ខេត្តបន្ទាយមានជ័យ
ស្រូវប្រាំងរបស់ប្រជាកសិករ នៅក្នុងភូមិ ព្រះពន្លានិងភូមិព្រៃឬស្សី សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យដែលមានចំនួន៣០០ហិចតាវាត្រៀម និងស្កកនិងងាប់នៅថ្ងៃខាងមុខនេះបើសិនណាគ្មានទឹកភ្លៀងនិងគ្មានទឹកសំរាប់បូមបញ្ចូលដាក់ស្រែទេនោះ។លោកអ៊ុំស្វាងរ័ត្ន ភេទប្រុស អាយុ៧៥ឆ្នាំគាត់រស់នៅភូមិព្រះពន្លា ក្រុងសិរីសោភ័ណ ខេត្តបន្ទាយមានជ័យគាត់ជាមន្ត្រីរាជការបំរើការងារនៅសង្កាត់មានឋានះជាក្រុមប្រឹក្សាសង្កាត់ព្រះពន្លាគាត់បាននិយាយថាកសិករនៅសង្កាត់ព្រះពន្លាឆ្នាំនេះបានជួបប្រទះនៅបញ្ហាប្រឈមដល់ទៅ២បញ្ហា១បញ្ហាធ្វើស្រែវស្សាបានហើយមានសត្វកណ្តុររាប់លានក្បាលមកបំផ្លាញស្រូវរបស់គាត់ខ្ទេចខ្ទីអស់គ្មានសល់ក្នុងមួយស្រែៗរកឲ្យបានផលមួយបាវស្ទើរមិនចង់បានបើទេះបី
កសិករទាំងនោះខិតខំធ្វើការទប់ស្កាត់យ៉ាងណាក៏ដោយក៏មិនអាចយកឈ្នះសត្វកណ្តុរដែលបំផ្លាញស្រូវរបស់គាត់បានឡើយ។លោកស្វាងរ័ត្នបាននិយាយបន្តថាឆ្នាំនេះប្រជាកសិករនៅភូមិនោះនាំគ្នាបែមកធ្វើស្រូវប្រាំងវិញថានិងបានផលខ្លះសំរាប់ស្រង់ដើមស្រែវស្សាវិញតែអកុសល់ស្រូវប្រាំងនោះជិតបានផលហើយបែទៅជាគ្មានទឹកត្រៀមនិងស្កកដល់ទៅ៣០០ហិតឯណោះបើគ្មានទឹកភ្លៀងនិងគ្មានទឹកបញ្ចូលដាក់ស្រែទេនោះ។លោកអ៊ុំស្វាងរ័ត្នបានបន្តទៀតថាសព្វថ្ងៃនេះទឹកនៅក្នុងប្រឡាយមានដែរតែទឹកប្រឡាយនោះវាខ្ទាបជាងស្រែខ្លាំងពេកទើបមិនអាចបូមបង្ហូរចូលស្រែបានលុះនៅព្រឹកថ្ងៃទី២ខែកក្កដាឆ្នាំ២០១៥នេះគាត់បានពិភាគ្សាគ្នាថានិងជួលម៉ៃខូយកទៅកាយនៅចំណុចខាងកើតស្ពានតាផាន់ដែលមានចំងាយ៥០០ម៉ែត្រជីកឲ្យបាន
ជំរៅ២ម៉ែត្រទើបទឹកអាចហូរទៅដល់ស្រែប្រាំងទាំង៣០០ហិចតានោះបានហើយក៏អាចបូមដាក់ស្រែទាំង៣០០ហិចតានោះបានដែរ។លោកអ៊ុំស្វាងបាននិយាយបន្តទៀតថាប្រជាកសិករទាំង២ភូមិនោះគាត់បានសំណូមពរដល់លោកអភិបាលខេត្ត លោកប្រធានមន្ទីរធនធានទឹកនិងមន្ត្រីពាក់ពន្ធទាំងអស់មេត្តាចុះមកត្រួតពិនិត្យវាលស្រែដែលប្រជាកសិករធ្វើស្រែប្រាំងទាំងចំនួន៣០០ហិចតានៅភូមិព្រះពន្លានិងភូមិឬស្សីនេះផងព្រោះសព្វថ្ងៃនេះវាត្រៀមនិងស្កកនិងងាប់នៅពេលខាងមុខនេះបើសង្ឈឹមលើកសិករទាំាង២ភូមិនោះឲ្យរកដំណោះស្រាយអំពីបញ្ហាទឹកបូមដាក់ស្រែខ្លួនឯងនោះវាមិនអាចទៅរួចឡើយទាល់តែអស់លោកអាជ្ញាធម៍ថ្នាក់ខេត្តនិងមន្ទីរធនធានទឹកនោះទើបបានអាចរកដំណោះស្រាយចេញ៕
