ខេត្តកំពង់ធំ៖បុរសម្នាក់ចងករធ្វើអត្ថឃាត សាច់ញាតិសន្និដ្ឋានថាប្រហែលជាខ្មោចចូលផង ស្រវឹងស្រាផងកាលពីវេលាម៉ោង៩.៤៨នាទីយប់ថ្ងៃទី ២០ ខែមេសា ឆ្នាំ២០១៤ នៅក្នុងផ្ទះតូច១ខ្នងដែលទើបតែនិងសាងសង់រួចថ្មីៗស្ថិតនៅក្នុភូមិព្រៃតាហូ សង្កាត់ព្រៃតាហូ ក្រុងស្ទឹងសែន ដោយសារតែសាច់ញាតិប្រទះឃើញបុរសជាម្ចាស់ឈ្មោះ ផល វឿន ប្រុសអាយុ២៤ បានចងករធ្វើអត្តឃាតស្លាប់ដូចបំណងនៅក្នុងផ្ទះរបស់ខ្លួនហើយសង្ស័យថាខ្មោចចូល! ប្រភពពត៌មានពីស្ត្រី ឈ្មោះ ពេន សុក្ខី អាយុ២០ បានឲ្យដឹងថារូបខ្លួនជាមួយនិងប្តីចាប់តាំងពី
រៀបការរួចមិនដែលមានទុំនាស់អ្វីនឹងគ្នានោះទេ!កាលពីក្បាលល្ងាចប្តីរបស់បានផឹកស្រាបៀរអស់ជិត១កេះ លុះដល់ម៉ោងប្រហែលជា៧យប់ មិនដឹងជាស្រវឹងស្រាខ្លាំងជោគជាំពេកឬមួយក៏ត្រូវខ្មោចចូលនោះទេ!ប្តីគាត់បានយកក្រម៉ាចកករធ្វើអត្តឃាតម្តងរួចមកហើយ តែត្រូវបានសាច់ញាតិបងប្អូនជួយសង្គ្រោះទាន់ពេលវេលា ហើយនាំគ្នាចាប់កោសខ្យល់ឲ្យប្តី
គាត់ ឈ្មោះ ផល វឿន នៅពេលដែលកោសខ្យល់ឲ្យរួច គាប់ជួននៅក្នុងពហុកីឡាដ្ឋាន(ស្តាតចាស់)មានការប្រគុំតន្ត្រីស្រាបៀរកម្ពុជាផងនោះ ក៏នាំបងប្អូនទៅមើលខុនស៊ើតទុកឲ្យបុរសជាប្តីនៅផ្ទះដេកម្នាក់ឯងព្រោះគាត់ស្រវឹងស្រាខ្លាំងពេក ស្រាប់តែ១សន្ទុះក្រោយមកមានការភ្ញាក់ផ្អើសជាលើកទី២ថា បុរសដែលជាប្តីគាត់ ឈ្មោះ ផល វឿន បានយកខ្សែកាបូប
ពណ៌ខ្មៅចងករទៅនិងធ្នឹមផ្ទះទៀតហើយ ពេលនោះបងប្អូនក៏នាំគ្នាយកកាំបិតកាត់ខ្សែរួចដាក់សព្វចុះដើម្បីជួយសង្គ្រោះអាយុជីវិត តែគួរឲ្យសោកស្តាយ ពីព្រោះជនរងគ្រោះដែលធ្វើអត្តឃាតបានដាច់ខ្យល់ស្លាប់បាត់ទៅហើយ! បន្ទាប់ពីសមត្ថកិច្ចជំនាញនគរបាលស្ទឹងសែនចុះទៅពិនិត្យ និងធ្វើកោសលវិនិច្ឆ័យរួចហើយ ក៏ប្រគល់ឲ្យសាច់ញាតិធ្វើបុណ្យទៅតាមប្តពៃណី។ 
