខ្លះដើរស្រាតតាមចិញ្ចើមថ្នល់ ហើយខ្លះទៀតដើរកណ្តាលផ្លូវដែលប្រឈមនឹងគ្រោះថ្នាក់ចរាចរណ៍និងខ្លះទៀតអាចបង្កការបំផ្លិចបំផ្លាញដូចការគប់ទៅលើរថយន្តជាដើមទន្ទឹមនោះក៏អាចមានករណីក្មេងទំនើងផងដែរ។ លោកក៏បានសូមអំពាវនាវឱ្យប្រជាពលរដ្ឋធ្វើដំណើរបើជួបករណីដូចរៀបរាប់ខាងលើ សូម ផ្តល់ព័ត៌មានដល់កំលាំងសមត្ថកិច្ចចម្រុះផ្លូវជាតិលេខ៤ក៏បានខាងលោកក៏បានតាមរយៈលេខទូរស័ព្ទបីប្រព័ន្ធ គឺ 015 247 676 , 097 996 0908 និង 016820 262 នឹងមានអន្តរាគមន៏ជូនភ្លាមៗ។
ករណីនេះបានជះឥទ្ធិពលយ៉ាងខ្លាំងចំពោះអាជ្ញាធរមូលដ្ឋានដែលមិនបានយកចិត្តទុកដាក់ចំពោះមនុស្សវិកលចរិកឬមនុស្ស បាត់បង់កាយសម្បទាគួរណាស់ត្រូវ បានយកចិត្តទុកដាក់ប្រមូលពួកគាត់យកមកកន្លែងមានសុវត្តិភាព មិនត្រូវបណ្តែតបណ្តោយឲ្យពួកគាត់ដើរពាសវាលពាសកាលរហូតឈានដល់បង្កគ្រោះថ្នាក់ដល់អ្នកដទៃថែមទៀត ៕
