កំពង់ឆ្នាំង៖ស្ត្រីមេម៉ាយម្នាក់មានជំងឺ រលាកផ្លោកនោម និងមហារីកពោះវៀនធ្ងន់ធ្ង រនិងជនចាស់ជរាពិការគ្មានទីពឹង ចំនួន៤នាក់រស់នៅក្នុង ស្រុករលាប្អៀរ នៅព្រឹកថ្ងៃទី០១ ខែកក្កដាឆ្នាំ២០១៥ ត្រូវបានលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា រួមដំណើរដោយឯកឧត្តម អ៊ុន សំអុល ប្រធានគណៈកម្មាធិការសាខាកាកបាទក្រហមខេត្ត លោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្ត និងសមាជិកសមាជិកាសាខាកាកបាទក្រហមខេត្តស្រុក អាជ្ញាធរដែនដីជាច្រើនទៀតបានចុះសាកសួរសុខទុក្ខ និងនាំយកអំណោយរបស់កាកបាទក្រហមកម្ពុជា ទៅចែកជូនស្ត្រីមេម៉ាយនិងជនចាស់ជរាពិការគ្មានទីពឹងទាំង៤គ្រួសារដល់លំនៅដ្ឋាន។
លោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមខេត្តកំពង់ឆ្នាំងបានអោយដឹងថា៖អំណោយដែលបានចែកជូនដល់ស្ត្រីមេម៉ាយម្នាក់ដែលមានជំងឺធ្ងន់ធ្ងររលាកផ្លោកនោម និងមហារីកពោះ
វៀនមានកូនចំនួន៣នាក់ក្នុងបន្ទុក ឈ្មោះ តុល ចាន់នី អាយុ ៤៧ឆ្នាំ រស់នៅក្នុងភូមិកំពង់រាំង ឃុំស្វាយជ្រុំ ស្រុករលាប្អៀរ ទទួលបាន៖អង្ក៥០គីឡូ,ក្រាមមី១កេស,ត្រីខ១០កំប៉ុង,ទឹកសុទ្ធ១កេស,ឃីត១កញ្ចប់(ភួយ១.ក្រម៉ា១,មុង១,សារុង១)ទឹកដោះគោខាប់ស្ករសនិងថវិកា២លានរៀល។
លោកយាយចាស់ជរាពិការគ្មានទីពឹង៤នាក់ មាន១.ឈ្មោះ ប្រាក់ ហ៊ុយ អាយុ៨២ឆ្នាំ រស់នៅក្នូងភូមិកំពង់រាំង ឃុំស្វាយជ្រំ,២.ឈ្មោះ ប្រាក់យ៉ាន់ អាយុ៨១ឆ្នាំ ភូមិពង្រឃុំពង្រ,៣.ឈ្មោះ ចក់ ហុន អាយុ៦៦ឆ្នាំ នៅភូមិព្រៃខ្មែរ ឃុំរលាប្អៀរ និង៤.ឈ្មោះ ហួយ អាយុ៨១ឆ្នាំ នៅភូមិស្ពករាជ្យ ឃុំអណ្តូងស្នាយក្នុងស្រុករលាប្អៀរ ក្នុងម្នាក់ៗទទួលបានអង្ក៥០គីឡូ,ក្រាមមី១កេស,ត្រីខ១០កំប៉ុង,ទឹកសុទ្ធ១កេស,ឃីត១កញ្ចប់)ភួយ១.ក្រម៉ា១,មុង១,សារុង១(ទឹកដោះគោខាប់ស្ករសនិងថវិកាម្នាក់ៗ១លានរៀលផងដែរ។
លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា បានពាំនាំនូវប្រសា
សន៍ផ្តាំផ្ញើ សាកសួរសុខទុក្ខពី សម្តេចគតិព្រឹទ្ធិបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចលោកតែងតែនឹករលឹក គិតគូរពីសុខទុក្ខ និងផលលំបាកក្នុងការរស់នៅរបស់បងប្អូននៅគ្រប់ទីកន្លែង នៅពេលដែលប្រជាពលរដ្ឋមានទុក្ខលំបាកគឺសម្តេចតែងផ្តល់ជូននូវអំណោយជូនដល់បងប្អូនគ្រប់ៗគ្នាទាំងអស់ដោយមិនប្រកាន់ពូជសាសន៍ និងនិន្នាការនយោបាយឡើយ។ 
ប្រជាពលរដ្ឋដែលបានទទួលអំណោយដ៏ថ្លៃថ្លានិងដ៏សប្បុរសទាំងអស់ខាងលើនេះ បានសម្តែងនៅទឹកចិត្តសប្បាយរីករាយយ៉ាងខ្លាំងចំពោះសម្តេចគតិព្រឹត្តបណ្ឌិត ប៊ុនរ៉ានី ហ៊ុនសែន ដែលជានិច្ចជាកាលសម្តេចតែងតែយកចិត្តទុកដាក់និងយល់បានពីសុខទុក្ខប្រជាពលរដ្ឋរងគ្រោះ និងជនក្រីក្រទុរគត៌ កុមារកំព្រា ជនពិការ ស្ត្រីមេម៉ាយគ្រប់នៅគ្រប់មូលដ្ឋានទាំងអស់។
ប្រជាពលរដ្ឋទាំង៥នាក់ក្រីក្រទាំង៥គ្រួសារ សូមគោរពជួនពរសម្តេចអគ្គមហាសេនាបតីតេជោ ហ៊ុន សែន សម្តេចគតិព្រឹត្តិបណ្ឌិត ប៊ុនរ៉ានី ហ៊ុនសែន បុត្រាបុត្រី និងបុត្រប្រសារព្រមទាំងចៅៗទាំងអស់ សូមទទួលបានជ័យជំនះឈ្នះមារសត្រូវគ្រប់ទិសទី ដើម្បីដឹកនាំប្រទេសជាតិប្រកបដោយសុខសន្តិភាព សុខដុម្យរមនា និងឆ្ពោះទៅកាន់វឌ្ឍភាពដ៏រុងរឿងរហូតតទៅ៕
